منتدى كليه التربيه الرياضيه جامعه المنصوره ((مقهى الرياضيين)) |
اهلا بك عزيزى الزائر فى منتدى كليه التربيه الرياضيه عليك التسجيل لتتمكن من معاينه المنتدى |
منتدى كليه التربيه الرياضيه جامعه المنصوره ((مقهى الرياضيين)) |
اهلا بك عزيزى الزائر فى منتدى كليه التربيه الرياضيه عليك التسجيل لتتمكن من معاينه المنتدى |
منتدى كليه التربيه الرياضيه جامعه المنصوره ((مقهى الرياضيين)) |
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة. |
|
{.... توقيع همسه؟ ....} |
موضوع: رد: ترابيل عايز يسيب المنتدى الجمعة 16 يناير 2009, 11:10 pm | ||||
صعب جدا ان ترابيل يمشى ويسيبنا بعد اما كلنا حبناه وحبينا مواضيعه اى موضوع من غير وجوددة فيه مش يبقى ليه طعم . يا ريت ما يمشيش فعلا ويفضل معانا وياريت يعرفنا ايه هو السبب يمكن كلنا نحله مع بعض . خليك معانا يا ايمن وما تمشيش احنا كلنــــــــــــــــــا عايزينك معانا
|
موضوع: رد: ترابيل عايز يسيب المنتدى الجمعة 16 يناير 2009, 11:15 pm | ||||
NO COMMENT
|
موضوع: رد: ترابيل عايز يسيب المنتدى الجمعة 16 يناير 2009, 11:18 pm | ||||
لا بلاش الكلمه الى تعصب دى انت صحبه يا تيتو واكيد عارف ايمن ماله وانت بردة الى تخليه يرجع وسطينا تانى وما يسبناش صح ولا .............؟؟؟
|
موضوع: رد: ترابيل عايز يسيب المنتدى الجمعة 16 يناير 2009, 11:20 pm | ||||
لا بجد تعبتك نفسك يا تيتو كلا مقنع بشكل فظيع
|
موضوع: رد: ترابيل عايز يسيب المنتدى الجمعة 16 يناير 2009, 11:24 pm | ||||
لالالالالالالالالا ياترابيل مش معقول اللى انت بتقوله ده و قرار مش من السهل انك تقول كدا وياريت تفكر قبل ماتعمل كدا لانك تركت بصمة كبيرة فى المنتدى وفى كل موضوع وبهرت الاعضاء بمواضيعك المتميزة ورجاء اخير ياريت تفكر فى الموضوع جدا وتكون نهاية التفكير انك هتفضل فى المنتدى ان شاء الله
|
موضوع: رد: ترابيل عايز يسيب المنتدى الجمعة 16 يناير 2009, 11:26 pm | ||||
ممكن تعرفونى من قالكم ان ترابل هيسيب المنتدى؟ وصدقونى انا معرفتش لحد دلوقتى اكتر من اللى انتم عرفتوه ومش هقدر اتدخل ف الموضوع ده النهاردة اعذرونى لانى عندى امتحان بكرة واوعدكم هحاول على قد مااقدر اعرف هو فى ايه واحاول اتصرف
|
موضوع: رد: ترابيل عايز يسيب المنتدى الجمعة 16 يناير 2009, 11:27 pm | ||||
يا جماعة احنا لازم نتكاتف جميعا لمنع هذة الكارثة الانسانية والمخالفة لمنظمة حروق الانسان فكيف والف كيف ؟ لابد ولازم وواجب وحتما واكي طبعا يعنى فهناك الكثير والكثير من العطاء الذى سوف نفتقدة ازاى نسمح ازااااااااااااااااااااااااااااااااااااااى حد يقولى يا جماعة وهاتولة حد كبير يكلمة
|
