بليز يا جماعه محتاجه رايكم ضرورى لو سمحتم ؟؟؟

سجل فى : 08/02/2009

[size=24][size=24]

سلام عليكم
ازيكوا يا جماعه اتمنى تكونوا بالف خير
عايزه اخد رايكم فى حاجه مهمه اوى بجد
لو كان فى اتنين مرتبتطين بببعض وكانت البنت مش بتشوف من الشاب غير قسوه وجرح حتى فى كرامتها والله يا جماعه ما بكدب عليكوا جرح جرح كبير اوى اوى كان بيتعمد يقسى عليها متفهموش كانه نقص او ايه الله اعلم وسابها اكتر من مره وبردوا كانت بتستحمل دل لانها تئريبا كانت بتموت فى التراب اللى بيمشى عليه مش فيه هو بس ومرت الايام والقسوه بتزيد لحد ما وصلت الدرجه ان المفروض ان هو ارتبط بكلمه مع والدها ان يجيب اهله وخلاص علشان يتقدم وكل شويه ياخر فى الموضوع لحد ما بعد نفسه خالص وبعدين رجع بقسوته تانى بس وقتها البنت كانت متردده بعد دا كله ما بين توافق وترفض وبعد كدا قالت ممكن يكون اتغير بس حسيته بنفس قسوته وجبروته وقالت ممكن استحمل لكن الباشا سافر بردوا ولا حياه لمن تنادى وهو طبعا جالها وقالها انا عايزك والحوارات دى بس هى رافضت وشكلها كان باين انها بتحبه والكلام دا وهو قبل مايسافر وفجاه بعد ماسافر اتصل بيها وبيترجاها انها تكمل معاه راجع ذليل بشكل غريب جدا ولدرجه ان بيئولها عايزك تظلمينى بس عايز اكمل حياتى معاك وهى دلوئتى فى واحد ظهر مستعد يضحى بحياته علشانه انسان بجد على الاقل بيحاول يديها اللى كانت بتدور على نصه مع التانى من غير ما يقصد وبدات ترتبط بيه واول ما الشخص القدم ظهر حست انها لسا بتحبه ودا غصب عنها هى مديئه اوى انها حاسه بكدا من نحيته علشان كدا بتظلم التانى اللى بيحبها وعلشان الظلم والجرح بتاعها منه ومش عارفه تعمل ايه خايفه ترجع للاولانى يتعمل فيها زى ما كان بيتعمل زمان وفى نفس الوقت بتحبه ومش عارفه تنساه مع ان فى واحد تانى بيحبها اوى ياريت تئدروا تساعدوها لان بجد هى صعبانه اوى عليا وهى فى الشكل دا

ياريت تدخلوا بجد وتئولوا رايكم ضرورى

اسفه للاطاله عليكم

جنيه

[/size][/size]

{.... توقيع @جنية بس اطاوطة@ ....}

سجل فى : 04/03/2009

بصي يا جنية
اول انا مش فاهم انتى عيزانا نرد نقول اية
بصي انا اعرف حاجة واحدة بس انا بعتبرها
اساس كل حاجة
الي يشترينى اشترية
ولي بيعنى ابيعة ببلاش
بس هو سوءال واحد ممكن
الموضوع دوة ليكي انتى ولا لمين
يعنى هو بيرتبط بمين بالضبط
انا من رايي ان الواد الاولانى دوة عيل وميستاههلش حب البنت دي
والواد التانى مالوش ذنب يتظلم معاها
وياريت هي تقولة انها بتحب واحد تانى مش عيب ولا حرام لو قالت لة علي شان ميحسش انة اتخدع وادحك علية
بس وياريت هي متفكرش في الاولانى خالص لانة واطي
ازاى يتفق ويحط ايدة في ايد راجل
ويرجع يطلع عيل
انا مش فاهم اية دة
وبعدين هي ازاى بعد ماسابها وخلع وسافر
ممكن عندها الشجاعة انها تقول لاهلها انة هيتقدم تانى
بجد
كل الموضوع غلط من البداية
بس الي صعبان علي الواد التانى دوة
ياريت تقولة يا دودو
عشان حرااااااااااااااااااااااااااااااااااااااااااااااام
يلا اي خدمة يا جميل

