اكتب هنا موقف مضحك موثر مريت بيه فى حياتك لو جرئ

**{..زائر..}** زائر

اهلا بيكم
عاوزكم بقى تكتبوا اى موقف حصللكم قصص حقيقيه صادقه حصلتلكم فى حياتكم
============================================
مع بنت
مع رجل
مع زبال
مع بابا او ماما
مع الجيران
فى الشارع
فى النادى
فى مصيف
فى المدرسه
فى الجامعه
============================================

انا عن نفسي هحكي ليكوا علي موقف حصلي
انا من فتره لقيت واحد صاحبي بيقولي ان اسمك موجود في مكتب مكافحه المخدرات
قمت سئلت ظابط معرفه قالي فعلا اسمك موجود
والله انا اعدت في البيت اسبوع مش بخرج خاااالص
لحد ما الموضوع اتحل

============================================

ها مستني ردودكم

{.... توقيع زائر ....}

سجل فى : 05/05/2007

ياراجل

انا حضلي نفس الموضوع

واسمي كان مكتوب برضه

ههههههههههههههههه

شاكلك انت اللي مبلغ

شكرا ياغالي

{.... توقيع عبقرينو ....}

سجل فى : 12/04/2007

احكيلكم موقف حصل معايا انا واتنين اصحابي معانا في الكليه
في الشارع واحنا ماشين مروحين من استاد الجامعه لبتنا مشي
حوالى ساعه الا ربع المشوار
كنا تعبانين جدا ولابسين الترنجات ايام العروض واحنا في سنه اولى
لقينا فجاه ولد وقف في نص طريقنا
نجي يمين يجي ورانا
نجي شمال يجي وررانا
بصراحه معجبناش الوضع
وانا ببص النحيه التانيه من الشارع لقيت شله صبيان وهوه كان منهم
فقولنا نتغدى بيه قبل ما يتعشي بينا
راحت واحده صحبتى طويله اوى
راافعه رجليها وقامت ضرباه بالشلوت
راح الولا جارى واصحابو قعدوا يضحكوا عليه
انا كان نفسي اضربه بس يا عينى هرب بجلده
بس كان منظره تحفه
اياك بقي ولد يعاكس بنت تانى

{.... توقيع nona ....}

سجل فى : 12/04/2007

موقف تانى مع بنت خالتى
قعدت اشتغالها على النت على انى ولد
وكل ما اسالها سؤال طبعا ترد وتقولى اجابه مش هيا الصح
فانا اقوم قايلها لاء انتى كذابه واصححلها اللى قالته غلط
استمرت الحكايه دى حوالى شهر ونص
بس بصراحه صعبت عليا
وكانت كل العيله عارفه بالموضوع ده لان كان في اسرار للعيله بيقولها الشخص ده
اللى هوه انا طبعا
ففيوم استغليت الفرصه في تجمع العيله كلها في بيت العيله
كان اول يوم العيد الصغير
وقومت قايله عارفين الولد كذا كذا
واللى قال كذا كذا وعمل كذا كذا
قاللللللللللللو اه
قولتلهم ده انا
يومها اكلت علقه محترمه من بنات خالتى
وفضلت مدخلش على النت تانى حوالى اسبوع
كنت خلاص حرمت بس كل العيله قعدت تضحك ومحدش حاش عنى

ودمتم سالمين

{.... توقيع nona ....}

**{..زائر..}** زائر

هههههههههههههههههههههههههههههههههههههههههههههههههههههههههه

{.... توقيع زائر ....}

سجل فى : 03/05/2007

الموضوع ده جامد با فسفوسه
انا بقى يا عم رحت التمريين ف المحله وكنت بشترى برفان والمهم انا ياعم ركبت الاتوبيس ومروح بقى هههههه وراكب على كرسى واحطط الشنطه ع الكرسى التانى وقاااعد ومرييح
المهم المسرى لقيته بيلف ع الركاب عاوز الاجره المهم قلت اطلع الفلوس بقى وساعتها واحد صاحبى ركب معايا
فبطلع الفلوس ودور عليها مفيش وقعت هعمل اييه بقى اضطريت انى استلف من صاحبى يدفعلى بقى وكنت ساعتها واقع ف شبر ميه

