أريد حلا

سجل فى : 10/11/2008

تذكير بمساهمة فاتح الموضوع :

بسم الله الرحمن الرحيم
السلام عليكم ورحمة الله وبركاته

هل عندك مشكلة
هل ضاق صدرك
زهقان
حزين
مهموم
تعبان
هل انت فى حيرة لأن أصدقائك يبتعدون عنك ؟
هل تتخبط رغم أنك ملتزم ؟
هل تشعر أنك وحيد ؟
هل أنت ممن لا يثقون فى أنفسهم ؟
هل .. هل .. هل نتسائل كثيرا
ولكن لا نجد أجابة
منذ أن بدأ الموقع وهذه الساحة تمتلىء بالمواضيع وننسى او نتناسى ماهو عنوانها
مشاكل الشباب والفتيات
لن يعبر عن مشاكلكم إلا الواقع
ومن هنا كانت فكرة موضوعى هذا
فضفضوا لنا وأعتبرونا أخوة وأخوات لكم
ربما نخفف عنكم وربما تخففون عن بعضكم البعض . ربما ليس عندك مشكلة لكن مشاركتك لتبدى رأيك فى مأزق وقع فيه أخ او أخت لك سيكون له أثر فى حياتك .
لأننا أحيانا نتعلم ونحن نتكلم . نطرح المشكلات ونفحص القضايا ونبحث عن الحل .
نمد أيدينا أليك ونرتفع ونحن نرفعك لعل الله يرزقنا الصواب جميعا بإدخال السرور على بعضنا البعض .
هى مساحة ود أرجو أن نستغلها بطريقة صحيحة دون أن نفشى السر .
ولمزيد من الخصوصية صنعنا أيميلا لترسل عليه مشكلتك ومن خلالها سنعرض مشكلتك فى المنتدى لعدم تعرضك لأى نوع من الحرج .
هذا هو الايميل oredhalan@yahoo.com

أعاننا الله على حل ما جائنا من مشاكل
ومن الله التوفيق .

اتمنى من الجميع عدم أضافة اى مشكلة هنا
اى مشكلة ممكن أرسالها على الميل
وشكرا

{.... توقيع elmnar_2007 ....}

سجل فى : 12/04/2007

لو هيا واثقه في حببها و خطبها مفيش اى مشاكل
ودى مرات اخوه يعنى مش هيحصل حاجه بازن الله
وكمان مامته معاهم
وبعدين هو ليه سفر مراته بره تولد
هو قاعد في حته مفيهاش مستشفيات
ولا داكتره

{.... توقيع nona ....}

سجل فى : 26/10/2007

بص انا شايفه انه مش باديها حاجه طبعا تعملها
غير انها تبقى واثقه من خطيبها ده كويس اوى
وتخليه ع اد ما تقدر تقربه من ربنا
لان لو قرب من ربنا استحاله هيغلط حتى لو هى اصرت مره والف مره
خليه يقوي ايمانه بربنا ويتقرب منه ع اد ما يقدر

{.... توقيع beauty ....}

سجل فى : 22/12/2007

انا من رايى انها لازم تكون واثقة فى حبيبها
وعندى حل تخلية يرجع هنا احسن وبلاش وجع دماغ

{.... توقيع bota_samer ....}

سجل فى : 26/10/2007

هعلق ع كلامك تعليق بسيط يا بوتا
افرضى مثلا انه بيكون نفسه او له وضعه ووظيفه محترمه وكده
هيسيب كل ده وينزل علشان بنت ويضحى بمستقبله يعنى؟؟؟؟؟
لا انا من راى انها تخليه يقرب من ربنا
ده الحل الوحيد

{.... توقيع beauty ....}

سجل فى : 22/12/2007

انا بردة معاكى يا بيوتى بس انا شايفة ان حبيبتة دى اكيد هتفضل متضايقة طول ما البنت دى هناك واكيد اى واحدة بتغير على حبيبها
انا عن نفسى بغير مووووووت

