ورط اللى بعدك بسؤال محرج

سجل فى : 05/01/2009

تذكير بمساهمة فاتح الموضوع :

يبنى لو قلت نفسه دى تانى انا هولع فيك وى فى الجهاز وفنفسى علاشان اخلص منك

مين اكتر واحد نفسك تشوفه

{.... توقيع كابتن حسام ....}

سجل فى : 06/05/2007

فى ادمان للحب نفسه
انك تكون عايز تحب وخلاص
بس تحب مين بقى دى مش مشكله
انت بتحب الحب نفسه بتحب الغيره وانك تقول كلام حب وتعيش فى المواقف دى

بس لو ادمان للحب وانت بتحب الانسان ده
فانت وصلت لدرجه حب كبيره ااااااااااوى ومعتقدش ان ده موجود كتير دلوقتى

وعامه كل واحد واكيد وله وجهه نظر

سؤالى بقى
مين اللى ممكن تقوله انك مش تقدر تعيش من غيره

{.... توقيع tea water_3 ....}

سجل فى : 19/07/2008

اهلى اولا

ثم حبيبى

امتى بقى تقدر تقول ان حبك كان غلطه

{.... توقيع a7med t!to ....}

سجل فى : 06/05/2007

لما حبى مش يتقدر واحس انى حبيت انسان مش يستاهل ثقتى فيه

امتى ممكن تقول لحبيبتك انتى كل دنيتى
او تقولها
ابعدى عن حياتى ودنيتى

{.... توقيع tea water_3 ....}

سجل فى : 19/07/2008

لما احمد يكون كل حاجه عندها وتكون عارفاه صح

اما ابعدى لما احس ان حبيى مش قد ما انا حبيت

سمعنى صوتك الجميل وغنى وقول مواويل وقولى بقى تقول لمين ابعد يا شرير

{.... توقيع a7med t!to ....}

سجل فى : 06/05/2007

هوا انا مش فاهمه حاجه الا انى اقول لمين ابعد ياشرير

فلو هوا كده السؤال زى ما فهمت
بالنسبه لى انا هقول كده للحب

الحب بيمثل نسبه كام ليك
وتقدر تعيش من غيره ولا لا

{.... توقيع tea water_3 ....}

سجل فى : 19/07/2008

ولا انا ولا انتى نقدر نعيش من غير حب

لان الحب دا فى دمنا

مش لازم حب حبيب لمحبوبته انما الحب العام

الحب بيمثل ليا 100%

الحب اقربلك ولا الحزن ؟

وليه ؟

{.... توقيع a7med t!to ....}

سجل فى : 06/05/2007

سؤال جميل

الحزن بالنسبه لى اقرب كتير
ليه بقى

عشان الحب بالنسبه لى لحظاته معدوده اوى
بس الحزن انا بقول دائما انه صديقى الملازم مش بيفارقنى الا نادر يعنى
سواء كانت تجربه فاشله سوء اختيار اصدقاء
مشاكل فى الحياه عامه بتسبب لى الحزن
بس فالحزن بالنسبه لى وصوله سريع اوى لقلبى
عشان كده هوا اقرب

ايه اصعب موقف مريت بيه فى حبك وحسيت ان خلاص كده النهايه

{.... توقيع tea water_3 ....}

سجل فى : 19/07/2008

انى ممكن اغيب عن بال الى احبها

دى مش عارف اذا كنت صح فيها ولا لاء

بس بجد بحب اكون كل حاجه ليها

طمع بقى

ههههههههههههههه

قوليلى بقى يا بنتى

احلى ضحكه ضحكتيها من قلبك

يعنى علشان متقوليش مفهمتش

احلى موقف ضحكتى فيه من قلبك

ومتقوليش فى كتير وانا مع الفريق

{.... توقيع a7med t!to ....}

سجل فى : 06/05/2007

هههههههههههههههه

بقى كده يعنى اولا مش انى مبفهمش فبتقول السؤال مرتين
وكمان محدد الاجابه
انت بتكره الفريق بتاعنا ولا ايه؟؟؟
ماشى ماشى

هعديهالك المره دى بس

بص يقى
اكتر مره ضحكت فيها من قلبى
انا قولتها قبل كده تقريبا
يوم امتحان الفلسفه
من اول ما مسكت الورقه لغايه ما سلمتها وانا بضحك والمراقب
رايح جاى يقولى بطلى ضحك وجاوبى حاجه
واللجنه كلها كانت بتضحك على ضحكى اصلا
بس

لو قولتلك تقولى كلمات قليله لحبيبتك اللى انت مرتبط بيها
تقولها ايه
ممكن كلام من عندك او كلمات اغنيه يعنى براحتك

