عيش مهييس تموت كويس

سجل فى : 05/02/2008

ليه كل حاجة نتعب نفسنا و نكبر المواضيع و نعمل من الحبة قبة كدة بجد، هي الحياة تسوي ايه؟

ايه يستاهل دمعتنا ولا حزننا؟
ولا حاجة
ايه عشت حياتك، كبرت، خدت ثانوية عامة و كلية و اشتغلت، ,ومنتظر تتجوز ويبقي عندك عيلة
تعيش فقير تعيش غني
ساكن في فيللا ساكن فوق سطوح
تعبان او مستريح

ايه الفرق، هي الدنيا ايه؟

كام سنة تتعب يا سيدي، 60؟، ، 80؟، حتي لو عشت 100 سنة، العمر قصير، و مفيش حاجة تستاهل دمعتك، اتجرحت او فشلت او احلامك ضاعت... عادي، ربنا خلقلنا نعمة اسمها النسيان
وقعت.. قوم اقف علي رجلك و ابدأ من الاول
هتخسر ايه؟ هتخاف علي ايه؟
ما كله من عند ربنا، و محدش بياخد اكتر من رزقه و نصيبه

عيش حياتك، عمرك ما تكشر، خليك وانت عندك سنة، بيان عليك عندك 20 سنة، مهو الشباب شباب القلب، متشيلش علي نفسك هموم الدنيا،كبر الجي و روق الدي و خلي الحياة حلوة و خليها ايزي، محدش واخد منها حاجة، هي الدنيا ايه غير عمر قصير

المهم اللي بعد الدنيا يا جماعة، اكسبوا آخرتكم و اوعوا تخسروها، عشان دي الحاجة اللي مينفعش فيها الندم وطول مانت عندك هدف يسمو برضا الله في الأخرة وتفضل مشغول بيه في الدنيا وتسعي لتغيير نفسك للأحسن
تأكد انك هتكون احسن واحد في الدنيا دي وهتفضل اسعد واحد ومش هتتأثر بالمواقف البسيطه لانك واحد صاحب هدف
عايش ليه وبتسعي ليه

{.... توقيع الست خوخه هانم ....}

سجل فى : 03/02/2010

الله بجد
كلامك عشرة علي عشرة
تمام والله

{.... توقيع FeT00 ....}

سجل فى : 27/10/2009

ايون اتفضلى عايزة تقولى ايه بقى
ايوة انا سامعك
مهيييييييييييييييييس بقى تعملى ايه
نايس توبيك بس مش عارف ليه قلقان منك اليومين دول موضوعاتك بقت غريبه

{.... توقيع AHMED SHALABY ....}

سجل فى : 05/02/2008

شكرا ليك فيتو على مرورك

شلبى اعمل ايه بقى داخله مرحله جديده ومهيسه على الاخر

{.... توقيع الست خوخه هانم ....}