وتبـدأ مُحـَآكمة " التيـــتي " نشوفه عَ الكُرسـي

سجل فى : 27/04/2007

معَـلـش إتأخَـرنا شووويه

النهـَآرده ميعـَآدنا مع محـَكمة جَـديدة وإن شآء الله تكوُن سعـَيدة عَ يوُزر المحَـكمة واليوُزر جـَميعا

النهارده معانا

" التـيتي "

أولا قبـل ما ندخـَل فِ الأسـألة والإحَـرآج والجرُأه والنقـَآش

نبدأ ونحَـب نتعرف عَ " التيـتي " ويـَآريت تعرفنا بنفسـك

وتقدم لنـَآ السـي في الخَـآص بـك

وإحسـَآسك إيه وإنتَ معانا نجَـم محَـكمة الأسبوُوووع

{.... توقيع †Fâ7†ôôôôô ....}

سجل فى : 07/07/2008

حمدله بالسا ياتيتى
منور المحكمه والله
مــــــحـــــــــــــكـمـــــــــــــــــه
الحـــــــكم بعد المــداولـــــــــــــه

{.... توقيع fasfosa ....}

سجل فى : 25/10/2009

sma7 elmara de ana 3an nfse msh hs2l eshta keda ya tity وتبـدأ مُحـَآكمة " التيـــتي " نشوفه عَ الكُرسـي 71192

{.... توقيع âďâм ....}

سجل فى : 16/10/2008

انـت اتحـطيت فى المـفرمه ولما حد بيقـع اسـألته بتكـتر
وانـت متتوصـاش انت عارف ان انت اخويا الكبير
وعارف انك تمام والناس كلها عارفه التيتى على ايه
بس فيه كام سؤال كده محيرنــى
*********
1:أنــت زعلان من ميـدو ؟ مع توضيـح السـبب ؟
2:اقرب 3صحاب ليك فى المنتدى مع تحديد الاسامـى ؟
3:ايـه رئيك فى المنتدى وانت شايف ناقصه ايـه ؟
4:كان نفسـك تعمـل ايه وللاسـف ماحصـلش ؟
5:انت مستنـى ايه عالارتبـاط الرسمـى ؟
6:وايه اللى كان نفسـك توصـل ليـه وحققتـه ؟

انا عـارف انـى كترت عليـك ويارب اسألتى تكون عاديه
حبــــــــــــــــــــــــــــــــــيـبــــــــــــــــــــــــــــــــــــــــــــــــــــى

{.... توقيع eCkO ....}

سجل فى : 20/01/2007

مساء الفل عليك ياتيتى
انت عارف ياتيتى قبل اى حاجة وقبل ماتعمل المنتدى دة حتى ومعزتك عندى عاملة ازاى
ومتنساش ان انت اخويا الكبير والدماغ واحدة
وياما ركبنا حورات على الدنيا كلها يعنى ماينفعش اجى عليك فى حاجة
هاسئلك كدة بس كم سؤال استفتاح فى اول المحكمة

كم مرة حسيت الحب ؟
هل الحب شىء مهم فى حياة التيتى ؟
انت مع مقولة الحب هو الحياة ؟
موصفات وزة حياتك ؟

مين صحبك الى بترتاح فى الكلام معاه؟
مين اكتر الناس الى متعود تشفهم يوميا ؟
لو واحد صحبك عمل موقف معاك مش تمام تعاتبة ولا تنفضلة ولا تردلة الى عملة؟

اية اكتر 3 امنيات التيتى يتمنى انهم يتحققو

الدنيا تجارب وادينا بنتعلم منها هانفضل نتعلم لغاية امتى ياصحبى

عمرك زعلت اهلك منك ؟

انت مع المقولة الاتية :

( الى مترضاش علية امة يفضل حزين طول عمرة )

كفاية كدة دلوقتى

{.... توقيع mido.916 ....}

سجل فى : 15/11/2009

التيتى حبيب الكل ممكن تجاوبلنا على الكام سؤال دول على الماشي علشان نتعمق اكتر فى شخصيتك

ما الذي تفضله أكثر والوضع الذي ترتاح به أكثر....هل هو التواجد مع الناس والتفاعل معهم أو الجلوس لوحدك؟

