رساله الى رئيس المنتدى

سجل فى : 05/02/2008

مساء الخير بصراحه ياكابتن المنتدى مش زى الاول خالص قلنا فى الاول مره فى مره المنتدى هيتطور بس بصراحه المنتدى بدا فى التراجع بصوره انا ملاحظاها مش عارفه غيرى شايفها ولا ايه المواضيع مش فيها جديد والاغلبيه فيا مكرر يعنى ممكن بس تعمل اعاده لكل المواضيه فى المنتدى وحذف المواضيع المكرره ويارب يكون كلامى خفيف واتمنى ان رسالتى توصل
تحياتى
الست خوخه هانم

{.... توقيع الست خوخه هانم ....}

سجل فى : 10/11/2008

فعلا يا خوخة

مش انتى بس اللى ملاحظة دا

انا بجد ملاحظ دا وانا حطيت اقتراح وفى انتظار التنفيذ

يمكن تأخير تنفيذ الاقتراح مخلى نشاطى قليل

بس انا حاسس قريب ان المنتدى دا هيبقى حاجة تانية

بمجهودكم ثم مجهودى بأذن الله

المطلوب مننا دلوقتى الصبر لأننا داخلين على امتحانات

ومش هوا دا الوقت اللى نقدر نحدد فى نشاط المنتدى

وان شاء الله مش هتلاقى الا اللى يسرك

{.... توقيع elmnar_2007 ....}

المـديـر العـــام · سجل فى : 25/10/2007

المواضيع المكرره دى مش عيب فى المنتدى يا خوخه
كل المنتديات واكبرها بتواجه الموضوع دا
ودا بيحصل عندنا لان مفيش مشرفين للاقسام
اما اننا نعيد كل المواضيع ونحذف المكرر فدا مستحيل
المنتدى حاليا فيه 3609 موضوع
فمش ممكن ابدا نقدر نراجعها
عموما لو انتى شايفه حاجه مكرره هاتى روابط المواضيع المكرره هنا وانا احذفها
402

{.... توقيع ابن الاسلام ....}

سجل فى : 04/12/2008

كلام جميل يا خوخه هانم

وانا فرحان ان في حد خد باله من كده فعلا

اصل فاكرين ان انا بتراخم عليهم لما بقول لحد موضوع

مكرر

شكرا لمجهودك ي جميل

وعلي فكره يا حسام انا طلعت كزا موضوع مكرر واثبت ذلك باللينك القديم
ولم يتم التعامل معها حتي الان
ولو نقابل سوي ان الناس زعلت
عشان بنقول
مكرر

{.... توقيع M_BaTsHaN_10 ....}

المـديـر العـــام · سجل فى : 25/10/2007

مش باخد بالى منها يا باتش
هات الروابط هنا القديم والجديد
ولو فى حد هيزعل مع ان مفهاش زعل ابعته على الخاص
وبكده يبقى بتسعدونا بجد جاااااااااااااامد ومشكورين
402

{.... توقيع ابن الاسلام ....}

سجل فى : 16/04/2007

انا شايف ان المنتدي بيطور والدليل علي ذلك ان في ناس كتير بتدخل المنتدي كل يوم وبيقومو بالتسجيل

عدد المشاركات ذاد وعدد المواضيع زاد وبالتالي لازم يزيد الموضوعات المكررة لان في اعضاء ميعرفوش ان الموضوعات دي موجودة

كل دي ظواهر صحية وعادي

ولاكن

يجب ان نطور المنتدي بتزويد المنتدي بمشرفين لكل قسم بالتحديد
ان نحسس الاعضاء ان المنتدي بتعهم بان ناخد رايهم في استيل المنتدي

انا عارف ان الفترة دي متستحملش شئ عشان الامتحانات والعروض

بس انا شايف ان انشاء الله ممكن نخلي كلنا المنتدي جميل مش بتبادل التهم ولاكن بالتعاون مع الادارة

{.... توقيع dr_sport ....}

سجل فى : 04/12/2008

انا معاك في الرأي يا سبورت وبحييك عليه
بس انا ليا ملحوظه
المنتدي فعلا بيطور باستمرار من ناحيه
وبينهار من ناحيه اخري
المنتدي متجدد بالاعضاء الجديده
لكن الاعضاء القديمه هجت لانها زهقت من المواضيع المقرره
مش معقول عضو يرد علي نفس الموضوع كزا مره
او يشوف نفس الموضوع اكتر من مره
اكيد هايزهق
فلازم يبئي موجود حل وسط يجمع بين الاعضاء القدامي والجدد في نفس الوقت
ايه هو الحل بأه؟؟
؟؟؟؟؟؟؟؟؟؟؟؟؟؟؟؟؟؟؟؟؟
ياريت الكل يشارك هنا

