قصة مشرف راح يخطب !!!

سجل فى : 25/10/2009

كان المشرف مرتبط بموعد مع العروس وأهلها ليتقدم إليها
ولكنه لم يشأ إغلاق المنتدى لمدة ساعة
هى مدة اللقاء مع الأهل فأخذ اللابتوب معه
وشحنه على آخره وتابع الردود على الأعضاء فى صفحة الشكاوى
وهو فى طريقة للمنزل راكبا التا**ى بمجرد وصوله إلى العروس سأل عن أقرب فيشة كهرباء
لأن الشحن شارف على الإنتهاء
والد العروس: أهلا يابنى ... ....إزيك !!
المشرف(وهو مشغول بلوحة مفاتيح اللابتوب): أهلا بيك يا عمى ..... أنا يشرفنى إنى أطلب إيد بنتك مها .....موافق ولا لأ؟!!!!
تبادل كلا من والد العروس ووالدتها وأخيها نظرات الدهشة
والد العروس(مستغربا): حضرتك بتكلمنى ولا بتكلم حد على الإنترنت
المشرف(مازال منشغلا بلوحة المفاتيح): لا يا عمى أنا بكلمك إنت هو معقولة أتكلم مع حد غيرك وأنا قدام حضرتك!!!
والدة العروس: طب يابنى طالما بتكلمنا بص علينا طيب
المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا بـ بقى؟!!!!
إقترب الولد الصغير(8سنوات) من العريس مبهورا بالابتوب(الجهاز المحمول) وهو يقول الصبى: عمو .....هو الجهاز دة فيه ألعاب كتير زى الأتارى الى عندى؟!!
العريس(مازال منشغلا بجهازه): أيوة يا حبيبى وأحلى من الى عندك كمان
الصبى: طيب ممكن ألعب شوية .. ...عشان خاطرى يا عمو
(هنا فقط رفع العريس عينه من على جهازه لأول مرة وتوقف عن الكتابة وهو يوشوش فى أذن الصبى)
العريس: لو خليت أبوك يوافق عليا هلعبك كتير قوى
طار الصبى فرحا وهو يقول بابا بابا أنا موافق إن عمو يتجوز أختى الكبيرة !!!!!!
ثم إلتفت إلى العريس وهو يقول ألف مبروك يا عمو!
الوالد(صارخا): أمشى ياد خش ذاكر . .... مبقاش إلا إنت يا أبو ريالة الى هتوافق ومتوافقشى
(مشى الولد باكيا ولم يهتم به العريس وقد عاد إلى جهازه منشغلا)
الوالد: إنت يا حبيبى إنت كمان .....إنت إيه حكايتك ؟
العريس: حكاية إيه يا عمى .....أنا معنديش حكايات إنت عندك؟!!!
الوالد(بضجر): إنت جاى تهزر
(لم يعره العريس أى إهتمام وقد ظهر مشغولا بموضوع ما على جهازه)
فإقتربت الأم من الوالد وتكلمت هامستا
الأم: إلا قولى يا حاج .....هو الجدع دة بيعمل إيه على البتاع الى معاه دة .... .وإزاى بيكلمنا وهو بيحرك إديه الإثنين على الزراير دى كلها؟
الوالد: والله معرفشى يا تفيدة..... يظهر والله أعلم إنه بيكتب الكلام الى بيقوله لنا فيطلع من بقه!!!!!!!
الأم: يا ندامتى !!!..... معقولة دى يا حاج ؟!!
الأب:طبعا يا تفيدة معقولة ماهو إحنا فى عصر التكنولوبيا!!! إنتى مش شفتى إزاى كان ملهوف على أى فيشة كهربا أول ما جيه لأن الشحن بتاع الكلام بتاعه كان هيخلص!
الأم: يا خويا الى يعيش ياما يشوف!!! على كدة يا حاج لو النور قطع هيبقى أخرس؟!!!!
الأم: طب يا خويا لازم لو وافقت عليه نشترى للبت كرتونة حجارة عشان تبقى عاملة حسابها فى أى وقت!!!
الأب(صارخا): هو أنا معقولة أوافق على الآلة دى .....ليه من قلة الرجالة يعنى
العريس: حضرتك بتكلمنى يا عمى الأب: لأ يا حبيبى أنا بكلم تفيدة
العريس: تفيدة مين ؟
(دخلت العروسة فى هذه اللحظة م**وفة وهى تنظر إلى الأرض وبيدها أكواب العصير
ولكنها لم تلاحظ فيشة الكهرباء فإنقلبت على وجهها أرضا
وإنفصلت الفيشة )
العريس(صارخا): إيه الى هببتيه دة .....إنتى إزاى تفصلى الجهاز!!
الأم(بصوت خافت): يا حلاوة .....أهو بيتكلم من غير كهربا أهو يا حاج
الأب(بصوت خافت): ماهو كان شحن على الآخر يا تفيدة .....افهمى بقى
ثم إلتفت إلى العريس قائلا
الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!!
دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها
العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!