{.... توقيع bota_samer ....}

سجل فى : 26/10/2007

بما ان عمرو صاحب الموضوع
فنحب نسمع رايه يعنى
اكيد ده بعد اذنه

{.... توقيع beauty ....}

سجل فى : 10/11/2008

ومالوا يا بيوتى

شوفى انا قولت ان حبهم هوا اللى هيحدد الموضوع دا

من كلامها حسيت انها غيووورة جدا ودى المشكلة

بس مش دايما الغيرة بتبقى دليل الحب بالعكس دى ممكن تدمر الحب دا

هيا لو واثقة فيه الثقة العمياء يبقى مش هتفكر فى حاجة زى دى ابدا

وهوا كذلك لو بيخاف ربنا اولا وبيحبها اكيد مش هيعمل حاجة تغضب ربنا

وفى نفس الوقت هيحافظ على مشاعرها لأنه بيحبها والمفروض انه مش بيشوف غيرها

طبيعى انها تخاف عليه لأنها بتحبه بس انا كل اللى بطلبه منها انها تستعين بالله وتستغفره من الشيطان

وفى حكمة جميلة بتقول

الحب كالرمل في يدك‏ اذا أقفلت أصابعك عليه برفق بقي في بطن يدك‏‏ وان ضغطت عليه هرب من أصابعك

ومتشكر جدا ليكى يا بيوتى على التدبيسة الجميلة دى

ليكى يوووم هههههه

{.... توقيع elmnar_2007 ....}

سجل فى : 26/10/2007

ههههههههههههههههههههههههههههه
بما انك جاوبت ع المشكله التانيه
تدبييسه بتدبيسه بقى
جاوب ع المشكله الاولى وقولنا رايك

وانا معاك جدا ف كلامك ده لان ساعت الغيره بتموت الحب

{.... توقيع beauty ....}

سجل فى : 10/11/2008

يعنى مش اللى فات مات يا بيوتى

{.... توقيع elmnar_2007 ....}

سجل فى : 26/10/2007

لالالالالالالالالالالا
اللى فات مش بيموت
نحب نسمع رايك برده يعنى

{.... توقيع beauty ....}

سجل فى : 10/11/2008

بصى يا بيوتى انا هعتبر نفسى مكان الشاب دا

انا لو قدامى انسانة كويسة وبتعرفها ربها كويس وبتحبنى

اكيد مش هستغنى عنها بالسهولة دى واقولها فكرى بعقلك مش بقلبك

بدام هيا عاوزانى وتقدر تستنانى يبقى احنا فى الاول والاخير لبعض

وانا مش هاجيب اللوم على الظروف لأنى انا اللى بصنع الظروف

اى حد يا بيوتى بينوى للأستقرار ربنا بيوقف جنبه فى كل خطوة بيخطيها

لأنه عاوز يكمل نص دينة ويستقر سيبك من قلة الشغل والبطالة انا بكلمك عن تجربة

اللى الكلام اللى احنا بنصطنعة اننا مش لاقيين شغل وبنجيب اللوم على البلد وكدا دا ضعف ايمان

مافيش حد مش بيشتغل حتى ولو بمبلغ قليل بس ربنا بيبارك فيه وفى ناس بترضة بقليلها وبتعيش

بس انا اسف انى خرجت بره الموضوع بس زى ماقولت هوا استغنى عنها وعن حبها ومن كلامها

حسيت انها متمسكة بيه رغم الظروف وهوا مش حاسس بيها اسف انى طولت بس دى الحقيقة ودا مش حب

الموضوع وما فيه ان هوا وهيا كانوا فى لحظة ضيق او فراغ عاطفى ولقوا اهتمام زائد من بعض