وعايز اللي يقول حل يركن في الاخر ان اللي يلاقي موضوع مكرر يقول مكرر
عشان الناس زهقت ان هي تقول الكلمه دي اساسا
لا في حلو وسط غير ده يبئي احسن
ارجو ان يكون في تفاعل

{.... توقيع M_BaTsHaN_10 ....}

سجل فى : 04/08/2008

انا هقوووووووووووووووووول وجهة نظرى بس مفيش حد يزعل

اولا مليووووووووووووووووووووووووون كلمه شكرا للاعضاء الكبار اللى ساعدوا واسسوا المنتدى منهم
التيتى
الزقرد
باتشان
حسام
سيمبا
خوخة
فلسطينى
ندال
بيوتى

الناس التقيلة واللى ليها استايل بس قبل ما تعاتبينا ممكن تعاتبى نفسك

ليييييييييييييييييييييييه؟

علشااااااااااااااااااان انا لما بلاقى رد واحد لا شخص من اللى انا زكرتهم فى موضوع لى بتبقى حاجة جميلة
وبفرح جدا جدا جدا جدا وبيبقى دليل على نجاح الموضوع وببقى مستنى رد الناس دى لانى بحترمهم وبحترم وجهة نظرهم

بس قوليلى بقى
انتى ساعدتى حد من الاعضاء زى

ترابل
همسه
ريهام
تيتو
مجهووووول
سبووووووورت

للاسف كان تواجدك قليل معانا مع العلم ان الكل يتمنى وجود اسمك باستمرار فى المنتدى لانكى
تملكين راى فى الحب ومواضيعة راى جميل وانا بستمتع لما بشرف ردك على اى موضوع
بيبقى ليه فكر
تصورى للدررجة دى احنا بنحبك وبنحترمك بس عايزين تفاعل الناس اللى ليها وضعها

هما فييييييييييييييييييييييييييييييييييييييييييييين اسالوووووووووووووووووووووووووووووووهم؟

وكمان فين فلسطينى وتى واتر وندال والتيتى وحسام والزقرد وسيمبا ونونا؟ همااااااااااااا فين

بدل كلمه شكر لينا لالالالالالالالالالالا بتعاتبينا
علشان كل واحد دلوقتى بيحاول يساعد بعضه لان كل المشتركين كانوا جدد

لان فى ناس محترمة معانا بيكلموا عن المنتدى وفعلا خلوا ناس تشترك معانا فى المنتدى

لاننا احنا اللى متواجدين دايما فى المنتدى ده عقابنا

لو قلتلك من احب الاعضاء الى قلبك؟
هتقولى زمايلك لما كنتى بتحبى تدخلى وتلاقيهم
ولو سالتينا هقولك المجموعة المتواجدة مع وجود رموز المنتدى بالتواجد

كلامى تقيل بس ياريت تشوفى الحقيقة واقولك على حاجة حلوة
شوفى الخريطة اتغيرت ازاى؟

شوفى مين كانوا من افضل 10 اعضاء ودلوقتى مين؟
مش هتعيشوا على الماضى وفيها ناس حاضرة دلوقتى
ناس محترمة جدا

ياريت متزعليشى منى وانا بوجه كلامى للجميع وليس للست خوخة

{.... توقيع triple_h ....}

المـديـر العـــام · سجل فى : 25/10/2007

عندك حق فى كلامك يا ايمن بجد
انا عن نفسى والله مش بشارك هنا ومش بشارك فى اى منتدى تانى
كل مشاركاتى فى كل المنتديات عباره عن المشاكات البسيطه الى انتم بتشوفها
لو دخلت المواضيع وشاركت هتلقينى منفض للمنتدى ومش فاضى اغير فيه حاجه
شغل الاداره مش بسيط والى شاغلنى انكم تلاقوا المنتدى كل شويه بشكل جديد وجميل كده
انما الباقى بقى الله اعلم بيهم
لكن انا عن نفسى والله مش مطنش خالص