ازيك ياااد
وجيه فاكرنى ولا اييه؟

{.... توقيع gogo ....}

**{..زائر..}** زائر

ههههههههههههههههههه
مين وجيه ده ياعني

انا بأه ياعم خلصت الثانويه العامه وقلت أروح أقدم في الكليه الحربيه

وفعلا روحت وأقدمت ومفيش أي مشكله

طلبوا مني شهاده الميلاد والطلبات بتاعه الاختبارات

الي انت ممكن تكون علرفها

فماشي خلاص ومفيش مشكله

فروحت السجل المدني اطلع شهاده الميلاد

فوجئت ان الوظفه بتؤلي اسمك مش موجود

أعدت تدور مش لائياه خالص أتضح ان انا مش متسجل تبع الدوله دي اساسا

فاروحت السجل التاني اجيب بياناتي من هناك

وفعلا الحمد لله لاّيتها وقلت للموظف أعمل ايه دلوقتي

اّم اّيلي روح منطقه التجنيد

اولتلو هي فين دي الي روح القسم أسئل

ألت ماشي

فابشوف البيانات لأيت نفسي اخو والدتي واخويا يبأه أبويا

وأخواتي البنات مش موجودين

والاكتر من كده لأيت نفسي مواليد 83مع اني مواليد88

ولو كنت سمعت كلام الموظف ورحت القسم

كان زماني روحت الجيش

ومعايا الورق والاثباتات كلهاان انا متأخر أو هاربان من الجيش

كان زماني خادت علئه

يأست واولت مش رايح ولا حربيه ولا عامل بطاقه

وأديت ورقي كله لواحد أعرفه في السجل

واولتله اعمل الي تعمله انا يأست خلاص

جالي بعدها بشهر وجايبلي البطاقه وشهاده الميلاد

وانا ايه ماولكش فرحت اوي

وبعدين بدقق في البطاقه والشهاده

لائيت دي بتاريخ ودي بتاريخ تاني خالص

بس كده

علي فكره انا عندي 3 شهادات ميلاد كل واحده بتاريخ مختلف

والبطاقه بتاريخ رابع مختلف

انا مش عايش اساسا

انا اّسف ان انا طولت عليكو

{.... توقيع زائر ....}

**{..زائر..}** زائر

يعنى انتا قدنا واكبر مننا واصغر فى نفس الوقتى

احسن برده

احسن شئ انك تماشى جميع الاعمار

وشكرا للتوبك الهايل اليموت من الضحك ده

{.... توقيع زائر ....}

**{..زائر..}** زائر

شكرا يا فسفوسه علي الرد الجميل ده

{.... توقيع زائر ....}

**{..زائر..}** زائر

هاحكيلكوا موقف تاني

مره كنت في جمصاومعايا ناس اصحابي

فافيوم كنت سهران انا وواحد صاحبي وكنت تعبان وعايز انام

صاحبي اعد يقنعني العب معاه ضومنه وانا اّؤله مش فليق

لحد موافقت

صاحبي اعد طول العب يدحك وانا مدايق واولو يا عم ماتشتغلنيش

المهم في الاّخر انا كسبت

فصاحبي بأه يدحك ويزعأ في نفس الوقت

بأولو في ايه مالك يدحك برده ويئولي لازم نعيد العشره دي

ياتري صاحبي كان بيدحك علي ايه؟؟؟؟؟؟؟

في الاخر اّلي انا كنت بدحك علشان كنت اّعد اسرئك طول العشره

وانت ازاي تكسب

شوفتو بأه ايه نهايه الغش

اولتلو والله العظيم انا ماكنتش عارف انا باعمل ايه

يارب ماكونش دايئتكم

والسلام عليكم ورحمه الله وبركاته

{.... توقيع زائر ....}

سجل فى : 19/01/2007

ههههههههههههههههههههههههههههههههه مواقف جاااااااااااااااامد ااوى اوى

{.... توقيع ELzekred ....}

سجل فى : 27/04/2007

بجد مواقف جميله موووووووووووووت

وتموت من الضحك

اما انا بقه :

حصلي موقف كنت صغير يعني كان عندي حوالي 14 سنه كده

وبعدين كانت الكهرابء قاطعه في البيت وكنا العشاء كده وكانت قاطعه في المنطقه كلها وبعدين كنا قاعدين كلنا ما عدا ابويا وكان معايا عيله عمي وهو كمان مش موجود معانا وبعدين فجاه لقينا واحد طالع علينا ولابس عبايا سوده قلنا عادي موقف وخلاص خضه يعني وفجاه قلع العبايه وكان لابي تحتها بدله عفريته بتاعت الميكانيكا ووش وحش اوي كله صوت وانا كنت هاموت والله واخويا اللي اكبر مني بيلعب كاراتيه نزل فوقه ضرب وطلع في الاخر ابويا