موضوع: رد: ترابيل عايز يسيب المنتدى السبت 17 يناير 2009, 12:17 am | ||||
لااااااااااااااااااااااااااااااااااااااا اية الكلام الى انا بقراة دة دا انا ممكن انتحر
|
موضوع: رد: ترابيل عايز يسيب المنتدى السبت 17 يناير 2009, 3:13 am | ||||
انا هجيب من الاخر لو سبت المنتدى لما اشوفك فى الكليه هولع فيك
|
موضوع: رد: ترابيل عايز يسيب المنتدى السبت 17 يناير 2009, 4:24 am | ||||
تريبل h يا حبيبنا اوعى تمشى وتسيبنا على فكر ده مش من حقك يا حبيبى ومينفعش يبقى قرارك لوحدك كل الاعضاء دلوقتى لهم حق عليك لو كلهم وافقو اتفضل اعمل اللى انت عايزه بس الواضح ان مفيش ولا واحد هيوافق
|
موضوع: رد: ترابيل عايز يسيب المنتدى السبت 17 يناير 2009, 3:50 pm | ||||
ايه اللى انا سامعه دا طبعا يا ايمن ولا كأنى سمعت ولا شوفت الكلام دا ولو انتا تقدر تسيب حب الناس دى ليك وتمشى هما مش هيقدروا يسيبوك وبعدين لو مش عاوز تقول فى ايه انا مستنيك عالميل ومش عاوز اسمع منك حاجة هنا مش معقولة بعد الكلام دا كله تتخذ قرار غير مرضى للجميع اتمنى غير لك ماتسيش المنتدى يا ايمن
|
موضوع: رد: ترابيل عايز يسيب المنتدى السبت 17 يناير 2009, 4:01 pm | ||||
دا كنت دبحتك ي تربيل
|
موضوع: رد: ترابيل عايز يسيب المنتدى السبت 17 يناير 2009, 4:11 pm | ||||
لا تعليق على الكلام ده كله انا عاوز سبب مقنع و مادى فى رساله خاصه او اسمى ده دلع او اشاعه او حوار فارغ مش ليه لازمه و شكرا :410:
|
موضوع: رد: ترابيل عايز يسيب المنتدى السبت 17 يناير 2009, 8:05 pm | ||||
ههههههههههههههههههههههههههههههههههه انت مسحت الرد بتاعي ياتيتي عشان قلت انا معايا ا************************* ههههههههههههههههههههههههههههههههههههههههههههه طيب ************************ تاني هههههههههههههههههههههههههههههههههه والمره دي بأه ماتبئاش تمسح الرد ابئي كبر دماغك شويه وشيل العضويه خالص ههههههههههههههههههههههههههههههههههههههههههههههههههههههه
|
موضوع: رد: ترابيل عايز يسيب المنتدى السبت 17 يناير 2009, 8:37 pm | ||||
مالوش لزوم يا باتشان الكلام دا هنا لو عاوز تقول حاجة للتيتى قولهاله عالميل أتمنى
|
موضوع: رد: ترابيل عايز يسيب المنتدى السبت 17 يناير 2009, 10:51 pm | ||||
بص يا ترابيل من الاخر ومش هعيد الكلام دة تانى ... على راى الدكتور بتاع التشريح "حبيبى... حبيبى.... ممنوع.. ماشى ...ممنوع " اكيد كلكم عرفتوة اتمنى الرساله تكون وصلت ولو فيه بجد سبب انته شايفه مقنع ياريت تقولنا عليه متزعلش منى بس لو انته لقدر الله مشيت فعلا من غير ما تقولنا السبب يبقى انته كدة مش بتحترمنا ودة انا متوقعوش ابدا من انسان محترم جدا زى ترابيل ..
