يوميات أسرة مصرية جدا

سجل فى : 03/09/2007

تذكير بمساهمة فاتح الموضوع :

الحلقة الاولى

استيقظت الأم سعاد في إرهاق واضح قبل الشروق بربع ساعة ....جاهدت لتحاول إيقاظ جسدها المجهد واللحاق بصلاة الفجر قبل الشروق ........مشيت على أطراف أصابعها كي لا توقظ زوجها الذي صلى قبلها ......توضأت وصلت الفجر وجلست لحظات ثم قامت الى المطبخ كى تحضر طعام الغداء كي يكون جاهزا عند عودتها من عملها ........

(حد فى الدنيا يصبح يقشر بصل ؟ ) تمتمت فى سرها ووجهها الوردى المشرب بحمرة يزدادا احمرارا من تقشير البصل .....سارعت لوضع اللحم ليسلق وهى تدعو الله الا يكون الجزار كالعادة ضحك على زوجها وأعطاه لحم عجوز لا ينضج الا بعد 6سنوات !!!سارعت بضرب الطماطم فى الخلاط ومدت يدها لاخراج كيس من البسلة المخلوطة بالجزر الى أعدتها بالأمس وهى تشاهد المسلسل العربى وتغالب النوم ........

نظرت الى الساعة وجدتها السادسة والربع حالا ستبدأ غارة ايقاظ الأولاد للذهاب الى المدرسة مرت على غرفة ابنها خالد وجدته مستلقى على فراشه بالعرض والغطاء مكوم على الأرض والغرفة فى حالة فوضى كأن قنبلة نووية مرت بها وتركت ابنها حى يرزق !!!

(اصحى يا خالد يالا ح تتأخر عن المدرسة مش كل يوم تعذبنى على ما تصحى )

وأخذت تلتقط الاكواب الملقاة حول جهاز الكومبيوتر والأطباق الملقاء فوق الكتب فى سيريالية عجيبة وحاولت بصعوبة استخراج كتبه من بين الانقاض بلا جدوى !!

(اصحى يابنى بلاش غلب على الصبح !!)

فرد عليها بصوت نائم متذمر (ياماما حرام عليكى انا نايم الساعة 3 سيبينى انام شوية)

ردت بصوت غاضب اهتز له جسدها البدين ( انت غبت امبارح من المدرسة يلا علشان تروح ولا عاوز ابوك يعملها لنا حكاية ؟ انت ناسى انك فى تانية ثانوى ؟ ثانوية عامة يابنى !!! 5 دقايق والاقيك لبست هدومك !!!! )

وخرجت من غرفته حاملة كارثة متحركة من الاكواب والاطباق والاوراق وذهبت الى المطبخ .....

وخرجت لغرفة ابنتها الصغرى ملك ذات الثمانى سنوات وكالعادة صراخ وبكاء وادعاء انها مصابة بمغص رهيييييب وان فيل هندى مر على قدمها بالليل ولهذا لا تستطيع الذهاب الى المدرسة !!

خرجت الام من غرفة ملك وهى تجرى على المطبخ بعد ما شمت رائحة شياط البسلة ....وأخذت تهذى بكلمات ساخطة ( على الخلفة واللى بيخلفوها !!) وانقذت البسلة بأعجوبة ووجدت اللحم – كالعادة - مازال أمامه ساعتين كى ينضج بعد ما امتص كل المرق ومازال كجلمود صخر !!

وهنا فاض كيلها وصرخت فى كل النائمين ( حرام عليكم انا ح ألاقيها من الطبيخ ولا من الشغل ولا من تنضيف البيت ولا من المدارس .....يالا كلكم تصحوا فى دقيقة واحدة !!!!)

وكأن هذه الصرخة هى علامة الخطر بالنسبة لخالد وملك فقاموا على الفور من غرفهم وكالعادة المعركة اليومية على دخول الحمام التى انتهت بتسرب ملك كالزئبق من فتحة الحمام وتركته يتوعد لها عندما تخرج !!!!!!!

أعدت الأم الافطار ودخلت غرفتها كى ترتدى ملابسها على عجل كى تلحق بعملها فى موعدها فالأمر لا يحتمل شخطة من المدير ولا مقلب جديد من احدى الزميلات المخلصات !!!!! استيقظ زوجها محمود على حركتها وهى ترتدى ملابسها ودون أن يفتح عينيه كى لا يطير النوم منهم قال لها بصوت متذمر ( هو مفيش يوم الواحد يصحى من غير سارينة الانذار دى ؟ )

كادت ترد عليه بعصبية ولكن لم تشأ ان تبدأ يومها بخناقة وجزت على أسنانها وهى تنظر للساعة فى استغاثة ( صباح الخير يا محمود الولاد ما بيصحوش الا بالطبل البلدى .......يالا أحسن ح تتأخر على شغلك انت كمان !!)