{.... توقيع ابن الاسلام ....}

سجل فى : 10/11/2008

كلمة اخيرة ياريت الكل يسمعنى

مش مشكلة اللى فات المهم اننا نعرف احنا مقصرين فى ايه ونبدأ نشتغل

المنتدى محتاج مجهود كبير والكل عارف بكدا

واحنا مش مستعجلين بس ياريت

نعتبر الموضوع دا اولى خطواتنا للتقدم ورقى المنتدى

ومافيش حد يخرج من هنا الا اذا كان اتعلم حاجة

وهوا على يقين انه لو شاف اى خطا فى المنتدى كمواضيع مكرره او غيره يقول

كلنا مقصرين وكلنا عندنا ظروف اذا كانت امتحانات او ظروف خاصة

يعنى التقصير مش ادارى بس

ان شاء الله من النهاردة هتبدأ الادارة فى تنظيم المنتدى من جديد

وتحديد ما سيتم تنسيقه فى المنتدى

ومن الله التوفيق

{.... توقيع elmnar_2007 ....}

سجل فى : 04/12/2008

انا عايز اوصل حاجه للكل بس يا ترابل
في مثل انا بقتنع بيه بيقول اللي ميعرفش يقول عدس
بخصوص خريطه المنتدي يا ترابل اتغيرت باللعب مش بالمواضيع المميزه
لو جيت تحسبها صح الاعضاء القديمه مكنتش متفاعله في الالعاب ومتفاعله اكتر في المواضيع
التعليميه الي حدما والمواضيع الاجتماعيه والثقافيه والحوارات والمناقشات العامه
لو حسبتها صح ياترابل هاتلائي انك لسه معملتش نص اللي عملوه في المناقشات دي
انا كده مش بقلل منكو ولا حاجه يا ايمن
بس حبيت اوضح نقطه بسيطه

وبخصوص انقطاعهم عن المنتدي فتره زمنيه معينه ورجوعهم تاني دي حاجه مكنتش بمزاجهم
وحاجات حصلت مايعرفهاش اي عضو من اللي انت قولت عليهم فوق اصلا ولا جديد ولا قديم ياريس
يبئي تراعي ظروف الناس وماتتهمش حد انه مش موجود يابرنس
وبخصوص هما وقفو مع مين من الاعضاء
كفايه اني كنت واقف جنب كل الناس دي لفتره وجيزه علي قد مااقدر قبل مااحذف عضويتي من المنتدي
واكتر واحد وقفت جانبه ولغايه دلؤتي انته عارفه اكيد...صح

واحب اوضح صوره تانيه بردك مفيش حد اتهم حد ولا خوخه ولا اي حد هي بتكلم الادمن عشان الموضوعات المكرره
ممكن تكون منك او مني او من اي حد مقصدتش جديد ولا قديم يا ترابل عشان
حضرتك تعمل البلبله دي في المنتدي
وتقول عضو قديم وعضو جديد
احنا طول عمرنا اسره واحده يا ترابل لو انت شايف حاجه غير كده تبئي مشكلتك انت ياريس
والاعضاء دء بعد ماخلصت المشكله اللي محدش يعرفها دي لما رجعت
معرفتش تتأقلم بسبب المواضيع المكرره
وانا من قبل مااترك المنتدي حزرت من الحكايه دي ومحدش سمع الكلام

فياريت يا جماعه نفضنا من الكلام اللي مالوش لازمه ده
ونتبادل الاتهامات مع بعضنا
ونعمل تفرقه ونقول عضو جديد وقديم والكلام الفارغ ده

السؤال الاهم دلؤتي اللي طرحته قبل كده

لازم يبئي موجود حل وسط يجمع بين الاعضاء القدامي والجدد في نفس الوقت
ايه هو الحل بأه؟؟
؟؟؟؟؟؟؟؟؟؟؟؟؟؟؟؟؟؟؟؟؟
ياريت الكل يشارك هنا

وعايز اللي يقول حل يركن في الاخر ان اللي يلاقي موضوع مكرر يقول مكرر
عشان الناس زهقت ان هي تقول الكلمه دي اساسا
لا في حلو وسط غير ده يبئي احسن
ارجو ان يكون في تفاعل

{.... توقيع M_BaTsHaN_10 ....}

المؤسس و المـديـر العـــام · سجل فى : 10/01/2007

بسم الله الرحمن الرحيم

اختى العزيزه خوخه

انا قريت الموضوع بعد ما انتى حطتيه بخمس دقايق على فكره و مردتش عليه مش معنى كده لعدم الاهتمام لا علشان اشوف رأى كل عضو هنا فى المنتدى