الأب: دة جيل إيه دة.....هو جاى لينا منين دة!
العروسة: من النت يا بابا.....من النت
الأم: الله يقطع النت والى شغالين فى النت ! يا رب تيجى عاصفة تسومانى على النت والى فيه!!!!!
الأب:ممكن بقى يابنى تقفل المخروب دة وتكلمنا شوية
العريس: خلاص يا عمى المساعد بتاعى جه بدالى دلوقتى
إلتفت الجميع حولهم يبحثون عن ذلك المساعد
فضحك الموديراتور
العريس (ضاحكا): لأ يا جماعة أنا اقصد إن المساعد بتاعى أخذ مكانى فى الشغل دلوقتى يعنى أنا دلوقتى جاهز لأى إستفسار لمدة ربع ساعة
الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة مش كنت تحدد معاد تكون فاضى فيه
العريس: يا عمى خير البر عاجله
الأب: طيب..... إحنا لسة متعرفناش بإسمك ولا شغلتك ولا سنك ولا شهادتك ولا أى حاجة خالص!
العريس: أنا اسمى موديراتور ...دة الإسم المستعار!
قامت الأم تحوم حول العريس وتنظر إلى يديه تبحث عن شىء ما ثم مسكت يده فجأةوهى تقول ممكن تشمر إيدك يا عريس الهنا
العريس(وهو يشمر): ليه ي***جة إنتى هطعمينى!!!
أنا إطعمت قبل ما آجى عندكوا
‍‍‍‍‍ الأب:ليه قالولك إننا عندنا كوليرا !!!
العريس: لأ يا عمى أصل أنا قاعد ليل نهار فى غرفتى المكيفة الصحية فلما بروح أى داهية تانية لازم أطعّم
الأب(بصوت منخفض): داهية لما تخدك يا شيخ!!!
صرخت الأم( وهى تمسك بيده اليمين وترفعها عاليا): ايه موديراتور ده؟!! إنت يهودى؟‍‍‍‍‍‍‍‍‍!!!!
ضحكت العروسة وهى تقول: لا يا ماما دة النيك نيم بتاعه
الأم: ال إيه يا ضنايا؟‍‍! العريس: خلاص يا جماعة .....
أنا إسمى سعيد وعندى 25 سنة يعنى تأبيدة‍‍‍!!!
معايا شهادات كتيرة لو قلتها لكم كلها يبقى هنقعد يومين فبلاش أحسن وشغلتى مشرف عام على منتدى الفقر حشمة
نظر الأب إلى المشرف وملابسه البسيطة غير المتناسقة وهو يقول سيماهم على وجوههم‍‍‍‍!!!
‍‍‍‍ العروسة(مبتسمة): بجد إنت المشرف بتاع الفقر حشمة ..... ده أنا مشتركة فيه من 5 شهور
العريس: ما شاء الله....بس إنتى مش ملتزمة بقوانين المنتدى ولابسة كويس وعايشة فى عيشة آخر أبهة
العروسة: أنا عملت كدة عشان عارفة إن فيه عريس جاى يخطبنى
الأب: إنت يابنى عاوزها تلبس إيه .....هدوم مقطعة
العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍!
الأب: ومين قالك إنى وافقت عليك أصلا
العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى مش كدة برضه يا موديراتور
العريس: طبعا وهعينك معانا من المشرفين على قسم لوحدك
العروسة(بسعادة): بجد..... هتعينى مشرفة على قسم لوحدى
العريس: طبعا وهديكى أسهل وأحسن قسم فى المنتدى
العروسة(فرحانة): هييييه .....هتدينى قسم إيه ؟
العريس: الشكاوى!!!
العروسة (صارخة) : لا أرجوك .....كله إلا الشكاوى هز العريس كتفيه وهو يقول خلاص نفتح قسم للوفيات وأعينك مشرفة
عليه الأب: يا ترى خلصتوا ولا لسة
نظر العريس فى ساعته وهو
يقول: أنا فعلا وقتى قرب ينتهى لأن المساعد بتاعى عنده ميعاد مهم ولازم أدخل مكانه
الأب: أنا مش موافق على الجوازة دى
العروسة: ليه يا بابا دة انا.....
قاطعها الأب صارخا : اخرسى يا بت إنتى وروحى ذاكرى لأخوكى
خرجت العروسة باكية غاضبة
بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى ..... لكن طول ما إنت فى الفقر حشمة دة مالكشى عرايس عندى فاهمنى
العريس: خلاص يا عمى براحتك .....بس إذا كان منتدى الفقر حشمة هو الى مزعلك أنا ممكن أسيبه
الأب(فرحا): بجد يابنى .....طيب سيبه هو فعلا الى مزعلنى لو سيبته أنا هسيبلك بنتى بدون أى كلام
شكره العريس
ثم جاء إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه اللاجــئـيـن >>>>
سقط الأب على الأرض ميتا
وصرخت الأم
وبكت العروسة وأخيها الصغير
بينما جلس العريس فى غرفة الصالون يتابع منتداه الجديد