دفن رأسه تحت المخدة وهو يقول( لسه ح انام شوية كمان !!)

تمتمت فى سرها ( هم العيال جايبينه من برة ؟) وضبطت له المنبه ليوقظه بعد ربع ساعة كى لا تقوم غارة عند عودتها انها هى من تركته نائم وانها السبب فى تأخيره !!!!

اتمت ارتداء ملابسها وخرجت وجدت خالد وملك ارتدوا ملابس المدرسة ويتناولون الافطار ....... وامسكت شعر ملك لتمشيطه وهى تأكل فاعترضت وقالت ( ياماما كده الأكل ح ينزل فى شعرى !!!)

فقالت لها فى تعجب ( ياستى اللماضة دى مش بأشوفها الا فى البيت وفى المدرسة بتسيبى البنات يضربوكى ليه ؟)

فدافعت عن نفسها وقالت (لا ياماما محدش بيضربنى ده انا اللى بأموتهم من الضرب حتى اسألى خالد....... مش كده ياخالد ؟ )

فأجاب على طريقة فؤاد المهندس (اه طبعا على يدىىىىىى !!)

فأنهت الأم الصراع المتوقع وقالت لخالد بطريقة آمرة ( خالد توصل أختك لحد باب المدرسة وما تسيبش ايديها مفهوم ؟ )

وهمت بالخروج ثم عادت لتتأكد انها أغلقت البوتاجاز ولم تترك الحنفية مفتوحة ثم مرت على غرفة ابنتها الكبرى سلمى وفتحتها بهدوء ووجدتها نائمة فى هدوء تحتضن الوسادة وكأنها تحتضن صورة فارس الاحلام وبجوارها عدة كتب يبدو انها أمضت الليل فى قراءتهم وأيقظتها بهدوء فاستيقظت وهى تبتسم لأمها وتقول ( لها صباح الخير ياقمر )

فأشرق وجه الأم لأول مرة منذ استيقاظها وقالت لابنتها فى حنان ( صباح النور ياحبيبتى .....بصى كملى سوا اللحمة واعملى الرز قبل ما اخواتك ييجوا وما تنسيش تنضفى البيت كويس .....يالا كملى نومك ياحبيبتى !!!)

فردت بصوت نصف نائم ( حاضر ياماما !!) ثم احتضنت وسادتها وأكملت أحلامها .....

نظرت اليها الأم بحنان وهمست (ربنا يعدلهالك ياسلمى يابنتى يارب !!!!!!!)

[center]طبعا مستنى الردود وكل أربع ردود من أعضاء مختلفين هاحط جزء يلا شدوا حيلكو لسة الأجزاء كتييير

[/center]

{.... توقيع elflestiny ....}

سجل فى : 03/09/2007

معلش بقى ياقلب العاصفة قلتلك منقووول وانا هاستمر ان شاء الله ياباتشان اى جديد على طول

{.... توقيع elflestiny ....}

المـديـر العـــام · سجل فى : 25/10/2007

متابعين يا باشا
بلاش زل بس

{.... توقيع ابن الاسلام ....}

**{..زائر..}** زائر

{.... توقيع زائر ....}

سجل فى : 03/09/2007

هههههههههههههه ولازل ولا حاجة ياعم والله انا معايا حلقة واحده حاليا هاحطها وانتظرونى بقى

{.... توقيع elflestiny ....}

سجل فى : 03/09/2007

الحلقة الحادية عشر

رجعت المنزل وكلى غضب من الظلم الشديد الذى أشعر به والاهانة القاتلة التى شعرت بها عندما رأونى أصحابى وانا أعمل فى المكتبة .......لحد امتى البهدلة دى يوميات أسرة مصرية جدا - صفحة 4 Y--d

؟ هو انا أول واحد يسقط ؟ طيب ماهو سامح شايل كيمياء وانجليزى ورايح يصيف مع اهله وبايع القضية ومش فى باله !!!! انا بس اللى ح افتح عكا ؟! ان شاء الله على ما الأجازة تخلص ح أكون حدوتة الشارع والحى كله يوميات أسرة مصرية جدا - صفحة 4 Ay--

!!!!!