فبدأت العاطفة تتحرك بينهم ولما هوا ربنا كرمه شوية وشد حيله سافر وسابها

وشكرا للتدبيسة التانية

اشوف فيكى اسبووووع

{.... توقيع elmnar_2007 ....}

سجل فى : 07/01/2009

ميرسى اوى لفكرتك يا عمرو بجد فكرة حلوه اوى
بالنسبه للمشكله الاولى انا من رايى انه لو بيحبها هيتمسك بياها اوى واللى انا شايفاها انه انسان سلبى اوى والحب عمره مايخلى الانسان كده بالعكس الحب الى بجد بيخلى الانسان ايجابى اوى اوى وكمان مافيش حاجه اسمها ظروف دى شماعه بنعلق عليها فشلنا على فكره احنا اللى بنعمل الظروف دى ومن رايى بجد انك تبعدى عنه انا عارفه هتكون فتره صعبه عليكى بس صدقينى ده هيكون احسنلك وقربى من ربنا اوى وعسى ان تكرهوا شيئا وهو خير لكم
بالنسبه بقى للمشكله التانيه انا من رايى ان اهم حاجه ايمانه وخوفه من ربنا ده اللى هيخليه مايعملش حاجه غلط ويجى بعد كده حبه ليكى وماتقلقيش ان شاء مش هيحصل حاجه
وياريت بلاش غيرتك عليه تزيد عن حدها

ده رايى ياجماعه واختلاف الرأى لا يفسد للود قضيه

{.... توقيع nada w bas ....}

سجل فى : 01/12/2008

ممكن غيرتك دى هى الى تخلية ممكن يعمل حاجة انتى مش عايزها
كل ما تحسسية انك واثقة فية هو ها يحب اكتر
وياريت تعرفى المقول الى بتقول
الى يزيد عن حدة ينقلب لى ضدة
يعنى الغيرة مش دايما بتبقى حلوة

{.... توقيع شمس ....}

سجل فى : 04/08/2008

انا بحى البنت دى

لانها بجد بتخاف عليه من بكرة
بتخاف علية من الوحش

بتفكر ابعد عن الشر قبل ما اقع فيه

كل ده لييييييييييييييييييييييييييييييييييييييييييييييييييييييييييييييه؟
علشان خاطر حبيبها

ثانيا
مش لازم تظهر مخاوفها اكثر من اللازم
عليه
علشان ميشغلشى دماغة

صدقونى

الحل بسيط اووووووووووووووووى

يحاول يشغل تفكيره بعيد عنها

يتصل بحبيبته فى اوقات فراغة
يطمن عليها

ولو قعد فى البيت
يعد مع مامته

المشكلة سهلة
وبسيطة

{.... توقيع triple_h ....}

سجل فى : 24/01/2009

[size=21]

انا قرأت مشكلة البنت ياعمرو..بس هى المشكله مش معقده ولا حاجه..
وشايفه ان المشكله فى البنت نفسها..قلقها الزائد وقلة ثقتها فى الشخص اللى هى بتحبه..
يعنى سؤالك ليها .انتى واثقه فى الشخص اللى بتحبيه..
جاوبت عليك وقالتلك واثقه جدااااااااااا..
طيب هى فين الثقه..؟

انا معاها انها لازم تقلق وخصوصاً للوهله الاولى لان البنت التانيه سلوكها مش كويس..
لكن القلق اللى باستمرار ده مش كويس على الاطلاق..
انا بحزرها ان القلق اللى عندها ده ممكن يندرج بعد كده لقلة ثقه..وممكن ميكونش فى ثقه خالص بعد كده..
حياتها وحياة الشخص اللى بتحبه هتكون مهدده وده بالتأكيد..

المفروض تكون اعقل من كده..لو الشخص اللى بتحبه هى حاسه انه صادق معاها وانسان كويس ومتدين وعلى خلق..اعتقد مش هيكون فيه اى داعى للقلق ..وللخوف والاوهام اللى عيشت نفسها فيها من دلوقتى..

يعنى ربنا يوفقها فى حياتها ويدلها على فعل الصواب..

تحياتى لموضوعك يا عمرو..

[/size]