|
موضوع: رد: ترابيل عايز يسيب المنتدى الأحد 18 يناير 2009, 2:58 am | ||||
انا عرفت يا جماعة ايه سبب ان ترابل عايز يسيب المنتدى السبب هو ان العضو ده اللى هو ترابل كان نفسه يشوف كل الاعضاء اللى بيحبوه وزعلوا جدا لما عرفوا انه هيسيب المنتدى متجمعين ولو لمرة واحدة فى كل المواضيع اللى بتطرح فى المنتدى وميسيبوش المنتدى فترة كبيرة وبعدين يرجعوا وبعدين يمشوا يعنى مثلا وبدون ذكر اسماء عضو من اللى اسسوا المنتدى فجأة وبدون اى سبب مقنع يختفى من المنتدى ومن غير اى سبب او يعرفنا هو مشى ليه؟؟؟؟؟؟؟ عضو تانى يهتم بمنتدى آخر وينزل فيه احسن المواضيع ويبخل ع المنتدى دا بموضوع منهم؟؟؟؟؟؟؟؟؟؟؟؟ عضو تالت ومهم جدا جدا جدا ف المنتدى مبنشفهوش غير كل فين وفين مع انه المفروض هو اللى يكون موجود دايما ويشوف مواضيع الاعضاء ويناقشهم فيها ويحاول يفهمهم اكتر لانه يعرف اكتر؟؟؟؟؟؟؟؟ يا جماعة بجد لازم نشوف حل ف المشكلة دى مش معقول نشوف عضو مهم ومؤثر زى المنار مثلا يجى ويقدم شكوى فى انه طلب اكتر من مرة من الادارة انهم يساعدوه ف تطوير المنتدىويقول انه هيمشى لو فضل الحال زى ماهو وميلاقيش استجابة وعضو ومشرف عام زى ترابل توصل به الدرجة الى انه خلاص اصبح مستاء من الاعضاء اللى انا ذكرتهم وان مستوى المنتدى كده هيقل بين باقى المنتديات ويقول انه هيسيب المنتدى ومحدش عارف من اللى عليه الدور المرة اللى جاية ويقول انا اسف معنتش قادر اكمل ف المنتدى وهو بالشكل ده مفيش تغيير مفيش جديد مفيش تطوير دى كانت رسالة انا بوصلها لكم من على لسان ترابل نفسه وياريت لو انتم بتحبوه فعلا تحاولوا تنفذوا رغبته والله المنتدى جميل جدا وكلنا بنحبه بس عايزين نشوفه احسن من كده كمان وكمان وانا بقولك ياترابل ارجع المنتدى من غيرك خسر عضو من افضل الاعضاء اللى موجودين فيه واكثرهم تأثيرا على مستوى المنتدى وياريت لو تسمع كلامى واشوفك ف اقرب وقت منور المنتدى زى ماعودتنا دايما ومش انا بس اللى عايز اشوفك ف المنتدى تانى كل الاعضاء اللى بيحبوك دول
|
موضوع: رد: ترابيل عايز يسيب المنتدى الأحد 18 يناير 2009, 3:08 am | ||||
ايوة وانا مع تيتو وترابيل فى الكلام ده لازم نشوف حل وبسررررررررررعة جدا
|
موضوع: رد: ترابيل عايز يسيب المنتدى الأحد 18 يناير 2009, 10:54 am | ||||
بجد من اسعد ايام حياتى اليوم ده لان شفت حب الناس وحب الاعضاء وحب اسرتى وبجد متشكر جدا لكل كلمه طيبة لكل رقة قلب عضو انا لو قعدن اكتب مش هخلص كلامى بس والله بعتبرة من اسعد ايام حياتى وانا معاكم لنهاية العمر ولكن اتمنى مع كل حبايبى اللى دخلوا اضافوا بصمة او رد او ضحكة او ابتسامة بينى وبينه انا خايف على المنتدى والمنتدى فى اعضاء كتير زى ما قال ندال قبل كده والنهاردة شوفت حوالى 9 اعضاء يعنى لو شفت حوالى 9 اعضاء فى موضوع هيبقى صاحب الموضوع فرحان وسعيد وهشوف الاجمل حتى لو بينقله وانا سعيد معاكم ومن هنا مش عايز حد يتخلى عن المنتدى لان حب الاعضاء هو الفيصل شكر ا للاعضاء
