البنت والولد فى الميكروباص

سجل فى : 11/02/2010

ممكن حد يقولى الكلام ده بيحصل بجد ولا لا؟؟؟؟؟؟؟؟؟؟؟؟؟؟؟؟؟؟؟

طبعا وانتا بتوقف الميكروباص وياسلام لو مافيش مكان

لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك

ثانيا :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

ثالثا :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو

طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل

.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب

رابعا :-

طبعا ممكن يجيلك تليفون وانتا قاعد في الميكروباص

لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع

انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه

خامسا :-

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل

طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

سادسا :-

طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره

طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات

انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها
هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟؟؟

لا و في الأخر بيقولك
المساوة بين الرجل و المراة
***البنت والولد فى الميكروباص*** Faint

{.... توقيع darsh ....}

سجل فى : 19/04/2010

هههههههههههههههه موضوع حلو يا درش
هوا مش فى كل الاحيان بيتقال كده
بس فى الاغلب ده اللى بيحصل

تقبل مرورى

{.... توقيع الجوكر ....}

سجل فى : 11/02/2010

نورت يا جوكر

الموضوع ازداد اهميه بمرورك

بس يا ريت تعمل تصويت علشان نشوف النسبه فى الاخر

نورت مره تانيه

{.... توقيع darsh ....}

سجل فى : 03/02/2010

ههههههههههههههههه في الجون يا واد بس بيني وبينك انا مبركبش ميكروباصات بس اكيد دا بيحصل ههههههههههههه

{.... توقيع FeT00 ....}

سجل فى : 12/03/2010

ههههههههههههههه
نايس عندك حق والله
بس انا مش بحب مياصه البنات
وكذلك السواق ممكن يعاند ويرخم على البنات
زى ما بيرخم على الولاد

نايس اجين

{.... توقيع MaRmOrA ....}

سجل فى : 11/02/2010

نورت يا فيتو ويا مرموره هانم

التوبيك نور بيكو

يا رب يكون عجبكم

{.... توقيع darsh ....}

سجل فى : 31/08/2009

ههههههههههههههههههههه

{.... توقيع التلميذة الصغيرة ....}

سجل فى : 08/10/2010

هههههههههههههههههه

على فكرة التاكسى حل الازمات دى

{.... توقيع سـكـر21 ....}

سجل فى : 07/07/2008

اذ ربما التاكسى هو الحل

{.... توقيع fasfosa ....}

سجل فى : 05/02/2008

على راى فسفس اذ ربما التاكسى هو الحل بس برده يامعلم هيا هيا نفس المشكله مع سواق التاكسى

موضوع حلو يادرش بس مش دايما بيحصل كدا

{.... توقيع الست خوخه هانم ....}

سجل فى : 11/02/2010

التلميذه الكبيره **سكر هانم ** مستر فسفوسه ** الست خوخه **

التوبيك منور لدرجه ان الشاشه بتاعتى اتحرقت

اما بالنسبه لسواق التاكسى فهو فعلا حل الموضوع شويه

لانه ظريف شويه صامت مش فيبريشن

اصل هو بياخد الاجره اكوام اكوام مش زى الميكروباص

بالنسبه للتاكسى بيتعامل بالسحتوت وسواق الميكروباص بيبقى قرفان

انما سواق التاكسى مشغل اغانى ومتسلطن حتى تحس بالفرق فى الاغانى بين التاكسى والميكروباص

يلا عوضنا عليك يارب

بس المهم ان التوبيك نولر بيكو بجد

{.... توقيع darsh ....}