ايه رأيك فى الغياب فى الكليه وعمليه الحضور

سجل فى : 24/11/2008

من فضلك لو سمحت المحاضرة دى انا اتحضرت ولاغايب؟ من فضلك كتبت اسمى فى الغياب؟ ياترى الدكتور خد الغياب فى المحاضرة اللى انا ما حضرتهاش اكيد خده ؟! كل ده ليه!!! وفقد النسبه ليه!!!! ليه يبقى بقا غرض الطالب فى المحاضرة الغياب!!!! ليه وصلنا لمرحلة ان انا بحضر عشان الغياب!!!! ليه نحضر المحاضرة ساعتين منهم ساعة ونصف غياب!!!! ليه كل دكتور يعامل الطلب معامله وحشه ويهينه ويهدده بفقد النسبه وبالغياب !!!! ليه كل ده بيحص !!!!!!!!!!!!!! كل ده ردود وافعال وارده من الطلابه يا ريت نحضر محاضرة نحس فيها ان احنا طلابه جامعة مفيش تحكمات ولا اهانات زى اى كليه وبلاش اى كليه زى اقل كليه لان مفيش معامله بالطريقه دى خالص
ياريت كل واحد قرأ الموضوع يقول رأيه سواء فى اللى انا بقوله او فى اللى هو شايفه

{.... توقيع mahmoudkhalel ....}

سجل فى : 19/01/2007

هو انا معاك فعلا ان بجد ان احنا بنحضر عشان الغياب وفقد النسبه مش عشان الاستفاده وده الاحنا وصلناله واناواحد من الناسسسسس بحضر عشان الغيااب

{.... توقيع ELzekred ....}

سجل فى : 26/02/2008

وانا كمان بصراحه بحضر بس علشان الغياب

{.... توقيع RaFaeL NaDaL ....}

سجل فى : 06/08/2008

لى سؤال لصاحب الموضوع ؟
اية المعاملة المهينة الى انته بتقول عندنا فى الكلية ؟
انته طالب ليك قيمة عظيمة ولازم تحترم ولك حقوق لازم تاخدها !!
بس قل لى امته تاخذ حقوقك ؟
وبالتالى عليك واجبات لازم تأديها على اكمل وجه
بس برده قل لى انته عارف واجباتك الى عليها تقدر تتكلم فى حقوقك ؟
ومع ذلك انته فى الكلية بتاخد حقوقك كاملة
وياريت تجيب لى مثال على ادنى كلية الى بتتكلم عنها
حوده ؛ ياريت تعد مع نفسك وتفكر ؛ هل بتؤدى واجباتك كطالب ؟؟؟؟؟؟؟؟؟؟؟؟؟؟؟؟
وبعد ما تجاوب على السؤال قلى انته وصلت لاية
ويا ريت تقابلى فى الكلية ولية اعده معاك
شكرا حوده
اخوك
مجهــــــــــ ــــــــــــول

{.... توقيع شخص مجهول ....}

سجل فى : 24/11/2008

اولاً انا بشكرك على مداخلتك معى ومشاركتك فى الموضوع ورأيك اللى انا لازم احترمه حتى لو كان ما يتنسبش معايا

ثانياً اوضحلك امثله لمعيدين فى الكليه بيتفننوا ان هم يهينوا الطالب

معيدأً مثلاً ينديلك بترد على الندا وتروحله مثلاً عشان عايزك ايه رأيك ان هو ممكن يرجعك تانى مكانك ويقولك تعالى بالجرى روح بالجرى وتعالى تانى بالجرى عشان يحاول يهينك ادام الطلابه لاى سبب

مثلاً ان معيد لو شافك بتضحك فى المدرج او شافك بصيت جنبك او لقدر الله اتكلمة مع زميلك فى حاجة حتى لو كانت فى المنهج ينديلك
ويغيبك وممكن كمان ياخد كارنيهك وما تخدهوش اللى بوسطى زى ما بنقول عشان ايه يعنى!!! بقا معيد ومشرط معيد ممكن دكتور ومش الكل البعض فيه ناس محترمه ونشهد بهم فى الكليه