|
موضوع: رد: ترابيل عايز يسيب المنتدى الأحد 18 يناير 2009, 3:13 pm | ||||
بسم الله الرحمن الرحيم الى اعضاء المنتدى الكرام على العموم الى العضو المحبوب و المقرب اللى قلبى ترابل على الوجه الخاص هدخل فى الموضوع على طول علشان مش عاوز اطول عليكم بالنسبه للسبب اللى انتا بتتكلم فيه انك عاوز تجمع اعضاء المنتدى فى موضوع ده سبب غير مقنع بالنسبه ليا انا شخصيا لان ده مش اسلوب و طريقه تجمع بيها الاعضاء و بالذات انى شايف الاعضاء فى عز مجدهم الايام و الفتره الاخيره .. اما بالنسبه للاعضاء اللى بينشوا و بيرجعوا و يروحوا و يعملوا منتديات و الحوارات اللى انت بتتكلم عليها دى فده حاجه ترجع لشخصيه الانسان لان لو الانسان ده بيحب المنتدى فعلا كمكان لتبادل المعلومات عمره ما هيبعد عنه لكن للاسف اللى انا شايفه و اللى انا لاحظته على مدار سنتين ان لو حتى واحد اشتغل فى المنتدى بيشتغل لاهداف معينه ( الا قله قليله جدا) و على سبيل المثال للاهداف دى واحد عاوز يبقى رتبه فى المنتدى و ده حق من حقوقه بس لازم يكون على نفس الرتم اللى هوه شغال بيه و للمستوى الاعلى مش للمستوى اللى الادنى واحد عاوز يعاند مع واحد او يشفر واحد او بيكره واحد فتلاق المنتدى مسرح للمنازلات ما بينهم واحد عاوز يكلم بنت و يعمل معاها اى نوع من انواع العلاقات من على المنتدى و طبعا دول انا عارفهم كده واحد واحد و غيره و غيره و عندى امثله حيه كثير فى المنتدى بالاسماء فى المنتدى لان كل واحد انا عارف بيعمل ايه و بيقرا فى موضوع ايه و الرسايل الخاصه بتاعته فيها ايه و انتا فاهمنى اكيد يا ترابيل...و على فكره مش تهديد ده بس انا عاوز اللى بيته من الازاز ميحدفش الناس بالتوب و مش يعمل حوارات فى المنتدى اما بالنسبه للعضو المهم جدا جدا و مش بتشوفه غير كل فين و فين ده اكيد لظروفه و على سبيل المثال انا مش هنبعد بعيد على الرغم من الانشغال اللى انا فيه كشاب مطحون فى الحياه زى شباب اليومين دول بدخل المنتدى و بقرلأ الموضوعات بس مش اقدر ارد و لو رديت مش هقدر ارد على كل المواضيع لان فى حاجات تانيه انا لازم اعملها فى المنتدى مش لازم تكونوا انتم عارفنهااو تشوفوها لان انا كمدير منتدى بتابع المشرف ده حذف ايه و نقل ايه و عمل ايه اما بالنسبه بالاهتمام بالمنتدى ... فانتم كاعضاء المنتدى اكتر ناس عرفيين ان لما بتحبوا اغيروا او تعدلوا او اى حاجه مش بنتأخر عليكم فى حاجه رغم ان موضوع الاستايل و شكل المنتدى ده حاجه فى جميع المنتديات مش تخص الاعضاء و لا الاشراف حتى بس احنا بنتعامل بروح اخوه معاكم عمركم ما هتلقوها فى منتدى بالشكل ده بين الاعضاء و الاداره فانتم اوزيين تطوير ايه تانى و بعدين يا استاذى ايمن ترابيل انا هقولك حاجه