{.... توقيع يقيـــن ....}

سجل فى : 10/11/2008

بجد يا جماعة انا سعيد جدا بنجاح الفكرة

وردودك الجميلة وأفادتكم الرائعة

تحياتى لكل من ساهم برأية فى مشاكل هؤلاء

بس النهاردة الموضوع مختلف شوية

كل مرة بتبقى مشكلة بنت المرادى مشكلة ولد

وانا هاسيبه يتكلم عشان مش اطول عليكم

المشكلة بلسان الشاب

...............
ياجماعه انا عايز اخد رايكم في الموضوع ده بس
احب اعرفكم بشخصيات الحكايه بتاعتي الاول...
____________________________
1-انا
2-احمد (ابن خالي واعز اصدقائي)
3-هناء (بنت خالتي)
4-نور(جارتي)
_______________________
انا عندي 20 سنه كنت بحب هناء بنت خالتي حب قديم من حوالي اربع سنين
وكنت معجب بيها بس مصارحتهاش غير من حوالي 6 شهور قلتلها ان انا بحبك قالتلي وانا كمان
المهم حسيت ان حبها ليا كان حقيقي عشان كان في اكتر من علامة على كده. وطبعا حكيت لاعز اصحابي احمد
اللي هو ابن خالي وطبعا يبقى ابن خال هناء .... المهم بدات هناء تقلي انت ياعبدالرحمن زي اخويا
وطبعا دي كانت صدمه بالنسبه ليا المهم حاولت ابعد عنها فترة لحد ماافوق مع اني كل مااحاول انسى الحكايه
الاقي نفسي بكلمها او ببعتلها رساله ... بعد كده لقيت هناء راحت قالت لااحمد انها بتحبه احمد قلها وانا كمان
...(احمد طبعا كان فاكر اني سبتها نهائي وهي كمان. انا اوهمت نفسي ان انا لسه معاها )
المهم حسيت بصدمه مش عارف اميز او اعرف ايه اللي حصل كل حاجه ... قعدت اسال نفسي . هو
احمد غدر بيا ؟ واجاوب هيغدر بيا ازاي ده انا كنت بعدت عنها وهو ميعرفش ان انا لسه كنت بحبها
مع اني بعدت عنها .. هي هناء كده خانتني ؟ مره اقول دي خانتني ومره اقول لا دي هي جابتهالي على بلاطه
المهم انا قفلت الحكايه بس خليت الوضوع زي ماهو . .يعني احمد لسه زي ماهو صاحبي واخويا
..وهناء برده بنت خالتي زي ماهي
دلوقتي انا شفت واحده جارتي اسمها نور حاسس انها ميالة ليا وحاسس ان انا بحبها بس خايف يكون ده وهم

من خلال اسئلتى ليه حددت هوا عاوزكم تجاوبوا على ايه بالظبط

احمد غدر بيه ولا لأ ؟
هناء غدرت بيه ولا لأ ؟
صح اللي هوا عمله وخلاهم زي ماهما ولاكان المفروض يخسرهم ؟
هل ممكن تكون نور دي عبارة عن وهم ببحاول من خلاله يهرب من الواقع ؟
ولا هوا بجد ممكن يحبها حب حقيقي ومايظلمهاش ؟

[center]ان شاء الله اكون سهلت عليكوا الموضوع شوية
حلوووها بقى الواد تعبان

[/center]

{.... توقيع elmnar_2007 ....}

سجل فى : 03/09/2007

بجد هو تصرفوه كان سليم ياعمرو انو مش يخسر بنت خالتة ولا ابن خالة اللى هو صحبة بجد عجبنى فى دول اما بالنسبة لنور هل هى وهم ولا لأ انا شايف انها طالما ماياله له يبقى احتمال بتحبة بنسبة 90 % وفى مثل جميل بيقولك خد اللى تحبك مش اللى انت تحبها وتقريبا هو ده اللى حصل معاه اللى حبها ملقاش نفسة معاها وشكرا ليك وربنا معاه

{.... توقيع elflestiny ....}

سجل فى : 10/12/2008

بصراحه هناء لعبت بيه لما قالتلو ان هى كمان بتحبه وليه متكنش دلوقتى بتلعب باحمد
وهما التنين غلطنين طبعا احمد وهناء
اما موضوع نور فحاول تتريث شويه لما تتاكد من مشاعرها وكمان مشاعرك عشان متكررش الغلط

{.... توقيع عروس النيل ....}

سجل فى : 24/01/2009

احمد غدر بيه ولا لأ ؟
موقف سخيف..هو ده اللى اقدر اقوله..

هناء غدرت بيه ولا لأ ؟
ازاى عبد الرحمن حس ان حب هناء ليه كان حقيقى..وازاى فى نفس الوقت قالت لاحمد ابن خاله انا بحبك..
مش عارفه الموضوع ده ملخبط..وحاسه ان لعب عيال..

