بنخاف من الخوف

سجل فى : 02/04/2009

فى عز فرحتنا دايما نلاقى الخوف واقف فى سكتنا مشتاقلنا وملهوف

كاننا واحشينه مع اننا عايشينه

خوف خلانا واحنا مغمضين بنشوف

لا عمره خلى القلب يفرح فرحه بجد

ولا عمره خلى حد يطمن لحد

ياما حاولنا وكان نفسنا ننسى روحنا نسيب نفسنا

بس تملى بيفوقنا شعور بالخوف

لا عمره خلى القلب يفرح فرحه بجد

ولا عمره خلى حد يطمن لحد

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ

دى اغنية سمعتها من فيلم اسمة قص ولزق

مين بقى اللى بيغنى مش مهم بنخاف من الخوف Blush2

المهم ان الاغنية دى بتتكلم عن حاجة واقعية اوى

حياتنا والخوف اللى ماليها

لان الطبيعى بيعدى علينا كتير لحظات خوف

خوف من مستقبلنا

خوف من اننا نخسر حد عزيز علينا

نخسر حبيب او صاحب او قريب او اى حاجة ليها اهمية فى حياتنا

كتير اوى بنخاف وللاسف مش عارفين حتى خايفين من ايه

احساس الخوف بقى فيروس منتشر فى مجتمعنا

لدرجه ان فى ناس بقت تخاف من الخوف نفسه

حاولنا كتير نبقى اقوى منه ومقدرناش

يمكن ظروف حياتنا وبلدنا هى اللى خلت احساس الخوف يسيطر علينا

خوف من انك تقول الحق لتضرب على قفاك

او خوف من انك تاخد موقف ضد اى حاجه شايفها غلط لتترمى ورا الشمس

خوف لتخلص كليتك وتاخد مش عارف كام شهاده وكام لغه وفى الاخر متلاقيش شغل

خوف ليعدى بيك او بيكى العمر والقطر يفوتك

خوف ليجى عليك يوم ميبقاش معاك فلوس تاكل ولا تأكل عيالك

خوف من ان يسيبك اعز انسان جمبك لظروف خارجه عن ارادته او حتى بمزاجه

الناس دلوقتى بقت تخاف حتى تحلم احسن الحلم ميتحققش

بجد مش عارف اعمل ايه

كل اما اشوف حد خايف احاول اوقفه من تانى لكن مفيش فايده

ده بقى فيروس ملوش علاج .. فيروس انتشر بين الشعب كله مش بس الشباب

الخوف بقى ليجى يوم ونتعدى منهم احنا كمان

وربنا يعمل انا ممكن اكون بقيت منهم ولا لا

لانى ساعات بخاف

حتى توقيعى بيقول كدة

انى خايف من بكرة

من الواضح ان مفيش حل للموضوع ده

لو حد عندة حل اخوكم موجود

سلاموا عليكوا :UUU: :410:

{.... توقيع kapten 7oda ....}