ببساطه شويه مجاملات ودلع وترفع صوتك , تعشق المرأة سماعها , والاحساس بها .
الاصغاء :
انك تحسسها انك مهتم بها اوى وكل 4 دقائق تقولها عامله ايه ياحبيبتى وحشانى اوى زى الميه فى الكوبايه كده يعنى وحركات من دى .
التأييد :
تقولها ايوه ياحبيبتى كلامك مظبوط تقولك اللبن لازم يتاكل مع السمك تقولها هو ده الكلام ونحلى بتمر هندى .....
تخليها هى ماما وبابا وتيته وطنط والجيران .....
الاعجاب :
تقولها ياحبيبتىانا معجب بيكى من اول ماشوفتك انا بحب البرفان اللى انتى بتحطيه (حتى لو جاز قولها برفان )
(الجزمة بتاعتك عايز ابروزها عندى فى الاوضه يع يع يع )
كل حاجه ياحبيبتى بتعجبنى طريقه تسريح شعرك والهدوم تحفه ...
الاهتمام :
تفضل تهتم بيها تمشى جمبها بودى جرد اى حد يمشى جمبها امسكه اضربه .....
تيجى تشرب اعملها كوبايه ... تيجى تاكل خليك مكان المعلقه .....
متحسسهاش بأى نقص وهذا بالقطع يحقق لها التوازن النفسى فى حياتها .....
ادفع بها للامام :
يعنى ترميها من بلكونه اهم حاجه تكون قدامك على طول وكن دائما ورائها لتشجعها على ان تكون هى الشخصية التى تحلم هى ان تكونها
ومش مشكله انت اهم حاجه هيا ... وقفها فى الظل واقف انت فى الشمس وقولها شايفه ياحبيبتى .....
افخر بها :
قولها ياحبيبتى انتى احلى من ليلى علوى .....
يسرا مين والناس نايمين .....
انا كرهت هند رستم وحبيتك انتى .....
اجعلها تشعر دائما بأنك فخور بها فذلك يشعرها بفرحه غامرة ويعمق احساسها بذاتها .....
ازاى تخلى الواد يموت فيكى ؟؟؟
أولا :
الولد بيحب البنت الرقيقة رفعوا صوتكم يابنات وأول ماتشوفى حاجه وحشة ... سورقى (يغمى عليكى ) من كتر الرقة .....
عيطى كتير , العياط دليل على الاحساس المرهف . اوئى له ... نكدى عليه الليله .....
ثانيا :
الولد بيحب البنت الرومانسيه سبلى له .....
اسرحى كتير كلميه عن القمر وحاجات من دى , قوليله شايف القمر ياعتريس .....
لازم تكونى هيمانه وانتى بتتكلمى ويكون صوتك واطى ... (وشوشه) .....
ثالثا :
الولد بيحب البنت المؤدبه .....
قولى له انه اول واحد فى حياتك حتى لو كنتى متجوزه قبل كده وحامل فى توأم .....
ولو سأل على انتفاخ بطنك قولى له كيس دهنى .....
ولو عارف ومتأكد انه كان ليكى علاقات كثيره مثله قوليله دى كلها اشاعات ه هم اللى كانوا معجبين بيا لكن انا ولا سألت فيهم كلهم .....
رابعا :
الولد بيحب البنت الاستايل .....
كل ما تشوفى حاجه جديده قلديها , يقولو الموضه الشعر الاصفر ... اضربيه اصفر ... الموضه القصير ... قصريه .....
مش مهم شكلك ايه ... ماتصدقيش اللى تقولك ماتخديش من الموضه الا اللى يناسبك دى بتغير منك ومش عايزاكى تبقى على الموضه .....
ملحوظه :!
لو مش عارفه ايه الموضه اختارى ليكى واحده مغنيه او مذيعه وقلديها ... خليكى نسخه منها .....
خامسا :
الولد بيحب البنت الدلوعه .....
ادلعى ياختى انتى وهى ماتبقوش دكر .....
سادسا :
الولد بيحب البنت الجذابه اللى بتكون محور اهتمام الاخرين .....
فهميه ان فى اخرين كتير معجبين بيكى وقولى له ارجوك اوعى تغير انا حواليا كتير .....
ولا بيهمنى ابدا منهم ايه يعنى اكون حلوه فى عينهم .....
الفى قصص وهميه عن الاولاد الهيمانين فيكى واللى انتى مدوخاهم بسحرك وجمالك .....
سابعا :
الولد بيحب البنت اللى بتحسسه برجولته وتحسسه بنفسه .....
ايه ده !.. ايه العضلات دى كلها ... دى احلى عضلات شوفتها فى حياتى .....
ياسلام !! ايه الشياكه دى كلها , انت اشيك ولد شوفته فى حياتى .....
(مش مهم هو لابس ايه , انبهرى وخلاص ).....
ياسلام !! انت تقاطيع وشك حلوه بشكل (حتى لو كانت ملخبطه ) وطول ما انتى قاعده اشكرى فيه خليه كده قاعد نافش ريشه وفرحان بنفسه .....
ثامنا :
اتمحكى فيه (الزقى له ) خليكى دائما معاه .....
كل شويه كلميه فى التليفون بأى حجه , قابليه فى كل حته بيروحها , اعملى عليه كماشه , بحيث مايعرفش يفلفص منك ولا يشوف وش غيرك قدامه .....
روحى له الشغل اكبسى عليه مع السكرتيره .....
تاسعا :
عددى مواهبك ... اكلك لازم مظبوط .....
قوليله انا ملحى فى الاكل لا كتير ولا قليل وبعمل شاى سكر زياده وبلون البيض المسلوق .....
عاشرا :
رغم حبك الشديد للحريه والانطلاق .....
قوليله انت مالك وقتى وتفكيرى مش عارفه اعمل حاجه الا انى افكر فيك .....
مليت عليا ايامى شغلت لى الزمن .....
( النتيجه )
لو الولد وقع فى دباديبك وقال عاوز يرتبط بيكى ... اوعى تقولى ايوه ! لااااا ... اتقلى شويه ... اعملى نفسك
بتفكرى .. سهريه .. لوعيه .. بهدليه .. لكن ماتتقليش العيار ليطير منك .....
لو الولد مسئلش فيكى ولا عبرك , ولا اخد باله منك اصلا يبقى بنت تانيه سبقتك ليه .....
ملحوظه :
كررى الخطوات من 1 - 10 مع ولد تانى بعد جمع معلومات وعمل تحريات عنه والتأكد من انه فاضى , غير مرتبط , وربنا يوفقك
موضوع: رد: هاااااااااااااااام جدا ؟؟؟!!!!!! 
