آه يا ميكروباصى

سجل فى : 04/03/2009

حواديت الميكروباص
وانا داخل بالميكروباص المدينة
وقبل ما أدخل المدينة
كل الأخبار حزينة
كل الحكايات حزينة
كل الوشوش حزينة
والبلد كأنها طالعة من هزيمة وداخلة هزيمة
والطريق حفر ومطبات ومجاري طفحة
ومناظر أليمة
ما تكلمنيش عن إنجازات
كلها حاجات عقيمة

وأنا داخل بالمكروباص المدينة
وما بين وبين
ما بين السواق اللي ما بيتفاهمش
ويزعق ويقول في واحد ما حاسبش
والباب مربوط بحبل علشان ما ينزلش
والشباك كمان ما بيفتحش
والحر وأيامة اللي مابترحمش
قاعدين خمستاشر واحد كبس
واحد بيقول ليا بريزة
والتاني بيقول ياعم فين الريال
فين أيام الجمال
ودة كلة في أول المشوار

واحدة بتقول للجنبها ماعدش حاجة لها قيمة
أحلي بني أدم ما يحصلش بهيمة
قالت لها إزاي يا فهيمة
فية اللي واكلنها ولعة اللي في التلفزيون واللي في السيما
مش إحنا اللي مش عارفين نبني جدار بينا وبين الزريبة
واللة انت اللي بهيمة
هو احنا ياختي عايشين
شوفي الناس اللي بيكسبو ملايين
أنا مش عارفه هايودوا فلوسهم فين
الي عاندهم فادادين وفادادين
وعمرهم ما زرعو ولا شافوا فلاحين
وقاعدين في قصور حوليها اراضي ومساحة
وفيها قال ياختي حمامات سباحة
وفيها الخيل يجري يومين ما يعرفش الراحة

مش زيينا بيحسدونا علي القيراطين
ورجعت تقولها كل حاجة يااختي بقت نار
والأسعار بتغلي كل نهار
والعيشة غلب ومرار
ولا عارفين نسوقوا ولا عارفين نجيبوا كيلو خيار

ورجعت تقولها البنت بنت اختي كريمة خطبها جدع نجار
عندة معرض معرض وعربية ومنشار
كبير عنها يجي بعشرين سنة وزيادة
بس ما عندوش شهادة
قالت لها ياختي إن كنت عايزة عندنا الشهادات بزيادة
قالت لها عندي الجعدان تلاتة
كلهم مخلصين كليات ومعاهم أعلي الشهادات
بعد ما كسروا دهرنا
وصرفنا عليهم الأولوفات
ما تقوليش ياختي هايمسكوا الوزارات
والأخر قعدوا جنب إخوتهم البنات
لا شغلة ولا مشغلة كلهم بيلعنوا الشهادات
بكرة هاتتستت وهاتبقى ست الستات
وباركيلي لكريمة
وقوللها خالتك عدلات هي اللي هاتفرق الشربات
وماتحملش هم الشهادات
هاجيبلها شهادات العيال بس تجيبلي بيهم كيلو بلح أمهات

الواد ابني الكبير خاطب من اربع سنين
كل شوية في مشاكل
أهل العروسة مستعجلين
بيقولوا يا كدة يا كدة
إحنا مش هانفضلو مربوطين
قالت لها علي اية كل دة
دخلية في المطبخ جنب البوتاجاز يولعوا الشعلتين
واللة إحنا اللي هانولعوا والدمعة محبوسة في العين
والواد غبني الوسطاني أمين راح ليبيا من شهرين
ومين يوم ما راح لا بعت ولا سأل ولا قال انتوا فين
العيال من الغلب اللي شايفينة بقي قلبهم قاسي حبتين
وأنا مش عارفي ألقيها منين وإلا منين
والتالت ربنا ينجية ويحرصوا من العين
شباب زي الورد تتهز الأرض من تحتهم هز
اللي يشوفهم يقوم يفز
يتكايلوا بالدهب
البلد بتقولهم طز
ياعني إية يتعلموا تعليم عالي ياريتهم إتعلموا الهز
واحدة تانية بتشكي اللي جانبها وتقولها
إحنا ياختي جالنا إزالة
وقال جايبين معاهم المطافي والإسعاف
وعساكر لابسين اسود تقوليش إقحاف
أول ما شوفتهم قلت خرب بيتك يا أنصاف
أعمل إية سبع عيال وأمهم متغطيين بلحاف
علشان ينبسطوا سادة القوم والأشراف
هم قاعدين في برج عالي وإحنا الهم بنغرفوا منة بمغراف
ولا عمرهم حسوا بينا ول كانوا علينا خفاف
الراجل مات وسابلي العيال كوم لحم
حمل تقيل ما تشيلة إكتاف
ما لناش حد في الدنيا غير ربنا
رب العدل والإنصاف

طـــــــــــــــــــ ـــــــــــــــــارق

[/center]

{.... توقيع طارق ....}

سجل فى : 04/08/2008

:study:

موضووووووووع فى غايه الجمال

ده مش بكش ولا نفااااااااااااااااااااااااق

ده اجمل كلام لاجمل انسااااان

واجمل شكر لاطيب قلب

واحلى كلام لاشيك انسان

واجمل موضوع من انسان محبوب

مهما طالت الكلمات فانها تعبر عن حال صاحبها

تقبل مرورى

:flower: scratch

تم تثبيت الموضوع

{.... توقيع triple_h ....}

سجل فى : 06/11/2008

موضوع رااائع يا طارق تسلم ايديك

{.... توقيع نورا ابراهيم ....}

سجل فى : 04/03/2009

ترابل مرسي جدا جدا جدا
لمرورك علي موضوعى وبجد لسانى وقلبي عاجزان علي الرد علي كلامك الجميل
شكرا ليك
اخوك طارق

نورا
شكرا جدا ليكي
ونورتينى بردك
علي موضوعى
شرفتينى ونورتينى جدا
مرسي ليكي

طـــــــــ ـــــــــارق

{.... توقيع طارق ....}

سجل فى : 04/09/2008

موضوع جميل اوى يا طارق
تسلم ايدك والله
بس ياترابل مش تبقى تسبقنى فى قسمى وتقدر المواضيع الجامدة دى
هههههههههههههههههههههههههههههههه
المفروض انا اللى اثبت الموضوع
ولا انت عايز طارق يقول انى مش مقدر جمال موضوعه
ههههههههههههههههههههههههههههههههه
بجد

{.... توقيع elameedtito ....}

سجل فى : 04/03/2009

واللة يا تيتو انت وترابل بتحريجونى جدا جدا

ومش عارف اقولكوا لية
بس الي اقدر اقولة ويكون في مستطاع ى اعملة معاكوا
انكوا نورتونى جدا
جدا
جدا
وبجد
انا فرحان انكوا زرتوا موضوعى المتواضع دوة
مرسي ليكم

طارق

{.... توقيع طارق ....}

سجل فى : 30/10/2008

موضوع جميل يا طارق تسلم ايدك

{.... توقيع همسه؟ ....}

سجل فى : 10/12/2008

ما لناش حد في الدنيا غير ربنا
رب العدل والإنصاف

اجمل حاجه فى مواضيعك انها مواضيع حساسه وواقعيه
فعلا الى بيحصل اليومين دول فى الشارع مظاهر غير حضاريه بالمره
ومشاكل الناس يوم عن يوم بتزيد ربنا يسترها مع الجمييييييييييييييييييييييييييييييييييع

{.... توقيع عروس النيل ....}