و جيه الوقت اللى اتكلم فيه و ارد على كل عضو قال كلمه

اولا بالنسبه بالنسبه ان المنتدى انه فى تراجع ففعلا المنتدى فى تراجع رغم ان شايف عدد الاعضاء بيزيد بسم الله ماشاء الله لكن التفاعل و الشغل قل و ده للاسف مش تقصير مننا داخل المنتدى ده ليه اسباب خاصه لان فى نزاعات خاصه بين بعض الاعضاء بيحاولوا انهم يعرضوها على ساحه المنتدى و ده للاسف اثر سلبيا على نمط المنتدى و الهدف اللى احنا عاوزينه

ثانبا بالنسبه للموضوعات المكرره ده و الله انتم اللى تحاسبوا نفسكم قبل منى لان انتم اللى بتكتبوا و انا ما على الا اقدر و الاقى وقت للاداره و لتقييم الموضوعات و كل ما على انى اقرى و اقيم و المفروض انى فاتح باب الاشراف لليقدر انه يبقى مشرف و شايف فى نفسه الاشراف يتقدم و يكتب هوه يقدر يمسك اشراف ايه و انا اشوف هوه فعلا ينفع للقسم و على اساس مساهماته و شغله ...

فمعلش يا جماعه انا لو مقصر فى حق المنتدى يبقوا انتم مقصريين اكتر منى لان انا و الزقرد و حسام عامليين اللى نقدر عليه علشان نخليكم مرتاحيين من تغيير استايل لمتابعه مواضوعات و كل ده هل متخيله انى الواحد حتى يقدر يكتب موضوع مع العلم ان الواحد لو كتب موضوعات هيعمل موضوعات امده جدا
و شكرا ليكى و على عرض المشكله بجرأه و ان دل ده يدل على انك انسانه غيوره على مصلحه المنتدى

على فكره المنتدى هيتقفل يوم الجمعه لمده ستة ساعات او اكتر لان فى تعديلات انا هعملها بنفسى على المنتدى

{.... توقيع AdM!N ....}

المؤسس و المـديـر العـــام · سجل فى : 10/01/2007

كلمة مدير المنتدى للاخ عمرو المنار 2007

اقتباس :: فعلا يا خوخة

مش انتى بس اللى ملاحظة دا

انا بجد ملاحظ دا وانا حطيت اقتراح وفى انتظار التنفيذ

يمكن تأخير تنفيذ الاقتراح مخلى نشاطى قليل

بس انا حاسس قريب ان المنتدى دا هيبقى حاجة تانية

بمجهودكم ثم مجهودى بأذن الله

المطلوب مننا دلوقتى الصبر لأننا داخلين على امتحانات

ومش هوا دا الوقت اللى نقدر نحدد فى نشاط المنتدى

وان شاء الله مش هتلاقى الا اللى يسرك

اخي الحبيب عمرو

بجد انا مقدر مجهودك داخل المنتدى و المجهود اللى بجد انا مش عارف لحد دلوقتى اكفئك عليه ازاى
و بالنسبه للاقتراح بتاعك تحت التنفيذ لانه هيسهل حاجات كتير اوى اوى فى المنتدى
اما بالنسبه لوجهة نظرك من اننا فى فتره الامتحانات فده مش المبرر الاساسى لان الامتحانات اتأجلت فى الكليه
انما الطلبه مشغوله فى العرض و انا مقدر ان كل طالب بيروح البيت بيبقى ميت من العرض لانى انا شاركت فى عرضيين قبل كده و عارف العروض بتعمل ايه فى الانسان اللى شغال فيها فعلا بيبقى مجهود مرهق للغايه

اما من ناحيه الصبر فممكن الصبر لحد يوم الجمعه اللى جاى باذن الله الكل هيشوف تغير فى المنتدى اكترمن اللى انتم شايفنه فى الفتره الاخيره

و بكرر الشكر مره تانيه يا عمرو ليك
و ارجو تقبل مرورى
402

{.... توقيع AdM!N ....}

سجل فى : 06/08/2008

طبعا متشكر جدا لخوخه على اللفتة الجميلة دى

ولكن انا لية وجهه نظر اخرى

اولا : زى ما قالو الزملاء ان نجاح اى منتدى يقاس بمدى تفاعل الاعضاء
وبالمقارنة البسيطة لعدد الاعضاء منذ عده شهور والان نجد ان العضوية زادت الى الضعف بدون مبالغة

اى منتدى فية قصور

والقصور الى عندتا هنا هو كثرة المواضيع المكرره وده بيرجع الى قلة عدد المشرفين فى الاقسام