ههههههههههههه

{.... توقيع âďâм ....}

سجل فى : 07/07/2008

هههههههههههههههههههههههههههه
نايس توبيك

{.... توقيع fasfosa ....}

سجل فى : 10/12/2008

ههههههههههههههههههههههههههههههههههههههههههههههههههههه

هههههههههههههههههههههههههه

والله الى يعيش ياما هيشوف

{.... توقيع عروس النيل ....}

سجل فى : 18/03/2009

هههههههههههههههههه
هههههههههههههههههه
هههههههههههههههههه

يا لهـــــــــــــــــــــــــوى

لا يا عم انا عمرى ما هبقى كده
يا خـــــــــــــــــــراشىىى

جاااااااااامد
يا

life

ويكااااااا

{.... توقيع wiiiiika007 ....}

سجل فى : 25/10/2009

شكرا لمروركم الغالى نورتو الموضوع قصة مشرف راح يخطب !!! 828182

{.... توقيع âďâм ....}

سجل فى : 04/07/2009

وادى اخرت الاشراف واللى يجلنا منه

نيس توبيك
تقبل مرورى

{.... توقيع lavandula ....}

سجل فى : 25/10/2009

شكرا لمرورك الغالى نورتى التوبيك قصة مشرف راح يخطب !!! 567107

{.... توقيع âďâм ....}

سجل فى : 17/02/2008

العريس(صارخا): إيه الى هببتيه دة .....إنتى إزاى تفصلى الجهاز!!
الأم(بصوت خافت): يا حلاوة .....أهو بيتكلم من غير كهربا أهو يا حاج
الأب(بصوت خافت): ماهو كان شحن على الآخر يا تفيدة .....افهمى بقى
ثم إلتفت إلى العريس قائلا

ههههههههههههههههههه

جامد يا مان تسلم الايادى

{.... توقيع RAMBO ....}

سجل فى : 25/10/2009

شكرا لمرورك الغالى نورت الموضوع قصة مشرف راح يخطب !!! 828182

{.... توقيع âďâм ....}

سجل فى : 11/02/2010

وانا اقول ليه المشرفين دماغهم بتيقي مفوته

{.... توقيع stay live ....}

سجل فى : 15/11/2009

ههههههههههههههههه

متغلطش فى المشرفين ياد لكيكوك

{.... توقيع tornaido ....}

سجل فى : 18/12/2009

هههههههههههههههههههههههههههههههههههههههه

ناااااااااايس توبيك

{.... توقيع ساحرة البشر ....}

سجل فى : 11/02/2010

انت بتقووووووووووووووووووووول ايه

{.... توقيع stay live ....}

سجل فى : 25/10/2009

ثانكس ياجماعه منورين التوبيك

{.... توقيع âďâм ....}

سجل فى : 25/08/2009

حاسب على نفسك لتكون زيه
هههههههههههههه

{.... توقيع knoz knooz ....}

سجل فى : 25/10/2009

ههههههههه متخافيش

فى امان

{.... توقيع âďâм ....}

سجل فى : 12/03/2010

اشطه يا ادم جااااااااااااااااااااااامده

جداااااااااااااااااااااااا

{.... توقيع MaRmOrA ....}

سجل فى : 19/04/2010

تمااااااااااااااااااااااااااااااااااام يا معلم
نااااااااااااااااايس

{.... توقيع الجوكر ....}

سجل فى : 25/10/2009

تسلميلى لمرورك مرموره نورتينى

{.... توقيع âďâм ....}

سجل فى : 24/05/2010

هههههههههههههههههههههههههههههههههه
حلوة جدا

{.... توقيع so2so2 ....}

سجل فى : 25/10/2009

منور جوكر

{.... توقيع âďâм ....}