{.... توقيع tea water_3 ....}

سجل فى : 19/07/2008

نفس شعورك والله فى الفلسفه

ومش ناسى رئيس اللجنه كان الدكتور غيده

وكل شويه يجى يقولى اكتب اى حاجه

وانا اضحك

الى اقوةله بقى لحبيبتى

اتت الابتسامه من نظرة عينيكى

والهوى وهمساته والبريئه

والحياه الجميله

كى اشعر بالامان والحب والحنان

اظن مفيش اقل من كده

نقولك بقى

اكتر قصيده كتبتيها كانت قريبه منك اوى ؟

ومناسبتها كانت ايه ؟

هتجوبى يعنى هتجوبى

{.... توقيع a7med t!to ....}

سجل فى : 06/05/2007

هههههههه
على فكره انا مفيش سؤال ممكن اقولك انى مش هجاوب عليه
عشان انا معنديش حاجه اخبيها

بص بقى
انا اصلا كل حاجه بكتبها بكون حساها فى اى موقف حتى لو انا
اللى اللى اخترعت الموقف وعشت فيه وانا قاعده بكتب

بس اكتر حاجه كتبتها وكانت مرتبطه بموقف معين يعنى

كانت دى
قلب ......لا تدمع
لا تذرف الدموع
فمن تبكى له لا يشعر بك
]لا يرى دموعك
لا تحرق قلبك
[كفاك عذاب
كفاك جراح
استحلفك بمن خلقك
ان تغلق بابك
لا تعشق
لا تشعر
اريدك مجرد من الاحساس
هكذا يريد زمانى
ان اصبح قلب بلا مشاعر
ان ادفن عشقى بداخلى
خشيه الجرح والغدر
وجرحت مشاعرى
وهنت كرامتى
الا يكفى
[هذا القدر من الاحزان]
لفتره من الدهر
اعتقدت ان السعاده
قد وجدت دربى اخيرا
ولكنها اليوم تاهت عنى
ولن تعود
ولن ابحث عنها
فقد كنت احيا بدونها على
ما يرام الا ان ظهرت انت
ظهرت واختفيت
والان على قلبى
ان يعتاد اختفاؤك
كما اعتاد ظهورك
لذلك قرر قلبى
[ان لا يدمع بعد اليوم

انا جيبتهالك عشان مش تدور عليها

مناسبتها بقى كانت محاوله رجوع منه
بس

سؤالى بقى
بعد خمس سنين ان شاء الله تتمنى تكون ايه وايه اللى حققته فى حياتك

{.... توقيع tea water_3 ....}

سجل فى : 19/07/2008

جامده اوى وصعبه اوى

تسلمى بجد

برافوووو

وووووووو

بجد مش بفكر لبعيد اوى كده

لانى مش ضامن بكرة

سؤالى بقى

دمعتى فى القصيده الى فاتت دى ؟

وشكلك بتكتبى حاجه دلوقتى ؟

{.... توقيع a7med t!to ....}

سجل فى : 06/05/2007

هههههههههههه
تصدق مفيش مره بتقولى بتكتبى فيها الا لما بكون بكتبها

متهيقلى كلمه دمعت دى كانت قليله اوى
بجد مش سهله ابدا انك تتخدع فى حد تحبه

ما علينا
سؤالى بقى
ايه اكتر موقف مخيف حصلك

{.... توقيع tea water_3 ....}

سجل فى : 19/07/2008

اكيد وانا صغير كنت بخاف ادخل بيت جدى لما مات

حته من الموضوع الى كتبتيه

علشان اجهز الرد

{.... توقيع a7med t!to ....}

سجل فى : 06/05/2007

الموضوع كله فى قصائد واشعار

مستنيه رأيك فيه كله

سؤالى بقى

موت حبيبتك ولا موتك

بعد الشر طبعا عنكوا انتوا الانتين

{.... توقيع tea water_3 ....}

سجل فى : 19/07/2008

احنا الاتنين هيكون تعب للتانى

لو انا هتتأثر لو هى اكيد هتجنن

والله اعلم لان دى فى علم الغيب

وطبعا اى حد بيحب بجد يقول انا

واعوز بالله من كلمه انا

التوبيك جميل وتم الرد ويارب يعجبك

قوليلى بقى

ليه فكرة الموضوع ده ؟

{.... توقيع a7med t!to ....}

سجل فى : 06/05/2007

اولا ميرسى على ردك الجميل جدا ده

فكره الموضوع بقى
هوا الكلام بيبن موقف معين انا كنت فيه
انى كنت موجوده فى المكان ده
فكتبت
بس

سؤالى بقى اللى فات انت مش جاوبت عليه صح
انا كنت بقول لو خيروك بينك وبنها تختار مين