وبالتالى

بشكرك تانى على وجهه النظر دى بس انا شايف طريقه عرض المشكلة ممكن تكون افضل اذا كانت على شكل اقتراح

عموما

حضرت بما انك عضو قديم يا ريت تتقدمى بطلب للادارة تبقى مشرفه بما ان عندك فكر وهتعدلى بتبخلى علينا لية

طبعا

مشرفه يعنى التواجد هيكون باستمرار يا ست خوخه

طبعا ده اقتراح بسيط من عضو جديد
شكرا لحسن الانصات

اخوكم
مجهـــــــــــــ ــــــــــــول

{.... توقيع شخص مجهول ....}

سجل فى : 03/09/2007

انا ليا رأى واسف على التاخير

كان نفسى الاقى تقدير للناس القديمة ومش عارف لية اطلقتم اللقب ده عليهم وبسبب عدم التقدير ده الناس دى سابت المنتدى او مش بقت زى الاول واكيد انت فاهمنى ياتيتى انت وحسام

{.... توقيع elflestiny ....}

المـديـر العـــام · سجل فى : 25/10/2007

لا بصراحه مش فاهم لقب ايه
وعاوز تقرير ليهم ازاى يا فلسطينى
لو واحد ساب المنتدى ازاى نقدره؟

{.... توقيع ابن الاسلام ....}

سجل فى : 03/09/2007

هل انت كلامك ده بيمشى على الكل ولا اللى انت قادر علية بس

{.... توقيع elflestiny ....}

سجل فى : 26/02/2008

المنتدى دلوقتى يمتلك اثاث اكبر من اللى كان زمان
من ناحية الكم الناس والحمد لله اضعاف ما كنا زمان
دلوقتى فاضل ايجابية الاعضاء وتفاعلهم والمنتدى هيكون افضل بكتير
وانا فى نظرى دى حكايه سهله جدا بس يريت كل واحد يبدأ بنفسه
وبعد اسبوع شوف النتيجه اللى وصلنا ليها
وانا متأكد اننا هنحقق نتايج جامده جدا من حيث التفاعل قبل الكم

{.... توقيع RaFaeL NaDaL ....}

المـديـر العـــام · سجل فى : 25/10/2007

elflestiny كتب:: هل انت كلامك ده بيمشى على الكل ولا اللى انت قادر علية بس

مش فاهم ياريت توضح

{.... توقيع ابن الاسلام ....}

سجل فى : 03/09/2007

يعنى فى ناس فى الادارة عايشة والرتبة بتاعتها بتفضل زى ماهى

{.... توقيع elflestiny ....}

سجل فى : 03/09/2007

مع العلم انهم مكنوش بيدخلوا المنتدى ولا شغالين قدنا انت عارف النظام اللى انت ماشى فية ده تمام قوى وميزعلش فى حالة واحده لما تكون انت الوحيد المسؤل عن المنتدى والحاجة التانية يبقى فى عدل

{.... توقيع elflestiny ....}

المـديـر العـــام · سجل فى : 25/10/2007

انت تقصد مين بالاداره يا فلسطينى
قول اسماء اصل مفيش كتير هنا فى الاداره ولما تيجى تتكلم عن الاداره يبقى مش بتقصد غيرى انا ومحمود
وبخصوص انى مسؤل عن المنتدى ولا لا فيا باشا بما انى مدير فى المنتدى يبقى مسؤل عنه ونص
كمان النظام دا ماشى على الكل بس ازاى هيطبقه على مديرين المنتدى
لو بتتكلم عن محمود فأنا مينفعش اسحب رتبه مدير والتيتى طبعا هو المنشىء ولو بتتكلم عنى يبقى لو شايف ان فى حد فى المنتدى ممكن يبقى مديره احسن منى من حقك تكلم التيتى صاحبك وتقوله فلان احسن من حسام وانا هتنازله عن رتبتى يا ريس والله وبروح صافيه لان الحجات دى مش فارقه معايا
مش عارف اقولك ايه يا فلسطينى بصراحه
شكرا يا ريس
402

{.... توقيع ابن الاسلام ....}

سجل فى : 03/09/2007

متقولش حاجة انا كان قصدى طالما مش انت المسؤل الوحيد عن المنتدى مكنش فى داعى انك تسحب الرتبة بتاعتى لان الحركة دى اثرت فيا جامد يعنى ومنك انت بالذات

{.... توقيع elflestiny ....}

سجل فى : 03/09/2007

وانت ومحمود والتتى على دمغنا من فوق ياعم حسام

{.... توقيع elflestiny ....}