ألقيت على أمى التحية باقتضاب وهى جالسة أمام حلة محشى تعدها لغداء الغد وبجانبها المفعوصة ملك بتحشى هى كمان ورق عنب ولكن اصابع سداسية الشكل او تشبه المرأة الحامل وأمى تحاول منعها بلا فائدة !!!!! يوميات أسرة مصرية جدا - صفحة 4 Biggrin

جلست كالبركان الهائج أمام التليفزيون محملقا امام الفيلم القديم الذى يعرض للمرة المليون ومع ذلك تضحك ملك هانم مع كل لقطة بصوت عالى جدا حتى أثارتجنونى فصرخت فيها) بتضحكى على ايه يارايقة انتى ؟ ده الفيلم ده اتعرض مليون مرة ......يالا قومى من هنا بلاش دلع !! يوميات أسرة مصرية جدا - صفحة 4 Engry1

)

فنظرت لى ملك بتعجب ورفعت يديها المليئة بالأرز فغطى شعرها وهى تدافع عننفسها : ( هو انا عملت حاجة يا ابيه خالد ؟ هو الضحك حرام ولا انت ح تطلع غلبك فى انا ؟)

فهممت ان أنقض عليها لولا ان تدخلت ماما ومنعتنى : ( ايه يا حبيبى هى البنت عملت لك حاجة ؟ تلاقيك راجع بس تعبان اقوم اعمل لك حاجة تاكلها ؟)

همت عصافير بطنى الثائرة ان ترد بمظاهرة ساخنة ولكنى رددت بعناد : (تعبان ؟ قولى ح اموت قولى ح انتحر حاجة كده ......... انا بقالى اكتر من 6 ساعات واقف على رجلى لما خلاص ح اموت يوميات أسرة مصرية جدا - صفحة 4 Cr--

واللى يسوى واللى ما يسواش داخل المكتبة يبهدل فى براحته ....واصحابى شافونى وانا بأشتغل وكنت فى نص هدومى ....قولى لى بقى لحد امتى المرمطة دى ؟ يوميات أسرة مصرية جدا - صفحة 4 Madd

)

لمحت نظرة اشفاق فى عيون ماما وقالت لى بحنانها المعهود: ( معلش ياحبيبى فترة وتعدى وان شاء الله ابوك لما يهدى شوية ح اكلمه وربنا يسهل ....بس علشان خاطرى قوم اتعشى اختك سلمى محضرة لك العشاء من بدرى )

وجاءت سلمى بالعشاء والتهمه خالد فى ثوان معدودة يوميات أسرة مصرية جدا - صفحة 4 Essen

وألقى بنفسه على سريره لينام بكامل ملابسه فى لحظات من شدة الارهاق .......... يوميات أسرة مصرية جدا - صفحة 4 Marsa127

واصلت الام عمل المحشى وسط محاولات مستميتة كى تبعد أيدى ملك عن عمل مكعبات ومثلثات بورق العنب بلا جدوى !! وجاءها صوت سلمى متسائلا منغرفة النوم( قصدك ياماما البالطو البنى اللى على الرف ده ؟)

فتنفست الأم الصعداء وقالت بفروغ صبر : ( اخيييرا لقيتيه؟ ايوة هو يا ستى هاتيه وتعالى بقالك ساعة بتدورى عليه يوميات أسرة مصرية جدا - صفحة 4 Marsa150

)

فأحضرته سلمى وجلست لترى ماذا تريد أمها من هذا البالطو العتيق .....فأجابتهاأمها : (شوفى ياسمسمة البالطو ده صوف انجليزى أصلى مفيش منه دلوقتى كان عندى من زمان اوى وراكناه على أساس انى يمكن أخس ولا حاجة وأعرف ألبسه تانى يوميات أسرة مصرية جدا - صفحة 4 Icon_eek

!! وبعدين النهاردة لقيت أم حسين الست الغلبانة اللى على اول الشارع قاعدة تعبانة اوى انتى عارفة عندها روماتيزم ومحتاجة حاجة تدفى ضهرها على طول قلت نكسب فيها ثواب ونديه لها )

فردت سلمى :(طيب يا ماما ابعتيه مع ملك انا دخلى ايه فى الحدوتة دى ؟)

فأجابتها امها باستنكار : (ياخبر زى بعضه انتى عاوزانا نديه للست وهو مبهدل كده يوميات أسرة مصرية جدا - صفحة 4 Ay--