مثلاً معيد وليس دكتور يدخل يقولك ما تفكرش ان انت صايع لا دا انا اصيع منك كل اللى انت ممكن تعمله انا عملته قبل كده فمش هتصيع عليا لا دا انا ممكن اعمل فيك واسوى فيك وكلام كتير ملهوش لازمه عشان دخل مثلاً والمدرج فيه ناس بتتكلم على ايه يعنى لا ويقول كمان ان انا هسقطك وهغيبك وافقدك نسبه عشان ايه ؟ ربنا اداله حاجة فيهين الناس عشانها !!! ولعلمك ما يقدرش يعمل حاجة فى واحد ابوه دكتور فى الكليه او حتى له حد قريبه. بس انا عندى تشبيه له ان انا دايماً بقول على اللى بيعمل كده ان هو عنده احساس بالنقص بيحس ان فيه حاجة نقصاه فبيحاول يطلها فينا

معيد يقول فى المدرج لو فيه راجل ودكر وعامل نفسه شخصيه يتكلم اصل كلكم شويه حريم زى البنات مفكمش دكر وليه يقول كلام زى ده الكلام اللى زى ده بيدخل فى نفسيه الواحد بيبقى عايز يقوم يقطعه بس هيعمل ايه بس لو اتكلم اقل ما فيها هيفقده نسبه واظن انت فاهم قصدى اما واحد يقولك كلام زى ده هتعمل ايه لو بره وما علهوش سيطره عليا بفقد نسبه او غيره والله لمشى اغنى فى ودنه ولا يقدر يعمل حاجه!!! ممكن يسيطر على الموضوع بشكل غير الاهانات دى خالص ولو هو محترم ممكن من غير اى حاجة الكل يسكت على طول

فقولى ايه رأيك فى معظم الاهانات من المعيدين للطلابه انت ترضى بكده والكلام ده حصل والحمد لله انا مش بحب اكذب
فقولى بقا فين الطالب اللى له احترامه وتقديره الكلام ده ما تلقهوش فى معظم الاوقات عندنا واكيد انت عارف ان المعامله عندنا زى الميرى يعنى زى الجيش

رابع شئ ان انا مش بنكر ان الكليه ما بتعطنش حقوقى فى المحاضرات لا بالعكس ده موضوع تانى خالص انا بتكلم فى نقطه الاهانه والغياب

خامس شئ انا مفيش كليه زى التربيه والحقوق والاداب والتجاره
دكتور يقف يا خد الغياب ومع ذلك تلاقى المدرجات فيها طلابه كتير جداً جين يتعلموا مش عشان يحضروا فى الغياب

وفى النهايه انا بشكرك على رأيك وصدقنى من ناحية الواجبات ان الحمد لله بأديها وبتمنى ان هى تكون على اجمل وجه والا ما كنتش نجحت وجبت تقديرا بس الواحد والله بيزعل من اللى بيشوفه بس !! زى ما قلتلك ان الواحد ما يقدرش يتكلم بس اكيد هيجى يوم ونتكلم كلنا مع بعض وابقى شوف ردود هتلاقى المعظم بيحضر عشان الغياب

وشكراً وهيجى يوم ان شاء الله وهقابلك فى الكليه بس ياريت ما تطلعش من اعضاء هيئة التدريس

{.... توقيع mahmoudkhalel ....}

سجل فى : 16/04/2007

اولا :

احنا بنحضر عشان الغياب وفقد النسبه مش عشان الاستفاده وده الاحنا وصلناله

دي مرحلة خطيرة جداجدا عشان طالب الجامعة يحضر المحاضرة عشان الغياب مش عشان هوة جي الجامعة عشان يتعلم

مش جي الجامعة مثلا عشان يعد عند الكنتين ياكل سندوتشات
مش جاي الجامعة مثلا عشان يعد مع البنات في الجناين
مش جاي الجامعة يلعب كورة ويتسلي

انت عارف اية المشكلة ان كل واحد في الجامعة مش عارف اية هوة دورة وكل واحد بيعلق مشكلتة علي شماعة غيرة

انا بس عايزك تركز كدة معايا ونفكر سوي

نمسك كدة الاول الكلية

الكلية اتعملت عشان تعد الكوادر في المجال الرياضي من خلال تعليم الطلاب يعني اية رياضة ودة بيتم عن طريق المحاضرات

والكلية عشان عرفة ان الناس الجاية مش عيزة تتعلم فعملت نظام النسبة عشان سيدتك تيجي المحاضرة وتتعلم

والكلية كلية نظامية في المقام الاول يعني متبصش لبتوع التجارة والحقوق دول ناس مش عيزة حد يتعلم

ثاني الطالب

المطلوب انة يحضر المحاضرات عشان يتعلم حاجة تنفعة بعد التخرج

مش يحضر المحضرة عشان يتكلم مع زميلة ويسالة في حاجة خاصة بالمنهج لان لو عايز تسال حاجة في المنهج اسال الدكتور

