أنا أصلى مبحبش السهوكه

سجل فى : 19/04/2010

موضوع روش روش اخر روشنه بجد يا مان بجد يا ومان
طبعا انتم عاوزين تعرفوا ايه الموضوع اقولكم انا بقي
انا ملاحظ اليومين دول يا بناتيت ويا ولاليد
( جمع ولاد والبنات )

علي المنتديات وفي الشات

البنات والولاد بيتكلموا بطريقه بجد تنقط

يعني تلاقي واحد حاطط صور في ( قسم الصور ) (لنانسي عجرم ( اصله مش بيعرف يقول جيم زينا )

ويكتب العنوان

( صور جامدة اخرررررررررررررررر حاجه لننوسه)
(صور موووووووووت لنانسي)

ايه اخر حاجه دى ويعني ايه اصلا صور موووووت

_ _ _ _

وتلاقي البنت في الشات بقي تقول:

انا مش ينفع - انا مش أشرب - انا مش أكل - انا مش أعرف - أنا مش يكتب
انا مش انا تش انا فش - انا مش اعمل كته ابتا ابتا
انا مش بتاعه الكلام ده انا كنت طول عمري جامده

_ _ _ _

وتلاقي الحجه الرقيقه بقي تقول ايه :

( انا مش ينفع اعمل كده انت مش تزعل بقي بيس يا مان )

وهو يرد عليها

( انا مش ازعل منك خالص ابدا يا ومان )_ _ _ _

خدتوا بالكم بقي

مش ازعل مش اكتب مش انام مش اعرف مش اسمع ,,,,,,
مش ممكن كده

واصلا تلاقي البنت اصلا ستايلها ميجبش كده اصلا

_ _ _ _

وتلاقي بقي الحروف اللي ضاربه بالهبل .

طويل = تويل
كده = كته
ابدا = ابتا
خالص = خالس - ولو رقيقه اوى _ خالث
ماشي = ماسي
بجد = بكد
حلو = حووووووووووووووووو
اشرب = اشششششششششب انبوووووه

حاكه تنأت بكد يووووووووووه قصدى حاجه تنقط بجد

_ _ _ _ _

وتلاقي بقي الواد من دول راح السينما

يرجع يقول لصحابه :

اووووووبس رحت حته فيلم روش طحن فيلم اخر حاجه بجد فيلم يهوس هيهئ هيهئ هيهئ
هييييييييييييييييييييييييييييييييييييييييييييييييي يييهئ

مش عارف بيضحك علي ايه بس بيضحك وخلاص :

_ _ _ _

نيجي بقي لكلام الولاد مع بعض

هاي يا مان
بيس يا مان
انت ليه عليا مبتردش
كب الزبون
فكك منه

جبت بدى وشك ( الولاد اصل بقوا يلبسوا بديهات زى البنات )
ومش عارفه ليه برضووووووو الولاد لازم يسقطوا البنطلون ولازم حاجات مشجرة
كده تبان وقلوب وفراوله و دباديب روشييييين اوى جدا خالص
وطبعا ده استايل اى شاب دلوقتى وده الطبيعى يعنى

_ _ _ _

ننتقل الي ولد وبنت بيحبوا بعض

يتكلموا في التليفون :

هو : الو يا حبي
هي : حبيبي
هو : ازيك النهارده ( ليه بيقول النهارده هو يعني بيكلمها في زمن الماضي)
هي : بيس وانت
هو : سهران من امبارح مش نمت علشان اكلمك مخسوس
هي : وانا كمان مش نمتش خالس مستنيه تليفونك بجد
( وتلاقيها مخموده بقالها 8 ساعات علشان تحافظ علي بشرتها)
هو : وحشاني موت بجد
هي : وانت بجد موت اكتر حاجه
هو : امبارح شفت فيلم اوووبس يا روحي رومانسي موت كان نفسي تتفرجي معايا
هي : بجد طيب احكيلي
هو : البتل ( البطل يعني ) تول الفيلم بيحب فى البتله ( البطله ) --- ( عاوز يجرجرها بقي في الكلام )
هي : بجد
هو : بجد
هي : بجد بجد
هو اه بجد
وباقي المكالمة بقي بجد وهو يقولها بجد
طالما مش قد الكلام في الحاجات دى بيتكلموا لييييييييييييييييه ::

_ _ _ _

و (( فيلم لبنت ماتت امام البال توك نرجو عدم الدخول ))

حاطط الموضوع لييييييييييييييييييييييييييييييييييييييييييييييييي ه طالما مش عاوز حد يدخل .

