صعيدى بيحب بنت استايل اوى اوى فى الجامعه

سجل فى : 05/05/2007

تذكير بمساهمة فاتح الموضوع :

نبتدى بالحلقة الاولى

احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه
تابعوا معايا بقى قصة حب احمد الصعيدي ونور البنت الاستايل
سلامووووو عليكوووووووووو

{.... توقيع عبقرينو ....}

سجل فى : 03/09/2007

الهى ماتكسب ولا تخسر ياجدع تفضل كده فى النص .............. ههههههههه !!!

{.... توقيع elflestiny ....}

سجل فى : 12/04/2007

يا رب
تكمل
وحيات صيامك يا باشا
حط الباقي

{.... توقيع nona ....}

سجل فى : 05/05/2007

علي فكره اسمي احمد مش باشا :afro:

{.... توقيع عبقرينو ....}

سجل فى : 30/05/2007

NICE STORY

بس بجد بليز كمل بقى احنا عايزيين نعرف اية اللى حصل فى التليفون

{.... توقيع 5o5a ....}

سجل فى : 05/05/2007

اتحايلي عليا شويه يا خوخه :cat:

{.... توقيع عبقرينو ....}

سجل فى : 30/05/2007

اتحايـــــــــــــــــــــــــــــــــــــــــــــل :affraid: :affraid:

بقى كدة ياعبقرينو ماهو صدق اللى قال عليك

ردودك مستفـــــــــــــــــــــــــــــــــــــــزة What a Face

هههههههههههههههههههههههههههههههه

وعموما اوك ياكابتن رجب بليز

نزل الجزء اللى بعدة بقى

كدة حلو

{.... توقيع 5o5a ....}

**{..زائر..}** زائر

دى لو قصه عنتر ابن شداد الكنا بنخدها فى الاعدادى كان زمانك خلصتها يا رجب

{.... توقيع زائر ....}

سجل فى : 12/04/2007

جامده اوي القصه ديه كملها بقي انا مستنياها

{.... توقيع nona ....}

سجل فى : 05/05/2007

NO COMMENT

{.... توقيع عبقرينو ....}

سجل فى : 30/05/2007

NO COMMENT

اوعى تكون زعلت ياعبقرينوا دة احنا بنهزر معااااااااااااااااااك

بليز بقى ياكابتن رجب نزل الجزء اللى بعدة

{.... توقيع 5o5a ....}

سجل فى : 20/01/2007

محسسنى انكم بتترجو السبكى للانتاج الفنى

رجب نزل القصه دى على سي دى وتعالا

نتاجر فيها انا وانتا

{.... توقيع semba__00 ....}

سجل فى : 05/05/2007

5o5a كتب:: NO COMMENT
اوعى تكون زعلت ياعبقرينوا دة احنا بنهزر معااااااااااااااااااك
بليز بقى ياكابتن رجب نزل الجزء اللى بعدة

بس انا مزعلتش ياخوخه What a Face

بس

اتحايلي عليا شويه والنبي:bounce:

{.... توقيع عبقرينو ....}

سجل فى : 05/05/2007

semba__00 كتب:: محسسنى انكم بتترجو السبكى للانتاج الفنى
رجب نزل القصه دى على سي دى وتعالا
نتاجر فيها انا وانتا

الله

انت عرفت السبكي

وكمان عرفت تنطق كلمه سي دي

هههههههههههههه

الله عليك يامرسي Exclamation

{.... توقيع عبقرينو ....}

سجل فى : 30/05/2007

يـــــــــــــــــــــــــــــادى النيلــــــــــــــــــــــة

مش عارفة لية عندى احساس انك مش عايز تنزلها مخصوص عند فيا

وبعدين اتحايـــــــــــــــــــــــــــــــــــــــــــل تانى :affraid: :affraid:

مش بقولك صدق اللى قااااااااااااااااال ردودك ........................

