اضحك ياعم..........خدنا ايه من البكا؟

سجل فى : 23/02/2009

اضحك ياعم خدنا ايه من البكا والهم
الموضوع امره دى مش ع لسانى ع لسان ولد عشان يبقى الكلام اوضح اوك

اغلب الناس واخدين فكرة غلط عن طلبة كلية الطب بانهم عيال دحاحه وسوبر كاترز وكل همهم المذاكرة والعلم وبس ومفيش فى دماغهم اى حاجه تانيه ومالهمش فى قصص الحب والحاجات اللى بتحصل بين طلبة اى جامعه. لكن بالعكس اجمل قصص الحب بتكون فى كلية الطب وخصوصا فى المشرحه ايه رأيكم بقى؟؟

وحب المشارح دا كمان بيستمر وبيكون اجمل حب اكيد هاتسألونى ليه اقولكم انا ليه:

اولا: دروس التشريح بتبدأ فى سنة اولى يعنى العيال لسه داخلين الكليه جديد وكله نفسه مفتوحه للحب والصداقه والحركات دى

ثانيا: المشرحه اجمل واهدأ واكتر الأماكن رومانسيه لأن فيها هدوء وسكون وفرصه للتأمل طبعا مش التأمل فى الجثث اللى نايمه لكن فى الجثث اللى قايمه اقصد فى وجوة زميلاتك, طبعا تسيب الدكتور يرغى ويشرح فى الجثه براحته وانت عينك وكل مشاعرك مع زميلتك اللى واقفه قصادك على الضفه التانيه من النيل قصدى الناحيه التانيه من الجثه واول ما الدكتور يمسك القلب تقولها دا قلبى اللى دق اول ما شافك ولما يشاور على العينين تقولها دى عنيا اللى مابتشوفش غيرك ولما يمسك المرارة تقولها دى مرارتى اللى اتفقعت من مامتك.

ثالثا: لما تبدأ هيا بقى تذاكر وتمد ايديها وتلمس الجثه بتتمنى سيادتك لو كنت مكان الجثه دىJ)

رابعا: المشرحه اخر مكان ممكن حد يفكر يدور عليكوا فيه لو حبيتوا تزوغوا من الناس شويه وتقولها كلمه سر فى بقهاJ)

خامسا: ريحة الفورمالين اللى بتكون ماليه المكان مش بتديك فرصه تعرف ان حبيبتك بقالها اسبوع ماستحمتش مثلا

على فكرة الموضوع دا مش هرتله واغلب قصص الحب فى كليات الطب بتبدأ فى المشرحه وغالبا بتنتهى كمان فى المشرحه بعد الجواز طبعا على اعتبار ان الجواز والموت وجهان لعملة واحدة( الربع جنيه المخروم غالبا)

{.... توقيع moody ....}

سجل فى : 05/02/2008

هههههههههههههه ياسلام

{.... توقيع الست خوخه هانم ....}

سجل فى : 23/02/2009

وحياة السلام
منورة ياقمر

{.... توقيع moody ....}