و قدام المنتدى كله اهوه انا لو شايف انك تستحق لوحه تحكم كان زمانى اديتها ليك و تدخل تعدل براحتك بس للاسف يا راجل انتا مشرف عام اهوه لما بتنقل موضوع بتسيب نسخه ليه فى المنتدى اللى اتعمل فيه الموضوع يعنى ده مصيبه فى حق الاشراف و لولا الواحد متابع اللى انتا بتعمله و بحف وراك و يعدل وراك كان زمانك اتكشفت من زمان يعنى انا مغطيك فى الحته ده لان انا عارف قد ايه ترابيل عضو مجتهد قولى بقى لما انتا على قد اشراف بس و مش عارف تعمل شغلك مظبوط امال احنا اللى على لوحه التحكم هنعمل ايه انتا لو شوفت لوحه التحكم اساسا هتتخض و الله يا ابنى و اخر حاجه عاوز اقولها ليك يا ترابيل على وجه الخصوص لما يكون فى مشكله كمشرف عام يعنى شخصيه مهمه فى المنتدى ابقى اعرضها انتا على قسم الاشراف و لو عاوز تعرضها على الاعضاء ابقى اعرضها بنفسك مع احترامى لهمسه و تيتو اللى همه ناس عزيزه و قريبه لقلبى بجد .... بس بجد يا ترابيل انتا قليت من نظرى جدا و كتير و لما يكون فى مشكله زى ده ابسط الايمان ابعت ليا رساله خاصه على الميل او الرسايل الخاصه بس هقول ايه حــــــــوارات و انا اسف لو كنت مقصر مع اى حد فى المنتدى او فى المنتدى ذات نفسه بس قبل ما اى يلومنى يلوم نفسه لان بجد حزين اوى دلوقتى اسف للاطاله اخوكم محمد على رزق
|
موضوع: رد: ترابيل عايز يسيب المنتدى الأحد 18 يناير 2009, 9:33 pm | ||||
ايمن انا عارفه ان ردي دا جه متأخر بس والله الظروف وانت عارف وعموما انا مسك الختام دا لو مش بتمانع يعني انا عاوزه اقولك حاجه صغيرة خالص ودي مش مجامله بس المنتدي فعلا مش هيكون ليه طعم من غيرك انا عارفه انك رجعت ف قرارك دا بس انا دخلت التوبيك لاني عارفه انت كنت عاوز تمشي ليه بس احب اعرفك حاجه انك لما هتمشي مش هتمشي لوحدك لان السبب في طرف تاني فيه
|
موضوع: رد: ترابيل عايز يسيب المنتدى الأحد 18 يناير 2009, 9:44 pm | ||||
جميل اووووووووووووى كلامك يا تيتى وعندك حق فى كلام بس لى تعقيب على كلامك اولا انا مش عايز لوحة ادارة والله ما انا عايزها انا كنت بهزر معاك زى ما انا مكنتش عايز ابقى مشرف فى الاول وقلت الكلام ده ومطلبتش من حد انى ابقى مشرف حصل بعدها بقيت مشرف عام وانا مش علامة او خبير منتديات او عارف كل اعمال الاشراف بس الحاجة اللى كنت عاي اعرفها كنت بسال حسام على الايميل وهى بيرد على علطول او فى موضوع الخاص بالمشرفين وانت المفروض تنزل مواضيع وتعليم الاشراف اصل انا مش خبير او كنت بتعامل مع منتديات تانية وكمان تبقى وجهة مشرفة للمنتدى لما الاقى حاجة ان مش عارفها يبقى المنتدى علمنى وفهمنى ثانيا اسمك كبيييييييييييييييييييييييييييييييير وانا مش بطل منك انك تبقى موجود لانى عارف انك مش فاضى ولكن مساهمة منك صغيرة او رد على موضوع هتفرق كتير مع العضو صاحب الموضوع على الاقل هتخليه يبحث عن مواضيع جديدة