وعموما ماشى بليز ياكابتن رجب نزلها بقى عشان انا كدة خلاص جبت اخرى منك واعمل حسابك دى اخر مرة اتحايل فيها عليك وعلفكرة هو مش عشانك يعنى دة عشان اللى عايزين يعرفوا بقيت القصة What a Face

قال اتحايــــــــــــــــــــــــــل قال

بتهرج والله ياكابتن رجب

{.... توقيع 5o5a ....}

سجل فى : 05/05/2007

طبعا عشان مضربش من الناس اللي في المنتدي

وطبعا عشان اعند في الاخت خوخه What a Face

مش هرغي

هنخش علي الحلقه علي طووووووووووووووووووووووووول

الحلقه الثانيه عشر
_______________

مكالمه احمد وابوه الحج هريدى

أحمد : ازيك يابا وازى امى واخواتىوالبلد كلتها
وبعدين بينه وبين نفسه (( اللهى تولعوا كلوكوا ))
الحدهريدى: ازيك يا ولدى عامل ايه وايه اخبارك مش ناوى ترجه ولا ايه يا ولدى دى البلد كلتها مستنظراااااك
أحمد: اه طبعا يابا ناوى دى البلد وحشانى جوى جوى جوى
وبعدين بينه وبين نفسه (( اللهى ارجع الاجيها مولعه باللى فيها ))
الحدهريدى : والعمده احمد بيسلم عليك وعايز يكلمك علشان عايز ينزل مصر وعايز يشوفك
علشان تروحوا مع بعض تزورو الأوليه وبالمرة يشتريلوا بهيمتين بدل اللى ماتوا
أحمد : ماتوا من ايه يابا هو انت لسه شغال فى الظريبه عنده ولا ايه يابا
الحدهريدى: ومالها يا ولدى شغلانه الظريبه دا انا دلوجتى اترجيت وبجيت مشرف
على البهايم كلتها
اأحمد : طب الحمد لله يابا
الحدهريدى: طب خد يا ولدى امك عايزة تكلمك
أحمد : يابا والنبى بسرعه علشان انا بتكلم من المحمول ومش بتاعى يابااااااااا
وبعدين بينه وبين نفسه (( يالهوووى يابا عليك وعلى سنينك السوده ))
أم أحمد : ازيك يا ولدى عامل ايه
أحمد : ازيك ياما اااا عامله ايه
أم أحمد : ليك عندى يا ولدى خبر حلو جوى جوى هيعجبك
أحمد : جولى ياما جولى ما ما انا عارف اخبارك
وبعدين بينه وبين نفسه (( اخبارك السوده دى))
أم أحمد : جايبالك عروسه انما ايه زى الجمر يا ولدى
أحمد : عروسه !!!! مين دى ياما ؟؟؟
أمه : نفيسه بنت عمك ابو همام
أحمد : نفيسه !!!!! اللى كانت بتجرى ورا عربيه الرش بتاعه النموس والل كانت بتنزل الترعه
ياما دى كانت ........ ياما دى جربانه ياما
أمه : دى دلوجتى بجت عروسه وإحلوت يا ولدى
أحمد : ربنا يسهل ياما اا .. بس انا دلوجتى مبفكرش غير فى دراستى .
أحمد : خلاص خلاص ياما سلام دلوجتى علشان الرصيد اللى فى المحمول ميخاصش
أمه : ايه ده يا ولدى انت جيبت محلول
أحمد : وبعدين بينه وبين نفسه (( سلام بجا ياما دا انتى رخايه جوى وراح قافل فى وشها ))
نور: ايه يا احمد سلمتلى على الحج هريدى
أحمد : اه طبعا طبعا يا نور
أحمد: ياااااه يا نور لو شفتى بلدنااااااا حته من شرم كده
نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك
أحمد : بينه وبين نفسه ((متشوفيش وحش))
أحمد : اااه يا نور نفسى تشوفى ابويا العمده وهو قاعد فى الظريبه أأخ قصدى
وهو بيبص على الناس اللى شغاله فى الظريبه
أحمد : وأد ايه يا نور ابويا مهتم بنظافه الظريبه أأخ قصدى البلد كلتها
نور: هو بباك عمده طب احكيلى عن اخواتك يا احمد
أحمد : عندى يا ستى أخين وأخت
نور: واسمهم ايه يا احمد
أحمد : عواد وعبعال والبنت اسمها صابحه
نور: وسنهم اد ايه؟؟
أحمد : عواد ده حرامى أد الدنيا
نور: حرااااامى !!!!!!!!!!
أحمد : لأ يا شيخه بهزر معاكى
دا عواد عنده خمستااااشر سنه ولسه فى ابتدائى اصل بيحب الدراسه جوى تصورى !!!
نور : وعبعال ؟؟؟؟
أحمد : عبعااااااال يا عينى على عبد العال ... عبعال ده تديله من فوق اكل يديكى من
تحت حاجات تانيه
نور: هههههههههههههههههههههههههه
أحمد : لا دا عبعال فظيع تصورى عبعال فى مرة كنا بنتعشا
فا أمى كانت عاملالنا بيض ومش وكان فى المش دود وكان عبعال
بجاله يومين مكالش لحمه راح واكل الدود وساااب المش !!
نور: يوميين مكاالش لحمه !!!! ههههههههه
أحمد : لأ وايه وبعد ما أكل الدود والبيض دخل الحمام
فضلت يا نور البلد كلتها 7 أيام تعانى من سد فظييييع فى المجارى
نور: ههههههههههه يع يع
أحمد : مقولكيش بجا على صابحه
نور: لألأ كفااااااايه لحد كده
أحمد : لا كله إلا صابحه .. صابحه وهى صابحه.......
وفجأة واحمد بيتكلم مع نور راح طابب عليه واحد
بلدياته من البلد واحمد بقى مرعوب ليشوفوا ويجى يسلم عليه ويفضحه قدام نور
وفعلا ده اللى حصل وبلدياته شافه وراح رايحله على طوووووووووووول

أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه
ورااااااااح دااااخل بلديتناااااا على احمد ..........
.
.
.
ونشووووووفكم الحلقه الجااااايه على خييير ان شاااااااااء الله

{.... توقيع عبقرينو ....}

سجل فى : 31/08/2007

نايس اوي يا كابتن عبقرينو

يارب تكمل بقي

وربنا يستر ع احمد في الحلقه الجاي

{.... توقيع eido8 ....}

سجل فى : 05/05/2007

يارب ياخويا يارب

امال فين خوخه اللي كانت هتموتني عشان الحلقه ياجدعااااااااان

{.... توقيع عبقرينو ....}

سجل فى : 31/08/2007

يا عم خوخه الله يرحمها

كمل انت بس بقيت الحلقات عاوز اعرف احمد هيعمل ايه

{.... توقيع eido8 ....}

سجل فى : 12/04/2007

يا رب تكمل
وكل اللى في المنتدى بخير
شكلنا هنقع ضحايا قصه

كمل بقي واحنا معاك

{.... توقيع nona ....}

سجل فى : 31/08/2007

انا مش اقصد بالله يرحمها انها جري ليه حاجه لا طبعا

الف الف بعد الشر عنها

وهي اكيد عارف اني مش اقصد كده والله

وربنا يخليه يارب

وكمل ياعم عبقرينو القصه الجامده دي

وبعدين يا اسه نانا ربنا يرحمنا كلنا مش خوخه لوحدها

{.... توقيع eido8 ....}

سجل فى : 05/05/2007

شكرا لمروركم يا جماعه

نورتوا القصه والله

{.... توقيع عبقرينو ....}

سجل فى : 03/09/2007

بصراحه القصة جامده ياعبقرينو لو اعرف بس انت جايبها منين اروح كاتبها كلها فى المنتدى وارتاح منك ومن الذل ده

{.... توقيع elflestiny ....}

سجل فى : 05/05/2007

القصه دي بتاعت واحد صاحبي يا فلسطيني

لو تعرفه

روح هاتها منه :afro:

{.... توقيع عبقرينو ....}

سجل فى : 03/09/2007

هههههههههههههههههههههه تصدق مكنتش اعرف ان الختم فى الدرج

{.... توقيع elflestiny ....}

سجل فى : 12/04/2007

كملها بقي
بليز

{.... توقيع nona ....}