اقتراح جديد ومفيد

سجل فى : 10/11/2008

ازيكم يا شباب يارب تكونوا بخير وبصحة جيدة
ندخل فى الموضوع على طول
دلوقت انت عضو عملت موضوع جديد
يبقى اكيد نفسك كل الاعضاء تشوف الموضوع ده
صح ولا غلط ؟؟؟؟؟؟

طيب هتعمل ايه عشان كل الناس تشوف الموضوع ده
ياترى هتمسك كل عضو من زمارة رقبته
لالالالالالالا ميصحش عييييييب

طيب فى حل راقى وشيك شوية
وهو انك تبعت رسالة خاصة
للأعضاء فيها لينك الموضوع

طيب بقولك ياعمرو
انا عضو قديم فى المنتدى
بس كل ما اكتب موضوع جديد
اكسل ابعت رسايل للاعضاء عشان تشوفه
ولو بعت رسايل ببعت للناس اللى عارفها
وبصراحة حاجة ملل اووووووووى
اشمعنى الادارة يعنى
بتبعت لكل الاعضاء الرسالة
المفروض يشوفوا لنا حل
ويخلونا احنا كمان نبعت لكل الاعضاء
ده ظلم مفيش عدل
هقولك ايه بس؟؟
روح صلى لك ركعتين وادعى ربنا
ان باقى الاعضاء يعرفوا انك كتبت موضوع جديد
ويدخلوا يشوفوا الموضوع ده
ههههههههههه

سيبك من كل المشاكل والكلام ده كله
انا عندى اقتراح جديد لانج
هيخلى موضوعك يوصل لكل الاعضاء
من غير ما تبعت رسالة ولا توجع دماغك
ولا حتى تشتكى للادارة

الاقتراح هو
عمل ايميل على الياهو
وكل الاعضاء تضيف الايميل ده عندها بأسم مثلا shbab

الجزء الثانى من الاقتراح
عمل موضوع مثبت فى الاستراحة
بعنوان
صندوق بريد شباب الكلية
شروط الموضوع
اى عضو يكتب موضوع جديد
يروح يحط اللينك بتاعه جوه الموضوع

الجزء الثالث من الأقتراح
عضو ذو ثقة من المنتدى
او احد افراد الادارة
يمسك الصندوق ده
ويمسك الايميل الجديد ده

ياخد الموضوع من الصندوق
يحطه فى الايميل
ويبعته لكل الاعضاء
وبكده الموضوع هيوصلك لحد عندك
ومش هيوصلك انت وبس؟؟
ده انت كمان لما يوصل لك اللينك بتاع الموضوع عالايميل
ممكن تبعته لكل اصدقائك عالايميل
وبكده تبقى انت واصحابك كلهم شوفتوا الموضوع
ويا سلام بقى لوكان الموضوع دينى مثلا
عن القران وعن الرسول الكريم
انت هتاخد ثواب كبير
وكل اصحابك اللى بينشروا الموضوع ياخدو ثواب معاك
وتبقى عملت خير وانت قاعد مكانك
ايه رأيكم فى الاقتراح بقى
دلوقت فى عضوة هتنادى وتقول
عمرررررو عندى مشكلة
انا مش بضيف ايميل شباب سورى

هرد عليها واقول لها
ده مش ايميل شات
دا مجرد ايميل للرسايل فقط مش اكتر
ولو انتى مش عاوزة موضوعات المنتدى الجديدة
توصلك يبقى خلاص بلاش تضيفى الايميل ده
مفيش مشكلة
حد عنده اى استفسار
انا موجودة ان شاء الله
ويارب الاقتراح يعجبكم يا شباب

{.... توقيع elmnar_2007 ....}

سجل فى : 04/12/2008

جـــــــــــــــــــــامد الاقتراح ده

{.... توقيع M_BaTsHaN_10 ....}

سجل فى : 04/08/2008

جااااااااااااااااااااااااااااامد الاقتراح ده

وياريت ينفذ يا عمرو

{.... توقيع triple_h ....}

سجل فى : 07/01/2009

على فكرة اقتراح حلو يا عمرو
تسلم افكارك

{.... توقيع nada w bas ....}

سجل فى : 26/10/2007

اقتراح جميل يا عمرو
وياريت يتنفذ ع طول

{.... توقيع beauty ....}

سجل فى : 05/01/2009

هى دى الافكار ولا بلاش

{.... توقيع كابتن حسام ....}

سجل فى : 22/12/2007

ايوة كدة هى دى الاقتراحات والا بلاش

وطبعا جامد كالعادة يا عمرو

{.... توقيع bota_samer ....}

سجل فى : 10/11/2008

تحياتى للجميع

واتمنى انى اكون عند حسن ظن الجميع

تسلمووووووووا عالمرور

{.... توقيع elmnar_2007 ....}

المؤسس و المـديـر العـــام · سجل فى : 10/01/2007

اوكى تم الموافقه على الاقتراح

و الايميلات اللى هيتم الارسال عليها و اضافتها

tity.topgoo@hotmail.com

tity.topgoo@yahoo.com

تحياتى
ادمن

{.... توقيع AdM!N ....}

سجل فى : 10/11/2008

متشكر جدا يا ادمن على زوقك وتنفيذك الاقتراح

تحياتى ليك ولمجهودك الرائع

ومتشكر مرة تانية لتلبية طلبى

scratch

{.... توقيع elmnar_2007 ....}