حــــــــــــــــكاية إســــــــــم

سجل فى : 26/02/2008

حكـــــــــــــــــاية إســــــــم

كتــير مننا لما اتولد كان فى اختلاف على اسمه
وكان فكره معينه لاختيار اسمه
أنا مثلا يومٌ
لما اتولدت
سمونى أحمد
بس كده اسمى هيبقى
أحمد أحمد أحمد
أبو تريكه
قصدى باقى الاسم طبعاٌ
المهم والدى راجع نفسه ده بعد مسألنى طبعاٌ وبعد حوالى 36 ساعه غير رأيه وسمانى محمد ومحدش اساساٌ عرف ان ده حصل
المهم من سنه اولى وبيقابلنى مدرسين ومدرسات يقولولى يا احمد ويعرفو ان انا محمد بس بيقولو انت شكلك يدى لأحمد وانا بصراحه شايفهم عندهم حق ازاى مش عارف بس ان شكلى احمد فعلاٌ وناس كتير لحد النهارده بيقولولى يا احمد كتير جداٌ انا اساساٌ معظم اللى بينادولى بينادولى بلقبى وبعدين احمد تانى حاجه ومحمد بتيجى بعديهم
برده بعد سنتين ونص لما جت اختى سموها اسراء انا كنت بناديها باسرائيل فطبعاٌ اتسببت فى تغيير اسمها لدعاء بعد كده
جه اخويا بعد فتره مش لازم تعرفو اد ايه المهم انا كنت محتار اسميه يوسف ولا عمر ولا عبد الرحمن اول ما اتولد غيرت رأيى وصممت انه يتسمى محمود وقد كان

يريت اى حد عنده حكايه لاسمه ولاسم حد قريب منه
وعنده استعداد يحكيها يتفضل
ده لو عنده إستعداد ؟

{.... توقيع RaFaeL NaDaL ....}

سجل فى : 26/02/2008

للرفع

{.... توقيع RaFaeL NaDaL ....}