والطالب الملتزم ومبيعملش حاجة غلط لا يمكن حد يقرب منة خالص

ثالثا المعيد او الدكتور

هوة مسؤل عن تفسير المادة العلمية الخاصة بسيتك

اما المكتوب عن الامثلة زي

معيدأً مثلاً ينديلك بترد على الندا وتروحله مثلاً عشان عايزك

من المعرف ان المعيد لما يندهلك تروح بالجري ودة ياخي من الادب والاحترام لاكن دلوقتي تلاقي كالتالي
يندة المعيد علي الطالب يروح وهة بيشوح ومش عجبة اي حاجة في الدنيا وفكرة ان الدكتور لما يندة علية كانة بيهينة

مثلاً ان معيد لو شافك بتضحك فى المدرج او شافك بصيت جنبك او لقدر الله اتكلمة مع زميلك فى حاجة حتى لو كانت فى المنهج

طيب انا عايز اعرف انت داخل المدرج تضحك وتهزر وتتكلم مع زميلك مع العلم لو كل واحد بس قال كلمة شوف المدرج بيبق عامل ازاي والمدرج دة محراب للعلم

مثلاً معيد وليس دكتور يدخل يقولك ما تفكرش ان انت صايع لا دا انا اصيع منك

انا بردة عايز اعرف معيد ولي دكتور اية المشكلة او اية الفرق مين البيقوم باعمال المحاضرة مش هوة المعيد
المهم هوة التصرف دة مش صح لاكن كتير بيعمل كدة من كتر الضغوط علية من الطلاب الغير ملتزمين

ولعلمك ما يقدرش يعمل حاجة فى واحد ابوه دكتور فى الكليه او حتى له حد قريبه.

مين القال ليك كدة علي فكرة موضوع اولاد الدكترة دة مش صحيح لان مش كل الناس بتخدم بعض

بص متحكمش علي الناس كلهم انهم وحشين وبيهينوا الطالب لان معندناش حد بيهين الطالب
ولو في حد بيعمل كدة يبق قلة صغيرة جدا
وانا اعتقد ان الكلام دة مش موجود

{.... توقيع dr_sport ....}

سجل فى : 06/08/2008

بص يا حوده
انا فى مشاركتى الى فوق قلتلك قابلنى فى الكلية اما اقنعك او تقنعنى
الحوار هنا بياخد شكل سلبى
وياريت كفاية كلام فى الموضوع ده هنا
وانا تحت امرك
شكرا ليك
اخوك
مجهــــــــــــــــ ــــــــــول

{.... توقيع شخص مجهول ....}

سجل فى : 31/10/2008

^
^
^
^
^
^
^
^
^
^
^
^
^^
^
^
^
ٍ^
ٍ^
^
^
^
^

{.... توقيع جيرسي ....}

سجل فى : 31/10/2008

علي فكره مفيش حد بيتعامل المعامله الوحشه دي غير طلية تربية رياضية

ومادام الدكتور ميعرفنيش بيعاملني وحش ولو بيعرفني بتبقي لي الاولوية

انا واحده من الناس اللي بتحضر علشان الغياب مش اكتر لان كدا او كدا سنه اولي بالذات

اللي بيدخل عملي معاهم تقريبا معيدين و المعيدين دول بيعاملونا وحش مع انهم كانوا طلبه والمفروض يفهموا ان اول سنه دي

بتبقي سنه توهان لسنه اولي يعني لسه خارجين من مرحله لمرحله تانيه مختلفه 180 درجه

وفي حاجه كمان اننا في معظم ايام العملي اللي بيدرسلنا طلبة تخصص دا بيحصل فين غير في تربية رياضية

والمعيد اللي نازل معانا قاعد يلعب في الموبايل

مع احترامي للجميــــــــــــــع

{.... توقيع جيرسي ....}

سجل فى : 16/11/2008

على فكرة ياجيرسى انت عندك حق فى اللى انتى بتقوليه وان كمان بحضر علشان الغياب بس مش فى كل المحاضرات فى محاضرات انا بحبها وبحب احضرها يعنى مثلا لو طالبه غلطت يورح الدكتور معاقب الكل طيب واحنا مالنا طلاما احنا ملتزمين المفروض انه يعاقبها هى بس لان هى اللى غلطانه وانا بكره مقولة الحسنة تخص والسيئه تعم لان بتكون فى ناس كويسة وبتتظلم طبعا مع احترامى للكل