ويجيب الجديد حتى لو كوبى وباست بس هيجيبة بطريقة حلوة وينسقه ثالثا انا بجد يا ترابيل انتا قليت من نظرى جدا و كتير و لما يكون فى مشكله زى ده ابسط الايمان ابعت ليا رساله خاصه على الميل او الرسايل الخاصه بس هقول ايه حــــــــوارات انا مش صغير يا تيتى علشان تقول الكلمة دى امام الاعضاء انا عارف انى غلطت بس مينفعشى تقول كلمة زى دى ثانيا انت على العين والراس واحترامى الشيديد ليك همسة وتيتو اخواتى ولهم الحق فى التصرف لانهم حايفين على احساسى ومشاعرى بيحبونى وانا مش ينفع اكرهم لانى عشت معاهم فى كل موضوع فى كل لعبة فى انى اتعرف عليهم من المحكمة وانا حكتلهم من خلال تعارفى عليهم من المنتدى وشكر بجد لان كلامك كان حلو ولكن انا حبيت اعقب على الكلام اللى يخصنى وشكرا يا تيتى وموضوع الرسايل الخاص انا لو بعت رسالة خاصة يبقى فى خدمة المنتدى او مش بعاكس اى حد او انى عايز اتعرف على اى حد والرسايل معاك والاعضاء موجودين فى اعضاء قريبين منى وممكن يكون الايميل بايظ مفهاش حاجة لما اكلم اى عضو على الخاص واسال الاعضاء اللى مليش علاقة بيهم باخد رايهم فى مواضيع وشكرا
|
موضوع: رد: ترابيل عايز يسيب المنتدى الأحد 18 يناير 2009, 10:32 pm | ||||
هههههههههههههههههه والله عداك العيب يابني لانى عشت معاهم فى كل موضوع فى كل لعبة عجبني اوي الكلمه دي في كل لعبه ههههههههههههههههههههههههههه ههههههههههههههههههههههههههههههههههههههههههههههههه وحاجه تانيه عايز اعلق عليها في كلام التيتي وياريت متاخدش الكلام بطريقه وحشه والله ده لمصلحتك ووجهه نظر في الاخر حاول تقف مع اعضائك اكتر من كده ياتيت وتغير من اسلوبك لحل مشكله زي دي عشان محدش يفهمك غلط ومعتقدش ان ترابل اتفاجأ بردك لاني قلتهولو النهارده الصبح قبل ما اشوف الرد بتاعك هههههههههههههههههههههههههههههههههههههه حسيت بيك ياتيت
|
موضوع: رد: ترابيل عايز يسيب المنتدى الأحد 18 يناير 2009, 10:54 pm | ||||
انا مش هتكلم فى اى حاجه ولا ناوى اعقب على حاجه من اللى مكتوب على الاقل دلوقتى غبر حته واحده من اللى فهمته ان التيتى مدير المنتدى بيفتح رسايل الناس ومنهم ايمن والله الحاجه دى ماحصلت فى منتدى فى بدايته ومكملش 10 اعضاء وانا ياما دخلت منتديات عارفين ليه لأ فى حاجه اسمها امانه مش منتدى يفصله عن الالف عضو 61 عضو فقط لحظة كتابتى هذه السطور.. وان اللى بيدأ كبير بيفضل كبير مش بعد ماوصلنا لكم كبير من الاعضاء النشيطين اكتشف ان الادمن بيشوف رسايل الاعضاء بصرف النظر عن محتواها فهى من خصوصيات العضو ومش من حق اى حد يطلع عليها اتمنى اكون فسرت كلامك غلط .............
|
ترابيل عايز يسيب المنتدى |
جميع الحقوق محفوظه لكليه التربيه الرياضيه tity.topgoo.net © . تصميم وتطوير :ابنـ الاسلامـ | الرئيسيه |قوانين المنتدى |مراسله الاداره | فضفضه كول | احلى منتدى |