جبد موقف عمري ما هانساه

وانا اسف علي التطويل

{.... توقيع †Fâ7†ôôôôô ....}

سجل فى : 05/05/2007

احكيلكم انا علي موقف واجهني

انا كنت في راس البر مع ناس اصحابي

وانتوا عارفين طبعا راس البر واعداتها :afro:

المهم يعني ان احنا كنا ساكنين في الدور التالت

وطبعا البيوت شبه بعض

ونزلت انا اجيب شيكولاته وحاجه ساقعه عشان كده يعني

المهم بدل ما اطلع الدور التالت

دخلت علي الدور التاني لان الباب كان مفتوح

تخيلوا بقي المنظر وانا اعد علي السرير مستكنيس واعد اكل في ماندولين وحاطط رجل علي رجل

الاقي واحد دخل عليا يقولي انت مين؟؟

وليه وليه بقي قالي كده

هه يقنعني ان الشقه بتاعته

وانا اقنعه ان الشقه بتاعتي

فين وفين لما الراجل فهم اللي فيها

ووصلني مشكورا لحد باب شقتنا drunken

{.... توقيع عبقرينو ....}

**{..زائر..}** زائر

ههههههههههههههههه

وايه الكان فيها

ممكن توضح

بصراحه مش بحب الالغاز

{.... توقيع زائر ....}

سجل فى : 05/05/2007

ايه اللي كان في ايه بالظبط يا فسفوستي

عشان مش واخد بالي

هههههههههههههههه

{.... توقيع عبقرينو ....}

**{..زائر..}** زائر

فين وفين لما الراجل فهم اللي فيها

ايه الراجل فهمه

الكان فيها يعنى

عاوز اعرف والنبى

{.... توقيع زائر ....}

سجل فى : 05/05/2007

عرف ان انا كنت غلطان في الشقه

يا خفيف

{.... توقيع عبقرينو ....}

**{..زائر..}** زائر

اها

انا قولت كده برده

هههههههههههه

{.... توقيع زائر ....}

سجل فى : 04/08/2007

انا بقه كنت مره نايمه وجمبى تليفون البيت المهم كنت بحلم انى بتخانق مع واحد فى التليفون المهم سبحان الله فى نفس الوقت ده التليفون رن بجد قمت رديت وطبعا انا كنت نايمه المهم رفعت السماعه وقعدت ازعق واتخانق وقفلت السكه فى وشش اللى متصل على اعتقادى انى بحلم المهم التليفون رن تانى فصحيت ورديت لاقيته خطيبى بيقولى انتى اتهبلتى يا حبيبتى وفضلنا نضحك طول اليوم على الموقف ده ولسه ماسكهالى زله

يارب مكنش طولت عليكم
scratch

{.... توقيع snow white ....}

سجل فى : 05/05/2007

ههههههههههههههههههههههههههههههههههههههههههههههههههههههههههههههههههههههههههههه

NO COMMENT

{.... توقيع عبقرينو ....}

سجل فى : 06/05/2007

انا كنت انا واثنين اصحابى فى اسكندرية وحصل لينا شوية مواقف جامدة جامدة
كفاية عليا كدة
ياريت تكمل انت يافسفوسة علشان انا مش قا در من الضحك
ههههههههههههههههههههههههههههههههههههههه

{.... توقيع سعد مكرونة ....}

سجل فى : 16/04/2007

جه الدور عليا بقى ممكن احكى

مرة وانا صغير اما كنت في السعودية وانا عندي تقريبا 8 سنين وانا تقريبا في تانية ابتدائي كنت بصلى في الجامع المهم انا مش بحب حد يلزق رجله في رجلى المهم بقى وانا واقف كل ما يلزق رجله في رجلى ابعد رجلى لحد ما وقفت تقريبا انتباه يعنى رجلى بقوا لازقين في بعض

فأنا اتديقت وقمت طالع من الصلاة واستنيتوا لحد ما يسجد وقمت متديله حتة شلووووووووووووووووووووووووووووووووت ما يحلم بيه

وطلعت جريت ومروحتش الجامع ده تانى

واسف لو كنت طولت

{.... توقيع abd0o0o0o ....}

سجل فى : 03/09/2007

اولا انت وقفت انتباة مش صفا يبتاع تربية رياضية ثانيا الموقف لطيف بس بلاش تكررة تانى كخ

{.... توقيع elflestiny ....}

**{..زائر..}** زائر

ههههههههههههههههههههههههههههههههههههه

{.... توقيع زائر ....}

سجل فى : 16/04/2007

معلش اعذرني يا فلسطينى انا كنت عيل ساعتها

8سنين بس

{.... توقيع abd0o0o0o ....}