ليه ياقلبى كل يوم بتشتغل ف واحده ؟؟

سجل فى : 11/08/2009

ليه يا قلبي كل يوم بتشتغل ف واحدة

ليه ياقلبى كل يوم بتشتغل ف واحده ؟؟ 7up%2Bhehe

مبقاش عندنا مانع اننا نعرف كل يوم بنت جديدة، ما دام ده بيزود قاعدة بيانات المزز عندك، علشان تقدر تتفشخر بيها قدام اصحابك وكدة، وتقولهم انا عندي يجي 100 بنت على الفيس بوك، او على الايميل، او مثلا عندك على التليفون ارقام تليفونات بنات قد ايه، او كام واحدة بيتصلو بيك.

مبقتش فارقة معاك تبقى بتحب، او ما بتحبش، المهم لو بنت جت فى طريقك ماتقولش للخير ابعد يا شيطان، لا... ده انت بتجيبه يقعد ياكل معاك، دلوقتي اي بنت بتضحكلك مبقاش ينفع تعديها بالساهل كدة... لا، لازم تضحكلها وتبصلها وتبصلك لغاية ما تجيب معاها م الاخر، وتظبط الاداء (مصطلح عرفته من صديق ... هههههههه).

سألت نفسي، هو ليه دايما عندنا شغف باننا نعرف بنات كتير، ولو بنت جت قدامي جميلة او مش جميلة قوي... يعني معقولة، مينفعش تفوت من تحت ايدي كدة (ده طبعا على اساس انى واد أمور ومقطع السمكة حتى ذيلها ..... اعرب ما تحته خط) وبصراحة ملقتش اجابة، يمكن لانى بحب البنات والقعدة معاهم، مع انى مقتنع ان وقفة الراجل بميت بنت بس للاسف فيه مضاد بيقولك (تيجي البنت يغور الراجل .... محمد هنيدي) طب اعمل ايه، سالت اصحابي ومعارفي ومنهم بنات طبعا، لقيت واحدة بتقولي "ده فراغ" قلتلها "ازاي يعني علشان انا مش لاقي حاجة اعملها" قالتلى "لا، فراغ عاطفي" قلتلها "طب ماهو انا بحب واحدة فعلا يبقى فين الفراغ العاطفي" قالتلي "تبقى فراغة عين" قلتلها "لا... انا مقصدش من معرفتي بيها كدة انا بتعرف عليها صداقة يعني" قالتلى "تبقى البنت اللى بتنحبها مش مدياك كل حاجة" وبعدها قفلت السكة وسألت واحد تاني قاللى "يابنى احنا منعرفش نعيش من غير بنات" قلتله "على اساس ان هما الميا واحنا ارض زراعية" قاللى "لا، علشان هما حوالينا فى كل حتة وبصراحة اوووز اوووز"،روحت قافل فى وشه وسالت واحد تاني عاقل ورزين وليه تجاربه فى الموضوع ده "قاللى يابني هي كدة قاعدة... بنت ضحكتلك، لازم تضحكلها، حسيت انك ممكن تظبطها، تبقى غبي لو مظبطهاش حتى لو ناوي تنفضلها بعد كدة".

بس بصراحة، قابلت بنى ادمين مش كدة خالص، بالعكس بيرفضوا الموضوع ده، وبيبقى الشخص ده قدر يلاقي الحب الحقيقي فى حياته، والبنت بصراحة مش مخلياه يبص بره، وهو كمان راضي ومقتنع، وقدر يبعد عن البنات اللى كان بيتعرف عليهم من باب الاخوة، ومنهم اللى بقوا اصحاب لحبيبته، ومن الاخر بقى، الموضوع بيبقى مجموعة ظروف نفسيه وعملية وبيئية، يعني الواحد لازم يبص للبيئة المحيطة بكل واحد، وعقليته هو ايه ، وعقلية اللى حواليه، وتصرفاتهم ومبادئهم وكل ده ليه تأثير كبير فى الموضوع، وبيفرق طبعا بين واحد والتاني حتى لو كانو من نفس العيلة، لان لكل واحد رأي وعقل ومبادئ ......
حسين حسن

{.... توقيع حسين ....}

سجل فى : 31/08/2009

وقفة الراجل بميت بنت

اولا المقوله دى مش دايما صحيحه لان فى بنات وقفتها بمليون راجل مش ميه
بس فى اعتقادى ان موضوعك دا اخر حاجه فى ان الواحد عينه فارغه ومش مليانه لانها لو مليانه مش هيلف كتير ولو كان صحبح لاقى الحب ولا بنات الدنيا كلها تملى عينه ولا بقى يعلقها ولا يظبطها وم الاخر شباب الايام دى شباب تافه سواء بنات او ولاد
تقبل مرورى
دمووع
Basketball

{.... توقيع دمووع ....}

سجل فى : 11/08/2009

:FFF:

ميرسى كتير ع مرورك يادموع

{.... توقيع حسين ....}

سجل فى : 31/08/2009

لاميرسى على واجب ياحسين

{.... توقيع دمووع ....}