{.... توقيع tea water_3 ....}

سجل فى : 19/07/2008

للموت

منا قولت مفيش حد بيحب بجد هيقول غير انا

وهى تعيش

نزلتلك توبيك للاحساس الى بجد مناسبه السؤال ده

قولى بقى رايك فى الحب من نظرة واحده ؟

{.... توقيع a7med t!to ....}

سجل فى : 06/05/2007

انا اتسالت السؤال ده كتير اااااااااوى
بص ياسيدى
الحب من اول نظره بالنسبه لى
مش حب
ممكن يكون اعجاب
انبهار بشكل باستايل معين
كده يعنى
بس سهل اوى انه يتقلب لحب
وممكن اوى يكون حب كبير جدا
بس ميتسماش حب من اول نظره

قولى مين الشخص اللى فى حياتك اللى كنت فاكره حاجه وطلع ولا حاجه وكسر كل توقعاتك فيه

{.... توقيع tea water_3 ....}

سجل فى : 19/07/2008

طبعا ما ينفعش اقول الشخص

سورى على عدم الاجابه

اكتر فيلم حبتيه

{.... توقيع a7med t!to ....}

سجل فى : 06/05/2007

طبعا ومن غير نقاش
حبـــــيــبــى دائـــــمــا

اكتر حاجه كتبتها بتعبر عنك او كان ليها موقف معاك

{.... توقيع tea water_3 ....}

سجل فى : 19/07/2008

والله هى مفيش ليها موقف معايا بس بجد حبتها ليه مش عارف

وهى كانت

شعرى شاب لما شوفت الكتاب والقلب وقف لما حس بكل حرف وعقلى راح من كتر الجراح كتاب كله مواجع واهات وتعبى منه زاد مواقف كتير وكتير وفى الاخر منها بقيت عليل ولما شوفت اول الكتاب شعرى كله شاب عروسه حلوة وقمورة وجالها القدر وقت الخطوبه تعب ودموع وصوتها كان مسموع وبتصرخ باعلى صوت والاااااااه كانت ليها الحياه والناس الدمعه نزلت من عنيهم لما شافوها بعنيهم وحبيبها كان اكتر واحد معاها فى فرحتها ولما شاف دمعتها قلبه راح يسندها بس الفراق كان مكتوب لاحى قصه حب التانى قصه صعبه ام يعنى طيبه القلب صحيت ونزلت وللاسف راحت ولا رجعت طفل بيلعب بالعربيه والقدر كان للام الوفيه ماتت وسابت الدمعه فى عنيه ونزلت ليها الاغنيه دمعه للام الوفيه الى راح معاها كل الحنيه والطيبه الى فى الدنيا يبقى فى امان فى غيابها عن عنيا والتالت اب طيب وفى حاله فى السجن كان مصيرة الاكل مش فى بيته يبقى ايه نظامه يشحت ويداين وتانى يوم يضايق هات هات وفى الاخر مات عقله لما مكفاش اهله سرق ومش طبعه واتمسك والسجن كان اخره والرابع ابن ومع اصحابه اتجن شرب كل حاجه والحشيش عنده اتفه حاجه يبقى ايه الباقى فى خياله ضياع ودمار ويموت على معصيه الرحمن والخمسه بنت شقيه بتلعب بالشباب وتقول دول اى كلام ووقعت ومن الجمال اتحرقت وفى الاخر الشباب ضحكت كتاب كبير ودول حبه مواضيع امتى نفوق ولا يسرقنا الشوق انا بجد مخنوق ومن الى بيحصل بسكت اصل الدنيا باسكت تشيل وتشيل وفيها كل الخير

وحبتها لانها اكبر كتابه عملتها واظن من الواقع شويه

سؤالى بقى

ايه رايك فى المنتدى دلوقتى ؟

{.... توقيع a7med t!to ....}

سجل فى : 06/05/2007

بصراحه مش عاجبنى اوى
يعنى فى اعضاء كتير كنت بحبهم وبحب اتكلم معاه والعب معاهم واشوف مواضيعم ومش لاقياهم

بس بجد احلى حاجه فى المنتدى دلوقتى انتو
انت وخالد وحسام والنلس اللى بتدخل على طول

ايه الصفه اللى الناس فاكرينها فيك مع انها مش فيك وانت بتكرهها

{.... توقيع tea water_3 ....}

سجل فى : 19/07/2008

انى وحش ورخم وغبى

دى صورة مرسومه عند ناس فى الكليه

بس المشكله لانهم ميعرفونيش صح

نفسه لان السؤال حلو

{.... توقيع a7med t!to ....}

سجل فى : 06/05/2007

مفيش غيرها
الغرور
صفه انا اصلا مش بحبها فطبيعى انى ماحبش انها تكون فيا
وبرده بيقولوا كده عشان مش يعرفونى

ايه الاكل الى بتحبه واللى مش بتحبه

{.... توقيع tea water_3 ....}