{.... توقيع manchy ....}

سجل فى : 04/08/2008

براحة شوية يا بنااااااااااااااااااااااااااااات

انتم علشان فى اولى بتدخلوا خايفين وبعد 3 اسابيع بيقولكم اللى غاب 3 محاضرات مش هيدخل
الكلام ده غلط الغياب مش بيتاخد الا بعد التشعيب
وبعدين لو المادة فيها 9 محاضرات حضرتى 4 او 5 هتنجحى وعادى جدا

وانا كمان معاكوا بحضر علشااااااااااااااااااااااااااان اخد الغياب

بس براحه شوية علشان الكلامد ده كبير واوعى يكون الاخير

ايه رأيك فى الغياب فى الكليه وعمليه الحضور Au9

{.... توقيع triple_h ....}

سجل فى : 31/10/2008

ما هو دا اللي بيحصل علشاااااااااااان الغياب

انا اكتر معيد احترمته مع احترامي للجميع كلهم علي دماغنا طبعا

كان معيد في الهوكي اسمه الدكتور عبد الرحمن تقريبا وخساره انه مجاش وادانا غير محاضرتين بس

{.... توقيع جيرسي ....}

سجل فى : 30/10/2008

فينك يا جيرى واحشانى والله جيرسى انت عندك محاضره هوكى يوم الاحد

{.... توقيع همسه؟ ....}

سجل فى : 06/08/2008

هو خير اللهم اجعلة خير
انا حاسس ان فى خير
واخد بالك يا ترابيل

{.... توقيع شخص مجهول ....}

سجل فى : 24/11/2008

انا مش عارف ليه اللى بيقول ان مفيش اهانه من المعيدين والطلابه بتحضر عشان فقد النسبه فى الكليه مش مقتنع ليه دا هو كان طالب فى يوم واكيد حس بكده ولو ما حسش يبقى فيه حاجه غلط فيه لان انا ما كلمتش طالب فى الكليه وشكرلى ابداً فى المعيدين من المعامله وان هو بيحضر عشان يستفيد اه موجود اللى بيستفيد بس غرضه فى الاخر الغياب وخصوصاً فى كليتنا وانا متأكد ان ده شعور كل طالب زى جيرسى ولو مش مصدق يسأل اى طالب وانا معاك وشوف او شوف الردرد

ثانى شئ بتحلل شتايم المعيد بان هو مش عارف يسيطر على المحاضرة يسيطر عليها من وجهة نظرك بالشتايم والاهانات ده فكرك يعنى طب ازاى ههههههههههه ولو غلط ييعمله ليه وبعدين انا بقول ليس دكتور مش عشان اعمال المحاضرة والكلام ده مش عشان كده عشان مفيش دكتور بيقول الفاظ زى دى ولو دكتور عملها ممكن يتعدوا على الصوابع

ثالث شئ الطلابه اللى بتشتكى من النسبه جايه عشان تقعد جنب الكانتين وتمشى مع بنات ده اللى انت شايفه ما مشتش فى الكليه قبل كده خالص وشفت الطلابه بتحضر!!! عشان اعرفك ان اللى بيحضروا كمان هم اللى بيشتكوا من النسبه مش اللى قاعدين بره

رابع شئ انت عايزنى اقعد محاضرة ساعتين اتخرص فيهم عشان المعيد يبقى مبصوط فى محاضرة!!!!وكما المحاضره ما تستهلش بس هو عايز يتكلم فيها عن نفسه وانجازاته وده حقيقى وبيحصل وحصل معانا بس الواحد بيحضرها عشان الغياب

خامس شئ انت شايف دلوقتى ان الطالب عشان يبقى مأدب يروح للمعيد بالجرى يا سلام ولو راحله بالمشى يبقى قليل الاداب ايه ده وبعدين مين اللى قال ان الطالب بيروح بيشوح بايده فين ده ليه انا مش بنحضر!!!!!!! ياسلام

سادس شئ لو النسبه اتشالش انت شايف ان مفيش حد هيتعلم هههههههه !!! ولا هيروح الكليه!!! طب مثلاً بقيت الطلابه من الكليات التانية بيحضروا ليه ترفيه ولا تغير جو مع انهم بيلتزموا كمان بالمحاضرات مش زينا رايحين الكليه عشان ايه عشان الغياب مش عشان نتعلم ولعلمك فيه محاضرات والله بتبقى زياده والواحد بيحاول بقدر الامكان ان هو يلتزم بها مع انها مفهاش غياب بس بيبق فيها احترام من الدكتور لان شايف طلابه ادامه حاضره عشان تستفيد مش عشان الغياب