لو سألك أحدهم ((ما هو لون سيارات الفضاء؟؟!!)) ما هي ردة فعلك؟

هل أنت من النوع الذي يصدر قراراته عن طريق المنطقية والواقعية والحقيقة ويقول آرائه بصدق حتى وان تسبب ذلك بجرح مشاعر الآخرين.....أم انك من النوع الذي يستخير مشاعره قبل إصدار القرارات و إبداء الآراء حتى وان تسبب ذلك بقول(كذبة بيضاء) ؟

هل تفضل السير على جدول معين لخططك أم انك لا تفضل الالتزام بالجداول وتسير –كما يقولون-على التسهيلات؟

ولك منى كل الحب والتقدير

وتبـدأ مُحـَآكمة " التيـــتي " نشوفه عَ الكُرسـي Qwqwqwqw

{.... توقيع tornaido ....}

المؤسس و المـديـر العـــام · سجل فى : 10/01/2007

†Fâ7†ôôôôô كتب:: معَـلـش إتأخَـرنا شووويه
يا ريتك يا عم كنت اتأخرت خالص او نسيتنى خالص
ضميرك صحى مره واحده يعنى على المحكمه بتاعتى

النهـَآرده ميعـَآدنا مع محـَكمة جَـديدة وإن شآء الله تكوُن سعـَيدة عَ يوُزر المحَـكمة واليوُزر جـَميعا
هتبقى سعيده لكل الاعضاء المنتدى طبعا ما هى حفله و كل جاى يجامل يا معلم
النهارده معانا

" التـيتي "
ايه التيتى ده يعنى اسم شركه و لا مسحوق غسيل مش يبقى فى شويه احترام وفرق فى السن

أولا قبـل ما ندخـَل فِ الأسـألة والإحَـرآج والجرُأه والنقـَآش
ههههههههههههههههههههههههههههههههههههههههه
هوه فى احراج و جرأه ونقاش
ده انتا طيب اوى
اسلام انتا معانا و لا معاهم

نبدأ ونحَـب نتعرف عَ " التيـتي " ويـَآريت تعرفنا بنفسـك

وتقدم لنـَآ السـي في الخَـآص بـك
سى في على اساس انى مقدم على وظيفه هنا فى المنتدى
هههههههههههههههههههههههههههههه
عموما ماشى الحال
انا محمد على رزق رمضان و الشهره التيتى و الدلع حمادا مادا و ماما مدلعاه
واحد من الناس الجزء التانى بس مش بتاع كريم عبد العزيز
خريج تربيه رياضيه دفعه 2007 و دلوقتى تانيه ماجستير
بشتغل مدرب جمباز فى نادى جزيرة الورد حاليا
انسان طيب و صريح و بحب كل الناس و بموت فى حاجه اسمها الهزار و بحب اصحابى و بحب اهلى و بحب الاكل جدا و بحب بنت الجيران يعنى هى جت عليها يعنى
ده بقى الملخص المفيد من غير تعقيد يا برنس

وإحسـَآسك إيه وإنتَ معانا نجَـم محَـكمة الأسبوُوووع
احساسى و انا فى المحكمه فى العادى بس خايف ان حد يتعد الخطوط الحمرا معايا لانى ممكن يكون لياردود افعال غير متزنه فى المنتدى

{.... توقيع AdM!N ....}

المؤسس و المـديـر العـــام · سجل فى : 10/01/2007

Mr.Fâşƒô§àã كتب:: حمدله بالسا ياتيتى
منور المحكمه والله
مــــــحـــــــــــــكـمـــــــــــــــــه
الحـــــــكم بعد المــداولـــــــــــــه

عملتها و خلعت يا فسفوسه انتا واحمد تيتو و الله ما انا سايبك
عمومااشطه يا معلم
و مستنى الحكم اللى بعد المداوله

{.... توقيع AdM!N ....}

المؤسس و المـديـر العـــام · سجل فى : 10/01/2007

life.without.feelings كتب:: sma7 elmara de ana 3an nfse msh hs2l eshta keda ya tity

و الله انتا زى الفل يا life.without.feelings
يا ريتك تغيب عن المنتدى الاسبوع ده لاننا هنقفله الاسبوع ده
اشطه او حاول تطلع رحله مع الشله اسبوع فى اى حته
من النهايه كدا انا مش عاوز اشوف اى عضو فى المحكمه بتاعتى اكتر من مره واحده
ههههههههههههههههههههه

