بتحب مصر؟

سجل فى : 27/10/2009

بتحب مصر ؟؟؟؟؟؟؟؟؟؟؟؟

انا نفسى حد يجاوبنى على السؤال ده بس بصراحه هو انت بتحب مصر؟
لو سألنا اى حد فى الشارع انت بتحب مصر هايرد وبكل ثقه ويقول طبعا بحب مصر ويضيف بتلقائيه غريبه مش عارف ليه يقول دى مصر دى امى.
طيب لما هى مصر دى امنا كلنا كده ليه اول ما بتيجى فرصه لاى حد فينا انه يبعد عن امه مابيصدق ويقول يا فكيك هو انت كده بتحبها ليه دايما بنلعنها وكل اللى على لسان اى حد فينا كلمه (فى بلاد برة مافيش كده دى ناس متحضره يا عم مش زينا) طيب وهو مين اللى عمل فى بلدنا كده
هو ذنب مصر ان مافيش فيها:-
-حد بيشتغل بضمير شويه.
-ان مافيش حد بيلتزم بمعاده وحياتنا فى قمه العشوائيه انا مش متخيل بنى ادم ماشى من غير ساعه ده عايش على اساس ايه .
-ذنب مصر ان احنا بنخرب اكتر مابنعمر.
-ذنب مصر ان احنا مابنفتكرش اننا مصريين غير فى ماتشات الكورة.
وغيره كتيييييييييييييييييييييير جدا
انا عايز حد يرد بس بصدق :-
هو انت بتبص لمصر بوجه عام على انها تاريخ وام الدنيا علشان كده بتحبها
ولا عامل زى العبد لله بيبص للسلبيات اللى فيها وكاره العيشه فيها وهل مصر تستحق بجد اننا نحبها؟

{.... توقيع AHMED SHALABY ....}

سجل فى : 25/10/2009

انت عايز تفهمنى ان لو حد قالت هتسافر تشتغل بره وبمرتب اد اللى بتاخده هنا 100 مره هتقول لا

ربنا معاك ياعم الوطنى

{.... توقيع âďâм ....}

سجل فى : 15/11/2009

يا بنى طبعا بحب مصر دى مصر دى امى

ههههههههههههههههههههه

لا بجد بس المشكلة مش حب او كرة الحياة كدة اللى بيلاقى فرصة مثلا كويسة فى بلد غير مصر اكيد بيسافر مش مسألة حب وكرة بقى

بمعنى انى مثلا لو لقيت فرصة عمل فى مصر بمرتب كويس اكيد مش هسيبها لكن لمايبقى قدامى فرصة برة اكبر لية لا

{.... توقيع tornaido ....}

سجل فى : 27/10/2009

تمام يا محمود وشكرا يا برنس على مرورك
اما انت ياعم ادم فلوسمحت اقرا الموضوع تانى انت شكلك مافهمتنيش

{.... توقيع AHMED SHALABY ....}

سجل فى : 18/04/2010

بسم الله الرحمن الرحيم
السلام عليكم ورحمة الله وبركاتة
انا بحب مصر لاتباع سنة الحبيب "والله يا مكة لانت اب بلاد الله الى ولولا اهلك اخرجونى منك ما خرجت"
ومن مات دون ارضه فهو شهيد
ووصية الرسول لاصحابة عندما تفتح لهم بلد الدرهم (مصر (
بحب الناس وهى راحه الشغل الفجر وهى رجعه اخر النهار والتلاميذ وهم بيحيو العلم وبيتفوقو
لكن بكره فى مصر كل مسئول نايم فى العسل نوم
وكل صاحب سفينة مات فيها الوف
وكل رجال الاعمال اتكرو الاسمنت او الحديد او حاجات تانية كتير
اسيبك تكمل انت الباقى انا تعبت...,سلام

{.... توقيع محمد ناجى ....}

سجل فى : 27/10/2009

والله وانا تعبت انا كمان تيجى نسافر يا استاذ محمد

{.... توقيع AHMED SHALABY ....}

سجل فى : 05/02/2008

ذنب مصر ان احنا مابنفتكرش اننا مصريين غير فى ماتشات الكورة

والله يااحمد مصر جميله جدا والمشكله مش فيها المشكله فينا احنا
ساكين على كل اللى بيتعمل فينا مستنين حد يجى يعمل لينا ويرجع لينا حقنا

مصر مهما كانت وعلى الرغم من كل اللى بيحصل فيها من خراب ونهب وذل مع كدا لسه الناس عايشه تخيل لو بلد تانيه اتباعت زى بلدنا كان هيبقى دا حالها احنا بس عايزين نفوق من اللى احنا فيها ونقول للظلم كفايه عايزين نرجع مصر زى زمان مصر اللى اتذكرت فى القران

مصر ابراهيم
مصر موسى
مصر القران وسيدنا محمد عليه الصلاه والسلام

بلاش بقى نسكت ولازم نتكلم

موضوعك جامد جدا يااحمد

{.... توقيع الست خوخه هانم ....}

سجل فى : 19/04/2010

تمام ياحمد و الله موضوع حلو و مهم فى النقاش برضو
و تسلم انك فكرت فيه

بس برضو هيبقى

لا حياة لمن تنادى

{.... توقيع الجوكر ....}

سجل فى : 27/10/2009

ميرسى يا خوخه على المرور ونورتى يا قمر
ماشى يا جوكر شكرا على انك بتبشرنى ههههههههههههههه

{.... توقيع AHMED SHALABY ....}