صح اللي هوا عمله وخلاهم زي ماهما ولاكان المفروض يخسرهم ؟
لا مادام هما اهله مش من المفروض يخسرهم خالص..يتعامل مع الوضع كما هو عليه..لكن العلاقه بين احمد وهناء اعتقد كده انها مش هتستمر..

هل ممكن تكون نور دي عبارة عن وهم ببحاول من خلاله يهرب من الواقع ؟
هى مياله ليه..طيب وهو؟؟؟؟؟؟؟؟؟؟
انا شايفه انه هيظلم نور معاه وميتسرعش..اللى عند عبد الرحمن فراغ عاطفى من الدرجه الاولى..واعتقد انه المفروض يستخدم عقله شويه وقت اللزوم..

ولا هوا بجد ممكن يحبها حب حقيقي ومايظلمهاش ؟
لما يستخدم عقله وياخد وقته فى التفكير ويختبر نفسه هل هو بيحب نور وللا لأ..
بس مش علطول خبط لزق كده..

القصه دى غريبه قوى ياعمرو.. :410:

{.... توقيع يقيـــن ....}

سجل فى : 22/12/2007

احمد غدر بيه ولا لأ ؟
هو مغدرش بيك بس المفروض انو عارف انك بتحب البنت دى يعنى بمسابة المحرمة علية بما انكم صحاب اوى
هناء غدرت بيه ولا لأ ؟
انا من رايى انك تشيلها من دماغك لانها اكيد متستاهلش حبك ليها
فى اية قالتلك انها بتحبك وفى اية رجعت تانى تقولك مش بحبك وفاية راحت لصاحبك تقولة انها بتحبة
متحاولش تفكر فيها وانا متاكدة انك هتلاقى احسن منها
صح اللي هوا عمله وخلاهم زي ماهما ولاكان المفروض يخسرهم ؟
هو تمام اللى هو عملة علشان يوريهم اد اية هو احسن منهم واد اية هما هيندمو فالاخر
هل ممكن تكون نور دي عبارة عن وهم ببحاول من خلاله يهرب من الواقع ؟
اذا كانت نور دى ادامة من زمان يبقى دة اكيد وهم لانة اصلا مكنش واخد بالة منها
وهو لو عمل كدة وارتبط بيها يقى بيظلم نفسة وبيظلم البنت معاه
ولا هوا بجد ممكن يحبها حب حقيقي ومايظلمهاش ؟
لو صبر فترة واتخلص تماما من حب هناء دى يبقى ممكن يفكر فحب جارتة
بس قبل كدة انصحة بلاش

{.... توقيع bota_samer ....}

سجل فى : 26/10/2007

احمد غدر بيه ولا لأ ؟
احمد مش غدر بيه ولا حاجه
لانه هو قاله ان كل حاجه انتهت بينه وبين هناء
هناء غدرت بيه ولا لأ ؟
هناء هى اللى غدرت بيه فعلا
لان زى ما بوتا قالت منين قالت وانا كمان بحبك ومنين قالتله ان احنا اخوات
وبعد كده راحت قالت لاحمد هى بتحبه
ع فكره البنت دى لسه مش لقت الحب الحقيقى لحد دلوقتى واعتقد انها مش هتستمر مع احمد لو جه قدامها حد تانى وقالها بحبك
لانى شكل هناء هوائيه
صح اللي هوا عمله وخلاهم زي ماهما ولاكان المفروض يخسرهم ؟
اكيد اللى عمله صح لان كده هيثبت ليهم انه احسن منهم
وهيثبت لهناء اكتر
لانى احمد ملهوش ذنب
واعتقد احمد لو كان عرف ان لسه مرتبط بيها اكيد مش كان كلمها
هل ممكن تكون نور دي عبارة عن وهم ببحاول من خلاله يهرب من الواقع ؟
هو لازم يتاكد من حقيقه مشاعره الاول
هو فعلا شال هناء دى من تفكيره تماما ولا لا؟
وهو لازم يعد مع نفسه اهم حاجه ويحدد هو فعلا نسا هناء ولا واخد نورا علشان تنسيه هناء بما انها قالت له بتحبه وكده وفرصه قدامه
ولا هوا بجد ممكن يحبها حب حقيقي ومايظلمهاش
ممكن يحبها حب حقيقى ومش يظلمها
ف حاله واحده بس
انه فعلا يكون نسا هناء واتاكدت من كده مليون الميه