وياريت تردى لي سوءالي
ياريت
تقبلي مرورى

{.... توقيع طارق ....}

سجل فى : 30/10/2008

بصى يا دودو انا لو مكانها مش هرجع ابدا و هى كمان استحملته كتتير وكمان جربته فى اكتر من موقف ومكنش قد كلامه
وكمان الى فى طبع عمره ما بيغيره يعنى دا مهما يقولك رجعت وندمان برده ممكن يسبها تانى
بجد انا بقولك كده عن تجربه وعارفه كل الى انتى بتقوليه وحاسه بيه خليها تبعد نهائى واكيد هتحب الشخص التانى لان الانسان لما بيلاقى حد بيحبه غصب عنه بيحبه او على الاقل بنشد ليه واكيد هتبقى سعيده اكترمع اى حد غيره

وسورى انى طولت عليكى بس بجد انا عارف قد ايه هى بتمر بمرحله صعبه ولازم تاخد قرار انها تنساه واقل حاجه تعملها علشان تنساه تقتكر مواقفه معاها وهى اكيد هتنسى جد اوعموما انا اتمنى لها السعاده دايما

{.... توقيع همسه؟ ....}

سجل فى : 08/02/2009

ههههههههههههههه حسبى الله ونعم الوكيل
ايه يا طارق انا ايه بس انت هتودينى فى داهيه دى واحده صحبتنا بس البت يا عينى والله شيفاها بتموت ادامى بالبطئ ومش عارفه اعملهاا حاجه قولت اشركم معايا وميرسى لاهتمامك وردك يا جميل

{.... توقيع @جنية بس اطاوطة@ ....}

سجل فى : 07/01/2009

بجد انا حاسه بالموقف اللى هيا فيه
وعارفه الحيرة اللى هتبقى فيها
بس لازم تفكر بعقلها
لو رجعت للاولانى هيعمل فيها نفس الى كان بيعمله
ويمكن اكتر لانها كده بتاكد ليه انه مهما عمل هتفضل معاها
ولو ارتبطت بيه بجد الحياة هتبقى صعبه اوى
مافيش راجل بيتغير لو كان فى امل انه يتغير كان يتغير من الاول
ثم هو ليه اصلا كان على طول بيجرحها
صدقينى ده واحد مقدرهاش
واللى بيبع مره يقدر يبع الف مره

ومن رايى انه تفضل مع التانى لان من كلامك انه حد مقدرها وعارف قيمتها

ده رايى
تقبلى مرورى ياجنيه

{.... توقيع nada w bas ....}

سجل فى : 08/02/2009

سمورررررررررررررررره ميرسى يا حبيتى لردك وفعلا كلامك صح يا سمر ولازم هى تعيش حياتها بئا صح

{.... توقيع @جنية بس اطاوطة@ ....}

سجل فى : 08/02/2009

نيدووووووووووو كلامك صح جدا جدا لان فعلا عمره ما هيتغير خالص وفعلا ترميه لان مش قدرها

مرورك نور التوبيك يا روح قلبى scratch

{.... توقيع @جنية بس اطاوطة@ ....}

سجل فى : 04/03/2009

طب كويس
انها صاحبتك
بس والنبي
انا لية رجاء
ياريت تزوصيها علي الواد التانى لانة مالوش زنب
انة حبها وهي خليها تختار صح وياريت ما تدورش علي الي مش ليها
مرسي يا جميل

{.... توقيع طارق ....}

سجل فى : 08/02/2009

طب كويس
انها صاحبتك
بس والنبي
انا لية رجاء
ياريت تزوصيها علي الواد التانى لانة مالوش زنب
انة حبها وهي خليها تختار صح وياريت ما تدورش علي الي مش ليها
مرسي يا جميل

ميرسى لردك يا طارق والله وانا قولتلها بس والله لو انا منها بعد اللى هيا شافته لا تحب اول ولا تحب تانى

{.... توقيع @جنية بس اطاوطة@ ....}

سجل فى : 04/03/2009

دوة
غلط
اصلة يا ماما شر ولا بد منة

{.... توقيع طارق ....}

سجل فى : 23/02/2009

بصى فى زمنا دا لازم نحب بعقلنا لان وقت القلوب انتهى وبعدين صدقينى انا بنت وبقولك دا بجد والله البنت ممكن تنسى روحى لو حد اداها اللى هى عيزاه من كل حاجه من حنيه وتقدير وكل حاجه والشخص اللى بتتكلمى عليه دا عمرة ما هيديها حاجه لان المتردد دا طول عمرة هيبقا كدا مش هيديها اى حاجه ولو كان رجه ندما فدا عشان هو غربه ومحتاج لاققل حاجه
والله هى تروح للى عايزها ومترحشى للى هى عيزاه لانها هتتزل اوووووووووووووووى
وزى ما المثل بيقول
خدى اللى بيحبك ومتخديش اللى بتحبيه

