امتحان الشفوي‏

سجل فى : 31/08/2009

ايه هى اغبى حركات ممكن تعملها فى امتحان شفوى ؟؟

اول ما تدخل و تقعد قدام الدكتور , حاول تبين انك مرعوب و خايف

لو دكتور اكسترنال و سألك سؤال غتت قول له الجزء ده ما اتشرحش

لو دكتور من الكلية قول له الجزء ده ما اتشرحش برضه او قول له اصلى ما فهمتش
حاجة من شرح الدكتور
(هنا الزيرو مضمون 100 %)

يا سلام لو تدخل للدكتور نايم او حاول تتاوب من وقت للتانى

لو الاجابة فيها اسامى ادوية او نباتات او حاجة مكلكعة باللاتينى او بالانجليزى حاول تهرب من الكلمة او انطقها و انت قافل بقك عشان الدكتور يعرف انك حمار انجليزى

لو مش عارف الاجابة اقعد فكر براحتك ربع ساعة و لو الدكتور استعجلك قول له : ثوانى

لو مش عارف الاجابة خالص : قوله معلش يا دكتور انا عارفها بس مش فاكر دلوقتى اصلى واقف من بدرى مستنى دورى و تعبت اوى و فيه ناس كتير دخلت قبلى بواسطة

لو معاك حد تانى فى اللجنة و هو بيتسأل اعمل نفسك مش واخد بالك .. بص ع اللمبات .. بص فى الساعة و انفخ

لو زميلك مش عارف الاجابة و الدكتور قالك : ها جاوب انت
قول له بابتسامة سخيفة : معلش السؤال تانى اصلى كنت سرحان شوية

لو ما فهمتش السؤال اسأل الدكتور هو قصده ايه بالظبط و خليه يعيد السؤال كذا مرة و يفهمهولك و بعدين فكر شوية و قوله لا مش مذاكر الجزء ده

لو الدكتور قالك عايز تتسأل فى انهى جزء و اخترت و بعدين سألك قوله معلش طب ممكن الجزء التانى لو سمحت

لو الدكتور قدامه ازازة ميه قول له لو سمحت ممكن اشرب اصلى عطشان اوى و الدنيا حر بره

لو الدكتور قدامه شاى او غدا اقعد بص فيه

لو الدكتور اتأخر على اللجنة اول ما تدخل اعمل نفسك تعبان و قرفان و قوله يا دكتور ده احنا قاعدين بره من بدرى اوى

طبعا للسلامة العامة محدش يكتر من الحركات دى يعنى هى واحدة او اتنين بالكتير هيقوموا بالواجب و الدكتور هيعرف انك حمار و مش عارف المنهج بيتكلم عن ايه اصلا
و هيظبطك طبعا

مع تمنياتنا بالتوفيق للجميع

منقول

{.... توقيع التلميذة الصغيرة ....}

سجل فى : 03/02/2010

ايه النصايح الجامدة دي
النصايح دي مش علشان تشيل المادة بس دي نصايح 2في 1 لانك هتشيل المادة وكمان ممكن تتضرب
وبالشفا

{.... توقيع FeT00 ....}

سجل فى : 11/11/2009

هههههههههههههههههههههههه

فعلان الزيرو مضمون ميه الميه بس

ياريت الموضوع يجي علي الزيرو بس

تسلمي الايادي يا قمر

{.... توقيع mony we bas ....}

سجل فى : 25/08/2009

تسلمى ياتلميذه
بس ليه كده يابنتى
بلاش اصل الناس تدعى عليكى

{.... توقيع knoz knooz ....}

سجل فى : 19/04/2010

لاء ميه ميه يا تلميذه
لاء نصايح تودى فى داهيه على طووووووووووووووول

بس حلو منك برضو

{.... توقيع الجوكر ....}