؟حرام عليكى ده ربنا بيشوفه قبل ما الست ايدها تلمسه ...انا عارفة انك شاطرة فى الخياطة من زمان عاوزاكى تركبى له زراير بدل اللى ناقصة والجيب المقطوع ده صلحيه الله يكرمك )

خجلت سلمى من كلام أمها وجلست تركب الازرار الناقصة وتصلح الجيب المقطوع وهى تتساءل كم كيلو جرام كان يلزم أمها ان تنقصها كى تستطيع ادخال كم واحد من البالطو فيها ؟ أعتقد 40 كيلو يوميات أسرة مصرية جدا - صفحة 4 Icon_rolleyes

!! وابتسمت وأخفت ابتسامتها كى لاتراها أمها وتقرأ أفكارها وتبقى ليلة يا عمدة !! يوميات أسرة مصرية جدا - صفحة 4 Medfa3

وأوشكت على الانتهاءبعد حوالى ساعة كاملة ورأت عدة بقع صغيرة على كم البالطو فأخرجت علبة البنزين المنظف وأخذت تنظف البقع الصغيرة وتلمع الأزرار التى علاها الصدأ وأضافت له زينة صغيرة قرب الجيب ثم كوته فازداد أناقة وأصبح كأنه كالجديد يوميات أسرة مصرية جدا - صفحة 4 Marsa115

...

ونظرت له سلمى برضى واخذته الى أمها لتريها اياه فاتسعت عيونها من الدهشةوقالت :( ايه ده ؟ هو نفس البالطو ؟ يوميات أسرة مصرية جدا - صفحة 4 Marsa138

تسلم ايدك بجد يا سلمى دى الست ح تموت من الفرحة لما تشوفه ربنا يكرمك يارب )

وقفزت ملك على الكرسى :(برافو عليكى يا أبلة سلمى ده بقى تحفة انا بقول نبيعه بلا أم حسين بلا قلبة دماغ !! يوميات أسرة مصرية جدا - صفحة 4 Sunshine1

)

فضحكت ماما من قلبها وأخبرتنى على استحياء(والله ياسلمى شطارتك ده شجعتنى انى اطلع كده كام حاجة كده لله من هدومى وهدوم ابوكى ......كل ما اجى اطلعهم الاقيهم حالتهم تعبانة خالص اتكسف وأقول الواحد يرميهم أحسن ......على العموم لو ح يتعبوكى بلاش منهم )
فقفزت من مكانى وانا اهتف من قلبى : ( يتعبونى ؟ لا طبعا هاتيهم بسرعة هو انا ورايا ايه يعنى ؟ واهو الواحد ياخد ثواب كمان يالا بسرعة نطلعهم ياماما يوميات أسرة مصرية جدا - صفحة 4 Marsa23

)

وانطلقت القافلة الحريمى المكونة منى ومن ماما وطبعا كمالة العدد الست ملك .......ودخلنا الى غرفة ماما وهجمنا على سريرها وأزحنا المرتبة الفولاذية المحشوة بنص طن قطن من ايام العز طبعا يوميات أسرة مصرية جدا - صفحة 4 Marsa89

!!

ثم أزحنا ألواح السرير الخشبية لنجد ملاءات سرير قديمة مربوطة على شكل عدة زكائب وتحتوى كل منها على كمية كبيرة من الملابس القديمة وبعضها الملابس الشتوية التى نلبسها فى الشتاء .......

وفتحنا خزانة الذكريات وتحولت الغرفة لما يشبه سوق الكانتو مما أعطى ملك فرصة ذهبية فى هوايتها فى ارتداءو بعثرة وتدمير أى شىء يوميات أسرة مصرية جدا - صفحة 4 Marsa193

!!

ملابس كثيرة وموديلات قديمة وياللعجب منها ما عاد موضة مرة أخرى !! لا أعرف لماذا احتفظت أمى بهذه الملابس كل هذه السنين ؟
وكتمت ضحكتى انا وملك عندما كانت ماما تمسك قطعة من الملابس وتقول ووجهها الابيض المشرب بالحمرة يضىء من الذكريات : ( أهى البلوزة دى أبوكى جابها لى يوم ما ولدت خالد اخوكى يوميات أسرة مصرية جدا - صفحة 4 Marsa138

!! ومن ساعتها ما فرطتش فيها ابدا دى حرير أصلى !!).......(والفستان الاسود ده جابهولى يوم عيد ميلادى ..ييجى من عشر سنين كدة وعاوزة بس اخس له ييجى عشرة كيلو علشان ألبسه تانى يوميات أسرة مصرية جدا - صفحة 4 Marsa37

!!)