{.... توقيع AdM!N ....}

المؤسس و المـديـر العـــام · سجل فى : 10/01/2007

eCkO كتب:: انـت اتحـطيت فى المـفرمه ولما حد بيقـع اسـألته بتكـتر
المفرمه دى لعامة الشعب يا حبيبى
هههههههههههههههههههههههههههه

وانـت متتوصـاش انت عارف ان انت اخويا الكبير
ما هوه باين يا معلم

وعارف انك تمام والناس كلها عارفه التيتى على ايه
لا انتا اللى تمام
سيبنى فى حالى و اللى انا فيه دلوقتى

بس فيه كام سؤال كده محيرنــى
ليه يا معلم محيرينك ليه بس هوه انتا بتحل لغز فى قصص فلاش
هههههههههههههههههههههههههههههههه

*********
1:أنــت زعلان من ميـدو ؟ مع توضيـح السـبب ؟

مين قالك انى زعلان من ميدو بالعكس ميدو حبيبى و انا بعزه جدا ده ميدو برده يا ايكو عيب تقول حاجه زى كدا

2:اقرب 3صحاب ليك فى المنتدى مع تحديد الاسامـى ؟

انا كل المنتدى اصحابى باللى اعرفه و اللى مش اعرفه لكن فى ناس بعتبرهم اخواتو برده كتير و طبعا انتا منهم لانى احنا متربيين مع بعض يا ايكو و لا ايه

3:ايـه رئيك فى المنتدى وانت شايف ناقصه ايـه ؟

المنتدى يا ايكو حلو و كل يوم عن يوم بيبقى احلى و على فكره حلاوه المنتدى باعضاءه و بالادارة اللى ماسكاه حاليا و على فكره انا متوقع ان العصر اللى بيعيشه المنتدى دلوقتى هيبقى العصر الدهبى ليه و لانى ملاحظ ان فى تطور للمنتدى باستمرار ... و اللى ناقص المنتدى شوية تفاعل و هيبقى زى الفل باذن الله

4:كان نفسـك تعمـل ايه وللاسـف ماحصـلش ؟

بص يامحمد لو الواحد فضل يعد اي اللى كان نفسه انه يتعمل و محصلش يبقى مش هيعمل حاجه قدام و بعدين فى حاجات مش بتحصل علشان الظروف او الحسابات بتبقى غلط او ربنا مش عاوز كدا اساسا.. فهمت يا عم ايكوو

5:انت مستنـى ايه عالارتبـاط الرسمـى ؟

فى شويه ظروف كدا عندى عائلية و حبه حوارات فى حياتى يوم ما تنتهى مش هتردد فى اخد خطوه رسميه لان دى الخطوه القادمه باذن الل اللى المفروض كانت تبقى فى الايام اللى انا فيها دلوقتى

6:وايه اللى كان نفسـك توصـل ليـه وحققتـه ؟

بص انى ابقى انسان ليه كيان فى المجتمع و حاليا انا حققت ده و على فكره انك توصل لبدايه طريق النجاح يبقى انتا وصلت للنجاح بس مع المحافظه على رتم حياتك يبقى ماشى فى نفس الاتجاه و بدون تردد فى اخد القرارات
و بعدين يا عم ايكو انا كان امنيه حياتى و انا من تحت الصفر انى اوصل للصفر و الحمد لله ان وصلت للصفر من زمان و بكمل اهوه
و انتا اكتر واحد عارف التيتى كان متمرمت فى الدنيا ازاى سيبها لله بقى

انا عـارف انـى كترت عليـك ويارب اسألتى تكون عاديه
حبــــــــــــــــــــــــــــــــــيـبــــــــــــــــــــــــــــــــــــــــــــــــــــى

لا يا ايكو ده انتا نورتى و الله و اسألت ممتازه و يا ريت كل الاعضاء يبقوا زيك كدا
هههههههههههههههههههههههههههههههههههههه
نورت و حساب الشيشه عندى
هههههههههههههههههههههه