وفى الاخر انت شايف ان بتوع التجاره مش عايزين حد يتعلم هههههههه امال عاملين الكليه ليه والطلابه بتحضر وتمتحن وتنجح ازاى وفيهم بيسقط ويشيل ازاى و بيخرجوا ناس وكتير منهم بيشتغل بالتجارة

هو اظاهر ان حضرتك يا مجربتش يا مشفتش ولو ما كنتش شفت فسأل أى طالب او شوف الردود

انا بس عايز اتكلم فى نقطه ان احنا ازاى نقدر نغير ونعدل الظاهره دى مش ننكرها عشان لو انكرناها فده اكبر غلط ومنتظر ردودكم وشكراً

{.... توقيع mahmoudkhalel ....}

سجل فى : 24/11/2008

ياريت من فضلك يا جرسى بلاش ذكر اسماء وللجميع كمان

{.... توقيع mahmoudkhalel ....}

سجل فى : 31/10/2008

انا لما ذكرت أسماء مذكرتهاش علشان اهين حد لا بالعكس

الدكتور اللي انا ذكرت اسمه دا انسان محترم جدا ومن حقه انه يتقال عليه كدا

انا مدخلتش اشتم ولا اغلط في اي حد وميرسي علي تعليقك علي ردي

همسه الهوكي عندي يوم السبت مش الاحد معلوماتك بايته يا سوسو

{.... توقيع جيرسي ....}

سجل فى : 04/08/2008

هو خير اللهم اجعلة خير
انا حاسس ان فى خير
واخد بالك يا ترابيل

ههههههههههههههههههههههههههههه
انا لسه واخد بالى اهوووووووو

يالا بقى شكله غالى عليك اوووووووووووووى يا مجهوووووووووووووول
وشكلك بتعزيه اووووووووووووووووووى يا جيرسى

عيش بقى يا مجههههههههههههههههول
وتقولى
اقولك فى بييييييييييييييييييييييييييييييييير

{.... توقيع triple_h ....}

سجل فى : 31/10/2008

انا مش فاهماكو انتوا الاتنين في ايه؟

{.... توقيع جيرسي ....}

سجل فى : 04/08/2008

انا مش فاهماكو انتوا الاتنين في ايه؟

ههههههههههههههههههههههههههه
هههههههههههههههههههههههههههههههههه

ممكن تستعينى بسبووووووووووووووورت ويفهمك ويقولك على الحقيقة

بس اوعى يلغبطك يا جيرسى

{.... توقيع triple_h ....}

سجل فى : 16/04/2007

ههههههههههههههههههههههههههههه

ماشي يا تربيل

بص يا
mahmoudkhalel
انا بجد لازم اقبلك عشان اشرحلك الفكرة كويس بتاعة الغياب
عشان انت بردة مفهمتش الهدف من كلامي

اكيد انت عرفني كويس

فاهم يا تربيل

{.... توقيع dr_sport ....}

سجل فى : 04/08/2008

اكيد انت عرفني كويس

فاهم يا تربيل

ولا اعرف اى حاجة
بس خد بالك كويس يا سبورت من جيرسى

فاهم يا مااااااااااااااااااان
او اقولك خلينا فى مجهوووووووووووووووول
او اقولك اى واحد منكم بقى وخلاص
هههههههههههههههههههههههههههههه

فهمتى يا جيرسى

{.... توقيع triple_h ....}

سجل فى : 31/10/2008

بس خد بالك كويس يا سبورت من جيرسى

تؤتتؤتؤتؤتؤتؤتؤتؤتؤتؤتؤتؤ مفهمتش وبجد حد يفهمني انا مبحبش كدا

{.... توقيع جيرسي ....}

سجل فى : 04/08/2008

بس خد بالك كويس يا سبورت من جيرسى

تؤتتؤتؤتؤتؤتؤتؤتؤتؤتؤتؤتؤ مفهمتش وبجد حد يفهمني انا مبحبش كدا

خدى بالك منى
اوعى تكلمنى

الظاهر ان محدش فاهم اى حاجة فى اى حاجة
ولا ايه رايك يا مجهوووووووووووووووووول
او نجيب صحبتك همسه
ممكن تفهمنا

{.... توقيع triple_h ....}

سجل فى : 30/10/2008

انا يا ترابيل اقسم بالله ما فهم اى حاجه ممكن انت الى نفهمنا

{.... توقيع همسه؟ ....}