فضحكنا انا وملك رغما عنا وأنطلقت ملك كالصاروخ متعجبة ( عشرة بس ؟ لا لا طبعا 30 كيلو !! يوميات أسرة مصرية جدا - صفحة 4 Marsa150

)

وأنطلقت كالسهم كى تتفادى الوسادة الطائرة التى أتحفتها بها أمى مكافأة لها على طول لسانها المعتاد يوميات أسرة مصرية جدا - صفحة 4 Marsa189

!

ولملمت كومة الملابس وأخذتها الى الحمام وبدأت فى غسلها وأخذت وقتا طويلا وفعلا كانت من أقمشة متينة لم تتاثر بالغسيل بل ظهر بريقها ورونقها القديم .......ثم نشرتها وانتظرت الى ان جفت فى الصباح.......

ثم بدات فى ترتيبها وأخرجت ماكينة الخياطة الخاصة بأمى المركونة من زمن طويل وبدأت فى اصلاح كل قطعة على حدة وانا أفكر .........لماذا نترك أكوام الملابس بداخل الخزانات ونترك المئات عرايا ؟ لماذا لا نستغنى عن ملابسنا القديمة الا بعد سنوات وسنوات ؟ كيف نطرد هذا البخل والشح من داخلنا ؟

أخذت الملابس أياما فى اصلاحها واضافة لمسات جمالية لها ثم كيها وتعليقها بعد ذلك حتى أصبحت تنافس الملابس الجديدة فى رونقها يوميات أسرة مصرية جدا - صفحة 4 Af7a

........أخذت أنظر الى الملابس التى ملأت غرفتى وأنا أشعر لأول مرة من سنوات أنى أفعل شىء ذو قيمة ...ولمعت فى رأسى فكرة .......فكرة قد تغير كل حياتى رأسا على عقب ....وأضاء نورامشعا داخلى وعلى الفور أمسكت بالتليفون .............. يوميات أسرة مصرية جدا - صفحة 4 Icon_question

{.... توقيع elflestiny ....}

**{..زائر..}** زائر

طب ماتعرفش المسلسل ده كام حلقه؟
هههههههههههههه
نيس ستوري يا مان

{.... توقيع زائر ....}

سجل فى : 03/09/2007

لا والله انا كنت فاكرة تسعه لقيت فى حلقات لسة وانا معاكم اهه ربنا يسهل

{.... توقيع elflestiny ....}

**{..زائر..}** زائر

ربنا معاك

{.... توقيع زائر ....}

سجل فى : 19/10/2007

بجد جميله جدا يلا احنا معاك وكمل
ربنا يعينك يا فلسطينى

{.... توقيع هبه ....}

سجل فى : 03/09/2007

شكرا ياهبة على المرور ومستنين متابعتك لباقى القصص فى القسم ان شاء الله

{.... توقيع elflestiny ....}

سجل فى : 19/10/2007

اكيد ان شاء الله مش هفوت حاجه تانى

{.... توقيع هبه ....}

سجل فى : 03/09/2007

:study::study::study::study::study::study:

{.... توقيع elflestiny ....}

**{..زائر..}** زائر

{.... توقيع زائر ....}

سجل فى : 26/01/2008

الف شكر علي القصه الجميله دي
فعلا اتمتعت وانا بقراها
~~ماشي~~

{.... توقيع DABBOOOR ....}

سجل فى : 03/09/2007

اهلا بيك فى وسطنا ياعم وان شاء الله باقى القصص تعجبك

{.... توقيع elflestiny ....}

سجل فى : 19/10/2007

ايه يا عم فلسطينى هى القصه ملهاش بقيه ولا ايه

{.... توقيع هبه ....}

سجل فى : 03/09/2007

براحه بس متزقيش كده وانا والله كنت مشغول شوية وان شاء الله قريب هانزلة

{.... توقيع elflestiny ....}

سجل فى : 19/10/2007

ماشى احنا مستنين على احر من نار

{.... توقيع هبه ....}

سجل فى : 03/09/2007

حاضر والله أول ماتنزل الحلقة 12 هاجيبها على طول

{.... توقيع elflestiny ....}

سجل فى : 03/09/2007

الحلقة الثانية عشرة

امسكت بالتليفون واتصلت بصديقتى القديمة وجارتى شيماء وزميلتى فى الكفاح – كفاح انتظار فارس الاحلام وحلم ان يأتى ولو حتى على أرنب ابيض

