قصيده اهداء من واحد بيحب مصر وبيحب شعب مصر‏

سجل فى : 17/12/2009

السَـلام علَيكُم ورحمـة الله وبركاته

دى قَصيده عَجبتنى أوى . . بَس معرفش بتاعة مين

بتقـُول

بعد التحيه وبعد السلام
ازيك يا ريس وازى المدام
وقبل ما انسى انا بشكرك علشان يعنى بتسال علينا
ربنا يا ريس يقدرك ويخليك كمان لينا

شكرا يا ريس على كل حاجه
الشعب كويس وفل وعال العال
الشعب واكل معندوش مشاكل والشباب شغال
واللى يقولك فيه بطاله والمواصلات مش شغاله والحكومه بقى حالها زباله ولازم تتشال
ابعتله بسرعه يا ريس ولاد الحلال
من افاه هيشحنوه وهيكرموه ويشغلوه
فى ابو زعبل يكسر جبال اهو احسن من قاعده القهاوى
ويقعد يقول كوسه ورشاوى ويقول عليك كلام بطال
وفى الختام منى السلام لبطلنا الهمام
بطل الوعود وكتر الكلام

وادى القصيده انا مبخافشى وهفضل ااقول
كلمه الحق عليها مسؤل
ان الريس راجل طيب ولشعبه دايما مشغول
مشغول انه يلم فلوسنا بره سويسرا يحوشهالنا
وفى حسابات سريه يشلهلنا نفسه يأمن مستقبلنا
شفته ازاى بقى قلبه رحيم
عنده ايمان وضميره سليم

بيجوعنا لجل تخسو علشان انتو شعب محتاج لرجيم
من جهلكم بتقولو بطاله وان الاحوال مش شغاله
دا راجل نفسه يريحكم هى الراحه تبقى عواله
اما حكايه المنتجعات ليه تسموها معتقلات ؟
ليه الظلم وسوء النيه نفسه يفسحكم يا بهوات
اما الكراسى واللى اتقال دا مش محتاج لسؤال
الغلطه دى غلطتنا يا عالم احنا اللى مجبناش كراسى تقال

والله انتو ظالمين الراجل
ضيع عمره ومين يستاهل
حتى الاكل بياكله بدالنا
طالع واكل نازل واكل
بقى بعد ده كله ماله الراجل
طبعا انتو عارفين من غير ما ااقول اصل اللى جوانا اكبر من الكلام
وخلص الكلام ومعتدش ليه لازمه
تعبنا من اللى بيحصل حوالينا والباقى انتو عارفيه يا ناس
وكل سنه وانتو طيبين

مِمَـا قَرأت

{.... توقيع MahmouD.Zezo ....}

سجل فى : 07/07/2008

ههههههههههههههههههههههههه
جامده يازيزو تسلم ايديك

{.... توقيع fasfosa ....}