{.... توقيع moody ....}

سجل فى : 08/02/2009

ميرسى يا مودى على ردك الغالى واسفه انى تعبتك معايا يا حبيتى وفعلا المفروض اننا ناخد اللى يحبنا هو مش اللى احنا نحبه فى غالبيه الوقت على الاقل احنا مش هنتنازل هو اللى هيتنازل

{.... توقيع @جنية بس اطاوطة@ ....}

سجل فى : 15/01/2007

انا من رأيى
ان هيا ش لازم ترجع تانى
اصل معلش هيا اللى عودته على كده ... ان هوا يقسى وهيا اللى تستحمل ...
غلط من الاول ان هيا اديتله انطباع سيئ عنها ان هيا صبورة على حاجة غلط من الاساس
بس الموضوع ده .... فاشل
حتى لو تم الارتباط الجدى ... من شب على شيئ شااب عليه
وبعدين تكمل بقى حياتها ... دى محطة ... وعدت خلاص ... الحياة لازم تمشى
وقولى لصحبتك ان هيا تنسى بقى احسن وتحاول تتعلم من اخطائها ... ده كان غلط منها وعدم تقدير واحترام منه هوا
تقبلى مرورى يا جنيه

{.... توقيع Marshall ....}

سجل فى : 31/10/2008

بصي يا جنيه انا من رأيي انها تكمل مع الولد التاني لحاجه

انه بيحبها اوي زي ما انتي قولتي وتنسى التاني دا هي ممكن تكون

حاسه من ناحيته ببعض مشاعر الحب لانها مجرد ما ترتبط بشخص تاني

دا معناه انها محبيتش الاولاني اصلا او بمعني اصح حبه مات في قلبها

واللي هي حاسه بيه دا مجرد حبها لذكريات وماضي مش اكتر وعلي فكره

اللي صحي الحب دا تاني ان الولد الاولاني قدامها لانه لما غاب عنها ارتبطتت

فممكن يكون السبب انه قدامها في اوقات غياب التاني

انا اسفه اني طولت عليكي بس هي لازم تعيش حياتها وتاخد اللي بيحبها وشاريها

لان هو دا اللي هيحافظ عليها وهيصونها انما الاولاني دا مش متظبط

زي ما سابها مره سهل جدا انه يسيبها مليون مره وتعرفي كمان

هو يمكن عاوز يرجعلها علشان صعب عليه ان هي اللي تسيبه في الاخر

عاوز يرضي غروره مش اكتر والله صدقيني اللي بيحب ميعرفش يكون انسان كداب او غشاش

او يعرف حتي القسوة ودا ميستاهلهاش وانا من رأيي انها تبعد عنه وتحاول تنساه وتوفر الحب اللي

في قلبها لواحديصونها ويحافظ عليها لانها يوم ما هتلاقي الواحد دا هتندم انها ادت ولو حتي 1%من حبها

لاي حد غيره وعموما هي هتنساه بس هي حكايه وقت مش اكتر

اتمني مكونش طولت عليكي

{.... توقيع جيرسي ....}

سجل فى : 02/04/2009

بقولك ايه قوليلها تاخد اللى يحبها مش الى هى تحبه لانه هيحاول يسعدها باى طريقه واكيد هى هتحبه لكن التانى ده مافيش كلام ممكن اقوله عنه

{.... توقيع هههههههههه ....}

سجل فى : 17/02/2008

أنا على راى مودى ان الاول دة متردد
أو غرضة منها حاجة تاتنية الله اعلم بقى مش عايز أظلمة بقى
دة حسب كلامك انتى
و الشارى يتفضل يدخل من الباب

{.... توقيع RAMBO ....}

سجل فى : 08/02/2009

كلامك صح يا مارشال وفعلا هى اللى بدات غلط معاه واتنازلت من الاول اشكرك على ردك يا جميل

جيرسى ميرسى لردك الحكيم وعلى فكره رايك عجبنى جدا جدا جدا جدا لانه صح اوى اوى
:king:

{.... توقيع @جنية بس اطاوطة@ ....}

سجل فى : 08/02/2009

ميرسى لمرورك وردك يا ههههههههه ونورتنى

رامبو انت اولتها من النهايه الشارى بيدخل من الباب وميرسى لدخولك وردك الجميل

{.... توقيع @جنية بس اطاوطة@ ....}