{.... توقيع AdM!N ....}

سجل فى : 30/10/2008

_ايه هو حلمك في الحياة ؟ و عملت ايه عشان
تحققه؟
_أمامك 3
صناديق اختار واحد بس
( الحب –
الحظ - المال )؟ وليه؟
الكره
حاجة وحشة طبعا اوي ...........بس هل حصل ان شخص دفعك في يوم انك تكره و ليه؟
_حصل انك
اتعرضت للخيانة قبل كده؟ و عملت ايه؟
صدمة عمرك
كانت في مين ؟
_تقول ايه
لواحد ناسي نفسه وماشي ورا اهوائه ؟
_الظلم
مع سبق الاصرار والترصد والتمادي فيه تفتكر ايه السبب فيه ؟
_اكتر
كلمه جرحتك كانت.............
_لو عايز
تعاتب حد هيبقى مين وتقوله ايه؟
_اكتب
سطرين تعبر فيهم عن نفسك شعر مثلا اى خواطر اى حاجه
_ايه اكتر
حاجه تتمناها ممكن تخليك تحس انك ملكت الدنيا وهل حسيت الاحساس ده قبل كده ولالا؟
_يا ريت
لو تقول الكلمات دي بتمثلك ايه في الحياه
الحب
الرومانسيه
الخيانه
الكدب
الطيبه
الحنان
الغدر
_بتمثلك ايه
الكلمات دى
الله
الاهل
الشهرة
الطموح
الفلوس
الوعد
_ما معني
الحب في وجهة نظرك ، و ما معني الخيانة ؟
_هل انت من لديهم رغبة حب التملك واذا تملك
الشيء اصابه الملل منه؟
ليه الحزن
اكتر من السعادة من وجهة نظرك ؟
_الألم ،
هل يتوقف عند حد معين بداخلك ؟
_اعتذار
تريد ان تقدمه... لمن؟
_ كيف ستتعامل مع من خذل إحساسكـ ؟
_عمرك
ظلمت حد؟ لو حد ظلمك ممكن تنتقم؟
_لو أقرب
الناس تغير بالسلوك والتصرفات معاك ؟
_ردة فعلك
عندما يظن بك أعز ُ أصدقائك ظن السوء ؟؟

{.... توقيع همسه؟ ....}

المؤسس و المـديـر العـــام · سجل فى : 10/01/2007

mido.916 كتب:

{.... توقيع AdM!N ....}

سجل فى : 20/01/2007

حبيبى يابو التيت وحلوة الوزة دى
يارب تلقيها

{.... توقيع mido.916 ....}

المؤسس و المـديـر العـــام · سجل فى : 10/01/2007

tornaido كتب:: التيتى حبيب الكل ممكن تجاوبلنا على الكام سؤال دول على الماشي علشان نتعمق اكتر فى شخصيتك

لا يا عم انا مش حبيب الكل و لا حاجه ده انا غلبان ..... بعدين دعنا نتعمق داخل شخصيتى اكتر

ما الذي تفضله أكثر والوضع الذي ترتاح به أكثر....هل هو التواجد مع الناس والتفاعل معهم أو الجلوس لوحدك؟
عموما انا كنت الاول بحب ان اكون مع الناس و لكن حاليا ميال الى انى ابقى لوحدى

لو سألك أحدهم ((ما هو لون سيارات الفضاء؟؟!!)) ما هي ردة فعلك؟
هقوله لون سيارات الفضاء هو اللون الزوفخشرى .. و هيبقى رد فعلى عادى جدا واحد بيشتغلنى انا بشتغله انا كمان لما يبقى فى سيارات فضاء يبقى فى لون الزوفخشرى

هل أنت من النوع الذي يصدر قراراته عن طريق المنطقية والواقعية والحقيقة ويقول آرائه بصدق حتى وان تسبب ذلك بجرح مشاعر الآخرين.....أم انك من النوع الذي يستخير مشاعره قبل إصدار القرارات و إبداء الآراء حتى وان تسبب ذلك بقول(كذبة بيضاء) ؟
انا منطقى وواقعى زياده عن اللازم على ان ساعات مشاعرى بتبقى هى المتحكمه رقم واحد