جاءنى صوتها مليئا بالملل والفراغ كالعادة وطبعا أسمعتنى دش بارد على قلة اتصالى فقاطعتها وهتفت بها بكل حماس

سيبك من الكلام الفاضى ده يا بنتى عاوزاكى فى موضوع مهم جدا جدا

-فنفضت عنها الملل وارتفع صوتها فى حماس وترقب : ايه ؟ فى عريس جاى فى السكة ولا ايه ؟

-فرددت بتبرم : هو انتى مفيش فى دماغك غير العرسان وحواديتهم ؟ لا ياستى مش عريس دى حاجة تانية خالص ... بس حاجة تانية ح تغير حياتك وحياتى خالص !

-فعاد اليها مللها وخفت صوتها مرة ثانية : حاجة ح تغير حياتنا ومش عريس ؟ عروستى !!؟؟

-الظاهر انى غلطانة انى كلمتك ح تفوقى معايا ولا اكلم حد تانى؟

-فردت بسرعة : لا لا خلاص ح ابقى مؤدبة واسمع كلام ماما وبابا ! بس قولى يالا بسرعة !!

-فحكيت لها بايجاز عن موضوع جمع الملابس واعادة اصلاحها ثم اعطائها للفقراء بعد ذلك وطلبت منها مساعدتى

-فردت بتعجب : وعاوزانى أدور على الجيران واقول لهم عندكم هدوم قديمة لله !! ولا اقول حسنة قليلة تمنع بلاوى كتيرة ؟ ! عاوزاهم يقولوا البنت مش بس عنست لا كمان اتجننت !!

-فحمدت الله على نعمة العقل وجزيت على أسنانى وحادثتها كأنى أكلم ملك المفعوصة : شوفى يا شوشو يا حبيبتى الموضوع مش فيه شحاتة ولا حاجة ولا احنا ح نبيع الهدوم دى مثلا ولا حنسرح بيها فى سوق الكانتو لا سمح الله !!

كل الحكاية انا عاوزاكى تبلغى اصحابك ومعارفك اننا بنجمع الملابس القديمة وياريت اللى عنده هدوم يجيبها ....... وياسلام لو مغسولة او متوضبة يبقى تمام التمام ...... ولو حتى مش جاهزة مفيش مشاكل احنا ح نوضبها ... صدقينى مفيش احراج ولا حاجة احنا بنعمل حاجة لله وكمان احنا مش اول ناس يعمل الفكرة دى لا شباب غيرنا كتير بينفذوها .... ولا لازم نقعد ايدنا على خدنا نستنى عريس الغفلة من غير من نعمل اى حاجة مفيدة ؟

-وكأن كلامى أخيرا أقنعها وقالت : خلاص اتفقنا ح اكلم كل اللى نعرفهم واحنا عندنا شقة أخويا الفاضية اللى فوقينا ممكن نجمع فيها الهدوم بس استنى لما استأذن ماما الاول لحد ما نشوف ح نعمل ايه .......... بس يارب امى ما تقولش البنت اتجننت وح تسرح بهدوم فى وكالة البلح !!!

-فرديت بثقة : لا اطمنى انا عارفة طنط وواثقة انها عارفة انك لاسعة من زمان يعنى مش ح يفرق معاها ما تخافيش

وأغلقت السماعة قبل أن تفترسنى ......... وكررت المكالمة مع عدة صديقات ووعدتنى كل واحدة بالخير ...... وبعد نصف ساعة فقط جاءنى اتصال من والدة شيماء بنفسها وأخذت تدعو لى على الفكرة الجميلة وأخبرتنى ان شقة اخو شيماء خالية وجاهزة كى نستخدمها فى جمع الملابس

اغلقت السماعة وسجدت سجدة شكر لله على رزقه وتيسيره لى الطريق الذى قررت ان أمشيه وجريت واحتضنت امى وحكيت لها ما حدث فدعت لى بالخير وسعدت لسعادتى الفائقة

وأمسكت التليفون مرة أخرى (وربنا يستر وبابا ما يطردنيش لما يشوف الفاتورة !!) وحادثت كل من اعرفهم او اعرفهم معرفة سطحية........ ومباشرة بدون لف اودوران أخبرتهم عن مكان شقة شيماء القريب جدا من بيتنا ورجوتهم ان يذهبوا هناك بأى ملابس يستغنون عنها