{.... توقيع beauty ....}

سجل فى : 02/02/2009

السلام عليكم ورحمة الله وبركاته

أولا وبعد إذن أخواتى وإخوانى الأعزاء
أحب أن أنوه عن أمر لم يورده أحدا منكم فى حديثه
ألا وهو المراهقه

المراهقة حسب رايي هي مرحلة اثبات الوجود وصناعة الكيان الخاص بنا والذي نختاره كي يمثلنا والذي سنعرف به بعد ذلك . لذلك تعتبر هذه المرحلة فعلا خطيرة لكنها ايضا من اجمل مراحل العمر والتي فيها يتعرف الانسان على معنى انسانيته ولا انكر انه يكتشف نفسه وهذا اجمل شيء في الامر , يمكن ان نعتبرها ثورة بركان وكأن الشاب او الفتاة تصرخ كالبركان لتقول هذا انا وليسمع العالم انني هنا ربما تختلف من شخص لاخر لاننا بالنهاية نختلف بطرق تعبيرنا فبعضنا يثبت وجوده بالصراخ واخر بالمزاح واخر بالكلام و.. لكن المهم ان يجد المراهق من يستطيع ان يستوعب حالته ولأعرض بعض الحالات : ان كان المراهق يحب الكلام الكثير فهو يفجر طاقاته بالكلام فعلينا ان نسمعه للنهاية , وان كان يحب المزاح فعلينا ان نضحك معه ولا ننسى ان نرسل له اشارات تدله على مكامن الضعف التي ربما يقع فيها وهو يخلق شخصيته الجديدة فنحن بالنهاية بحاجة الى شاب سوي قادر على مجابهة صعوبات الحياة لا ان نجعل من فترة المراهقة مرحلة لاستهلاك كامل طاقاته المهم برايي هو التوجيه وبطريقة لا يشعر فيها اننا نؤثر عليه لانه بذلك يرفضنا ويرفض افكارنا

ونعود لموضوعنا

حيث أن جمبع أطراف القصه فى سن المراهقه وتصرفهم جميعا شيئ طبيعى بالنسبه لمرحلة المراهقه التى يمرون بها
ومن الطبيعى أيضا أن صلة القرابه بينهم هى العامل المشترك والأساسى وراء تشابك هذه القصه
وأود توجيه نصيحه للشخص بطل القصه بأنه لايفكر فى الموضوع بهذه الصوره (( حب , غدر , وخيانه ))
بل يعتبرها تجربه مفيده مر بها ويجب أن يستفاد منها
وبإذن الله ستأتى عليه أيام يتذكر هذه المرحله ويقول أن كل هذا كان لعب عيال

الكلام يطول لكن اظن أننى اكثرت الكلام وكانني مراهق افجر طاقتي بالكتابة....
أرجو المعذره

وتقبلوا تحياتى

أخوكم
مصطفى الطنطاوى

{.... توقيع مصطفى الطنطاوى ....}

سجل فى : 10/12/2008

سامحونى يا جماعه
هى الدنيا معدش فيها غير المشاكل العاطفية وبس
يا ريت الى عنده مشكله عاطفيه يفكر اكتر فى المشاكل التانيه الى فى حياته الدنيا موقفتش على كدا

{.... توقيع عروس النيل ....}

سجل فى : 10/11/2008

لأ طبعا يا عروس النيل

الدنيا كلها مشاكل بس دى المشاكل اللى وصلتنى عالميل

لو عندك اى مشكلة محتاجة حلها ابعتيها عالميل الخاص بالموضوع

وأكيد كلنا هانفيدك

ومتشكر جدا لمساهمتك ومتابعتك الجميلة

{.... توقيع elmnar_2007 ....}

سجل فى : 26/10/2007

عندك حق والله يابنتى عمر ما كانت المشاكل كلها مشاكل عطفيه وبس
فى مشاكل تانيه كتيره جداااا ف الحياه

{.... توقيع beauty ....}