هل تفضل السير على جدول معين لخططك أم انك لا تفضل الالتزام بالجداول وتسير –كما يقولون-على التسهيلات؟
بص يا حبيب قلبى انا عاوز اوضح ليك حاجه بسيطه اوى
انا فى شغلى كمدرب الطبيعى انى ابقى ماشى على خطط و اهداف و فتره زمنيه معينه و هديك مثل على فكره لما كنت طالب كنت كدا برده خطط و بتاع و لازم اعمل النهاده كذا و كذا يعنى مثلا كان عندى يوم الخميس ده يوم السهر و الخروج و ويوم لجمعه يوم النوم و راحه البدن و جميع ايام الاسبوع منظمه على حسب ايام العملى و النظرىة و غالبا ايام النظرى اللى كنت انزل فيها الجامعه بعد المحاضرات
لكن فى حاجات لازم تسيبها كدا لوحدها و على الله و حسب ما التساهيل توديك

ولك منى كل الحب والتقدير
تسلم يا حبى و ربنا يخليك كدا من اهل الاعضاء اللى بيسألوا خفيف خفيف علشان يعرفوا يناموا

{.... توقيع AdM!N ....}

المؤسس و المـديـر العـــام · سجل فى : 10/01/2007

mido.916 كتب:: حبيبى يابو التيت وحلوة الوزة دى
يارب تلقيها

فى العشه اللى فوق بيت الجيران
ظروفى تتعدل بس و هاخدها يا ميدو غصب عن الطخين
ههههههههههههههههههههههههههه

{.... توقيع AdM!N ....}

المؤسس و المـديـر العـــام · سجل فى : 10/01/2007

يا ريت يا همسه تدخلى تشوفى الموضوع ده
https://tity.yoo7.com/montada-f67/topic-t8001.htm
و على اساسه اقدر ارد على الاسئله
رغم انى اكتر واحد عاوز ارد على الاسئله دى كلها
بس هوه نظام يا هموسه

{.... توقيع AdM!N ....}

سجل فى : 19/01/2007

ازيك ياتيتى

{.... توقيع ELzekred ....}

المؤسس و المـديـر العـــام · سجل فى : 10/01/2007

ELzekred كتب:: ازيك ياتيتى

ازيك انتا يا حوده
منور المحكمه و المنتدى كله
يارب تكون بخير

{.... توقيع AdM!N ....}

سجل فى : 19/01/2007

ربنا معاك ياتيتى فى المحكه

{.... توقيع ELzekred ....}

سجل فى : 05/02/2008

التيتى المؤسس والمدير العام للمنتدى كنت حابه اعرف منك حاجه هتجاوب عليها فى الخاانات اللى جايه ان شاء الله بما انك اقدم واحد فى المنتدى دا

- (( . . . )) عضو توقيعه جميل .
2- (( . . . )) عضو نشيط بصراحة .
3- (( . . . )) عضو مفقود .
4- (( . . . )) عضو دمه خفيفز.
5- (( . . . )) عضو واثق من نفسه .
6- (( . . . )) عضو داخل مزاجي .
7- (( . . . )) عضو أتمنى ألتقي به .
8- (( . . . )) عضو تحس أنه مثقف .
9- (( . . . )) عضو تحب تغير معنى اسمه .
10- (( . . . )) عضو تحب اسمه .

11- (( . . . )) عضو أحس انه شايب .
12- (( . . . )) عضو تحسك يفهمك .
13- (( . . . )) عضو نفسى أقول له ( صح لسانك ) .
14- (( . . . )) عضو يناسبه لقب الطمووووح
15 ـ (( . . . )) عضو تحس ان خفاش دايما يرد بسرررعه ......
16 ـ (( . . . )) عضو عاجبك اسمه .
17 ـ (( . . . )) عضو يستحق الإشراف .
18- (( . . . )) عضو نفسى اطلع معاه
19 - (( . . . )) عضو يستاهل الأحترام والتقدير
20 -(( . . . )) عضو دوم خفيف ويضحك
21 -((....)) عضو تعطية درجة امتياز بجدارة
22-((.....)) عضو تحب تتناقش وياه دائما
23_((....)) عضو تهديه وردة جميلة