ثم ذهبت لاعداد طعام الغداء مع امى وانا فى عالم آخر أحلم بما يمكن ان نصنعه بهذه الملابس وأتخيل فرحة الفقراء وهم يأخذونها وكم امرأة ستستر اولادها وتسكت صراخهم من برد الشتاء وكم فتاة متعففة ستستطيع ان تحصل على ملابس جديدة تذهب بها الى عملها او كليتها وكم وكم وكم ......... تاهت احلامى ولم أستطع حصرها وانا تائهة عن نداء أمى وشجارها المعتاد مع ملك

وتناولنا الغداء مع ابى وخالد كالمعتاد لا يزال بالمكتبة ودخلت غرفتى وجمعت كنزى من الملابس التى أصلحتها واستأذنت امى ان أذهب الى شيماء كى أخزنها عندها لأن غرفتى ضاقت بها فأذنت لى ودعت لى بالخير وطالبتنى ان آخذ ملك معى كى تساعدنى

وذهبنا انا وملك ونحن نحمل الملابس الثقيلة ووجدنا شيماء ووالدتها فى انتظارنا فى الشقة الخالية الا من انترية قديم وترابيزة سفرة مستعملة وبعض الكراسى فقط لا غير ....... واستقبلتنى والدتها الكريمة بالترحاب وأخذتنى من يدى لترينى كوم كبير من الملابس المستعملة اكبر من الكوم الذى أخرجته امى من ملابسنا القديمة بكثير

وقالت لى وهى تضحك على استحياء : ( والله يا سلمى دول اللى قدرت اطلعهم من تحت السرير انا وشيماء وفيهم حاجات غالية عندى اوى من ايام ما كنت عروسة بس كله لله !!)

وكتمت ضحكتى وانا أزجر ملك وانا اجدها تنطلق كالصاروخ وهى تقول ( حضرتك كمان يا طنط زى ماما بتخزنى هدوم من ايام الهكسوس ؟!!)

ولاحظنا احمرار وجه ام شيماء وهى تدارى خجلها بضحكة صافية وتقاطعها ابنتها ( ابسطى يا ست ملك كام واحدة من اصحابنا لما قلت لها على الموضوع قالت انها مستعدة تشاركنا وكل واحدة ح تجيب كوم هدوم وتيجى وكمان الجيران ..... والدعوة عامة وح تبقى لمة !!!)

وتركتنا والدتها وجاءت بعد قليل بالشاى ومعها كيس كبير من الملابس جاءت به احدى الجارات ........ ونظرت الى اكوام الملابس امامى ورأيت حلمى يصبح حقيقة دعوت الله ان يرزقنى الاخلاص والقوة وسمينا الله وبدأنا فى فرز الملابس واعدادها للتنظيف وانا اشعر وانا امسك كل قطعة ملابس بأنى امسك وليدى الغالى الذى لم أرزق به بعد

{.... توقيع elflestiny ....}

المـديـر العـــام · سجل فى : 25/10/2007

روووووووووووووووعه يا فلسطينى
بس انت بتتأخر علينا اوى ياعم
لدرجه انى بنسى القصه
ركز معانا شويه بقى ومتتأخرش
علشان انا متابع القصه معاك يا باشا
ومتشوق اعرف ايه الى بعد كده
شكرا ليك يا فلسطينى

{.... توقيع ابن الاسلام ....}

سجل فى : 03/09/2007

العفو يامان والله انت اللى مصبرنى انا اصلا كنت ناوى اعتزل واسيب المنتدى بس فى شوية مواضيع كده قلت اخلصهم وربنا يسهل لان محدش بيحترم حد ومحدش بيعبر حد اانا هاعمل اللى عليا وخلاص ...

{.... توقيع elflestiny ....}

المـديـر العـــام · سجل فى : 25/10/2007

لا ياعم تسيب ايه
دنا فرحت لما لقيتك بتشارك وشغال من تانى والله
خليك جدع بقى زى ماحنا عارفينك وخليك معانا
دنا بستنى مواضيعك والله

{.... توقيع ابن الاسلام ....}

سجل فى : 03/09/2007

الله يخليك ياحسام وشكرا ليك بجد وانا هافضل على طول ان شاء الله

{.... توقيع elflestiny ....}

سجل فى : 03/09/2007

الحلقة الثالثة عشرة

ياربى لحد امتى العذاب ده ؟ قالها خالد لنفسه ورجل يلقى اليه بعصبية ببعض الاوراق لتصويرها وتغليفها....... ولكنه كظم غيظه لاعتياده هذا الامر وكثرة ما رآه