_ _ _ _

بلييييييييييييييييز ما تيجوا نتكلم عادى يعني بلاش لغة الروشنه والسهوكه اللي تغيظ دي

شكلي كده طولت عليكم اوعوا تكونوا زهقتم
ها ايه رايكم في الموتوع ده كامد اخر حاجه صح يا روشين .

وأوعوا يكون حد زعل ها .

دا هزار و كد

{.... توقيع الجوكر ....}

سجل فى : 16/10/2008

مفيش تعليق ولا رد
الله عالمواضيع الجامده هى دى المواضيع ولا بلاش
ربنا يخليك لمصر
استمر
أنا أصلى مبحبش السهوكه 329491

{.... توقيع eCkO ....}

سجل فى : 16/09/2010

تسلم ايديك يا جوكر الموضوع حلو اوى
بعد كدة اكيد هاخد بالى فى كل كلمة اقولها
ربنا يوفقك

{.... توقيع love.hob21 ....}

سجل فى : 07/07/2008

طبعا لازم ناخد بالنا من كل البنقوله

{.... توقيع fasfosa ....}

سجل فى : 25/08/2009

تسلم ياجوكر
موضوع جميل بجد
دايما مواضيعك بتشدنى
أنا أصلى مبحبش السهوكه 380643

{.... توقيع knoz knooz ....}

سجل فى : 19/04/2010

تسلمولى يا حلى اعضاء و يسلملى مروركو
بجد انا سعيد ان بسمه الكلام الحلو ده من الكل

ecko
لاف
فسفوسه
كنوز

{.... توقيع الجوكر ....}

سجل فى : 16/09/2010

الموضوع حلو فى حاجات اتعلمتها منة
ربنا يوفقك

{.... توقيع love.hob21 ....}

سجل فى : 04/07/2010

انا وانا بقراء الموضوع مبطلتيش ضحك
بالذات والواد والبنت بيكلموا بعض
يخرب عقلك يا جوكر
بس بجد عندك حق ايه يعنى اخرت السهوكه دى

تقبل مرورى

{.... توقيع علوة ....}

سجل فى : 12/03/2010

ههههههههههههه

جاااااااامد
بس الواد والبت بيدلعوا على بعض
حبيبه بقه

{.... توقيع MaRmOrA ....}

سجل فى : 16/09/2010

لو دة الحب ولحبيبة يبقى بلاش منة

{.... توقيع love.hob21 ....}

سجل فى : 19/04/2010

كلامك صح يا لاف
بس عادى مهو بإيدينا نغيره

{.... توقيع الجوكر ....}

سجل فى : 16/09/2010

نغير اية كلام الحب ولا الحب نفسة ولا الشخص ال انت بتحبة

{.... توقيع love.hob21 ....}

سجل فى : 19/04/2010

لا دى حاجات ثابته يا لاف
احنا نغير لهجة الكلام اللى بنتكلمه نفسه صح ولا ايه

{.... توقيع الجوكر ....}

سجل فى : 16/09/2010

صح بس لو غيرت لهجة الكلام هيقول عليك مش كول
مش روش طحن ولا اية

{.... توقيع love.hob21 ....}

سجل فى : 19/04/2010

كلامك صح برضو
بس مش مهم الناس اللى عايزه تقول كده
فى ناس هتحترمك اوى
و الاهم الطرف التانى

صح ولا ايه

{.... توقيع الجوكر ....}

سجل فى : 16/09/2010

اكيد صح بس المشكلة برضة
ان الطرف التانى هيقدر مشاعرك وكلامك لية وحبك لية ولا لا

{.... توقيع love.hob21 ....}

سجل فى : 29/04/2010

تسلم ايدك ياجوكر
كل الكلادم ده بيحصل حقيقى

{.... توقيع رانيا ....}

سجل فى : 19/04/2010

ميرسى لمرورك يا رانيا
نورتى التوبيك

{.... توقيع الجوكر ....}