طبعا هتكتب الاسماء فى الخانات دى علشان كل الاعضاء يعرفوا

تحياتى
خوخه هانم

{.... توقيع الست خوخه هانم ....}

المؤسس و المـديـر العـــام · سجل فى : 10/01/2007

الست خوخه هانم كتب:: التيتى المؤسس والمدير العام للمنتدى كنت حابه اعرف منك حاجه هتجاوب عليها فى الخاانات اللى جايه ان شاء الله بما انك اقدم واحد فى المنتدى دا

ده انتى اللى مدير يا ست خوخه
حاضر هجاوب

1- (( همسه )) عضو توقيعه جميل .
2- (( ابن الاسلام )) عضو نشيط بصراحة .
3- (( شخص مجهول )) عضو مفقود .
4- (( فسفوسه )) عضو دمه خفيف.
5- (( الزقرد )) عضو واثق من نفسه .
6- (( ويكااا )) عضو داخل مزاجي .
7- (( الحبيب الاحمق )) عضو أتمنى ألتقي به .
8- (( شخص مجهول )) عضو تحس أنه مثقف .
9- (( فحتوت - اسلام نيل )) عضو تحب تغير معنى اسمه .
10- (( همسه )) عضو تحب اسمه .

11- (( مش عارف )) عضو أحس انه شايب .
12- (( ابن الاسلام )) عضو تحسك يفهمك .
13- (( احمد تيتو )) عضو نفسى أقول له ( صح لسانك ) .
14- (( الست خوخه )) عضو يناسبه لقب الطمووووح
15 ـ (( جنيه بس اطأوطه )) عضو تحس ان خفاش دايما يرد بسرررعه ......
16 ـ (( همسه )) عضو عاجبك اسمه .
17 ـ (( انتى )) عضو يستحق الإشراف .
18- (( اطلع معاه فين بس ههههههههههه )) عضو نفسى اطلع معاه
19 - (( كل الاعضاء )) عضو يستاهل الأحترام والتقدير
20 -(( فسفوسه )) عضو دوم خفيف ويضحك
21 -(( ابن الاسلام )) عضو تعطية درجة امتياز بجدارة
22-(( ميدو )) عضو تحب تتناقش وياه دائما
23_(( همسه )) عضو تهديه وردة جميلة

طبعا هتكتب الاسماء فى الخانات دى علشان كل الاعضاء يعرفوا
اكيد كله عرف دلوقتى

تحياتى
خوخه هانم
اى خدمه يا ستى

{.... توقيع AdM!N ....}

سجل فى : 15/11/2009

شكرا يا ابو التيت على الاجابات بس على فكرة انت تعتبر مجاوب على كل سؤال باجابتين بس اوك

وتبـدأ مُحـَآكمة " التيـــتي " نشوفه عَ الكُرسـي 512661230

{.... توقيع tornaido ....}

سجل فى : 12/03/2010

مساء الفل
عندى كام سؤال!!!!!!!!!!!!!

صحيح ان لما الواحد بيتخرج بيرتاح ولا الهم بيزيد والحمل بيتقل ؟

الاتباط الرسمى امته ؟ وهتعزمنا ولا؟

لو واحد ملوش عشم معاك هز معاك هزار رخم حبتين رد فعلك هيكون ايه؟

امته التيتى يزعل من واحد صاحبه؟

لو واحده اديتك معاد وخلعت رد فعلك ايه؟؟

{.... توقيع shawrma ....}

سجل فى : 19/01/2007

ياتيتى ياجامد

{.... توقيع ELzekred ....}

سجل فى : 15/11/2009

وتبـدأ مُحـَآكمة " التيـــتي " نشوفه عَ الكُرسـي L0P88975

انا جبتلك العيش والحلاوة زى ما اتفاقنا ومش اى حلاوة دى بالمكسرات

وتبـدأ مُحـَآكمة " التيـــتي " نشوفه عَ الكُرسـي 8ah88975

وتبـدأ مُحـَآكمة " التيـــتي " نشوفه عَ الكُرسـي Y4788975

افضل صفاتك ؟

الانطباع الاول الي اخذته عني لما عرفتنى ؟ اتغير الانطباع بعد كدا ولا هوا هواه؟

سبب اختيارك لاسمك؟

صفة تعجبك {............}
صفة بتكرهها {............}

واخيرا دة مؤقتا بس

صفة فيك تتمنى تتخلص منها ؟

{.... توقيع tornaido ....}