ثم اعتاد الامر قليلا بعد ذلك لمعرفته ان أبيه لا يمزح معه بشأن رسوبه مرة اخرى فاعتاد ان ينتهز اى فرصة يمكنه فيها ان يذاكر ولو ورقات قليلة قبل عودته المنزل غير الوقت الصباحى الذى يذاكر فيه

واستيقظ من استغراقه فى المذاكرة على صوت الحاج سعيد يناديه ليعطيه شيئا قبل انصرافه الى المنزل ........ واقترب منه ليجد الحاج يخرج من جيبه بعض النقود ويقول له

: ( كل شهر وانت طيب يا عم خالد بس اوعى تضيعهم فى كلام فارغ !!)

وفتح خالد فمه من الدهشة عندما وجد النقود فى يده

حاول ردهم للحاج على استحياء فرفض وضحك قائلا :

( ايه يا بنى مش عاوز تاخد فلوسك ليه ؟ ده حقك ولا انت فاكرنى باكل تعب حد ياعم خالد ؟ ) وطوال الشهر يتحجج بأعذار كى يأخذ المزيد من النقود من أبويه ... ولكنه لم يشعر ابدا بهذه السعادة التى يشعر بها الآن ..... لأنه تعب فى هذه النقود فعلا فيشعر انها غالية عنده جدااااااااا وكأنها مئات الالوف من الجنيهات

ودخل على امه وابيه وسلمى وملك بهيصة وزفة بدلا من البوز المتين المعتادين عليه كل ليلة
فأنزل ابيه النظارة عن عينه وتوقف عن قراءة الجريدة وابتسم كأنه يعرف سبب سعادة ابنه ...ولكن أمه تساءلت بدهشة

) خير يا حبيبى انت عيان ولا ايه ؟ مش عوايدك يعنى تضحك كده فى وشنا ؟ انت ناوى تهاجر استراليا وعامل لنا مفاجأة ولا ايه ؟؟؟؟؟)

فابتسم خالد من كلامها ثم اقترب من ابيه على استحياء ولم يستطع ان ينطق بحرف مما اراد قوله ........ فظل صامتا وابتسم ابيه وربت على كتفه قائلا :

( والله وبقيت راجل يا عم خالد وبقيت كسيييب كمان !! عقبال ما تفرحنا بنجاحك ان شاء الله )

خرجت سلمى من غرفتها التى تحولت الى مشغل خياطة عالمى على صوت مهرجان ملك ونداء امها اليها ان تلحق شيئا من الجاتوة قبل اعصار ملك المدمر له

تعجبت سلمى وخنقت الفرحة والمفاجأة صوتها بالدموع وأسرع خالد اليها قبل ان تبكى :

شوفى بقى شغلى على الكومبيوتر طبعا حلو وروعة مش كده؟ ليكى علىَّ كل واحد يدخل المكتبة ادى له اعلان وكل بيت فى الشارع الزق له ورقة ...... وكمان نجند ملك وصحابها انهم يوزعوا الورق فى كل مكان يمكن يقبضوا عليها ويفتكروها منشورات ونخلص منها !!)

-
-
-

تحول البيت عند شيماء لما يشبه سوق العتبة والأزهر ملابس فى كل مكان ومن كل الاحجام والاشكال منها ماهو جاهز للعرض ومعلق على شماعات ومنها ماهو مرصوص فى أكياس ومقسم الى ملابس اطفال ورجال ونساء ومنها مالم يزل فى مرحلة التجهيز والتصليح

قالت شيماء لسلمى بهدوء وهى تخيط فستان معها

: ( على فكرة انا سألت عن القاعة اللى فى المجمع الخيرى التابع للمسجد علشان نعمل فيها المعرض ..... لقيتهم عملوا قبل كده كذا معرض من نفس النوع وادونى ميعاد كمان 3 أسابيع علشان نعرض الهدوم هناك !!)

فتمالكت سلمى نفسها قبل ان ترتكب جريمة فى بيت
الناس وجلست تفكر فى المعرض وكيف سيكون شكله وهل سيأتى الناس وكيف سيعلمون بالمكان والزمان ؟ وهل تستطيع هى وصديقاتها التحكم فى الموضوع ؟ ام ان زمام الأمور سيفلت منهم ؟ دق قلبها بشدة وهى تفكر وتدعو الله ان تنجح فى اول تجربة حقيقية فى حياتها واول مرة تكون فى اختبار لم تر مثله من قبل

{.... توقيع elflestiny ....}