الكـــــــــذب مالــــوش ...... رجلــــين

سجل فى : 13/01/2009

طبعا كلكوا عارفين ان الكذب مالوش رجلين .... والكذاب بيروح فين ؟؟
طبعا في ناس ماشاء الله محترفه في الكذب ... بانواعه .. الابيض .. والاسود
وفي ناس كتيره اوي بتكره الكذب ... علشان مش بيعرفوا يكذبوا ... او يمكن بيبقوا خايفين من اللي قدامهم يكشفهم ...او بيخافوا من رد فعل جواهم بيكشفهم زي الابتسامه او العيون بتهرب او اللخبطه في الكلام
وطبعا كلنا عارفين ان الرجاله هما اكتر حد بيكذب في الدنيا " دي كذبه بيضاء طبعا "
طب ايه رايكوا لو نعرف ايه هيا العلامات اللي ممكن الواحد يعرف ان اللي قدامه بيكذب عليه ولا لأ
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

اول حاجه : العينين ... اللي بيكذب غالبا بيحاول يهرب بعينيه من اللي قدامه .. ممكن يبص فوق .. علشان كده كنا بنقول زمان " عيني في عينك "

تاني حاجه : اللي بيكدب بيستخدم كلمات قليله مره واحده .. يعني بيحاول يخلص بسرعه من الكذبه علي قد مايقدر .. علشان كده الكذابين " المحترفين " بيبقي خياله واسع جدا وتلاقيه في ثانيه عمل قصه من الهوا

تالت حاجه : بيفقد تركيزه .. يعني وهوا بيتكلم معاك ممكن تلاقيه بيلعب في النضاره او بتلعب في شعرها ..

رابع حاجه : تكرار الكلام ... تلاقيه بيستخدم نفس الجمله او الكلام بتكرر معاه

خامس حاجه : التعميم ...اللي بيكذب مثلا تلاقيه في عنده جمل تلقائيه كده .. كنت غايب ليه من المحاضره .. كنت تعبان .. المواصلات كانت وحشه ...

سادس حاجه : سرعه النسيان.. دا بقي للمحترفين في الكذب .. من كتر ما بيكذب بينسي هو قال ايه ... علشان كده ممكن لو شاكك في حد ابقي اساله بعد فتره كده وشوف ..." اكيد انا بهدي النفوس "

سابع حاجه بقي : اتهام الاخرين بصفات سلبيه ... تلاقيه بيستخف باللي حواليه وممكن يتهمهم بالكذب .. او يظلمهم بصفات مش موجوده .............
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

طب هو في كذب ابيض ؟؟؟
لا طبعا مفيش حاجه كده ...الكذب هو الكذب بس بيختلف درجه تاثيره " كذبه صغنونه ... وفي .. كذبه ممكن تضيع ارواح او تضيع حقوق "

وفي معلومه شخصيه " مش متاكده من صحتها " ان الكذب مسموح بيه في 3 حالات ...
لما بتكون بتحاول تصالح اتنين متخاصمين ممكن تقول كلام كذب يكون السبب في انهم يتصالحوا
ممكن لو في حد وقع في ايد عدو في فتره الحرب .. والعدو بيستجوبه .. اكيد بالكذب دا ممكن يحمي ناس كتير اوي " مش من اول قلم يعني "
الحاله التالته والاخيره بقي : لما تكون متجوز وفعلا زعلان من مراتك وشايف المر معاها .. ممكن تقولها كلام رومانسي بالكذب علشان تحافظ عليها ... "والا هتنام يامسكين من غير عشا "
يارب يكون التوبيك عجبكوا ... ومستنيه اعرف مين فيكوا هيكذب عليا

{.... توقيع شادن ....}

سجل فى : 04/03/2009

تصدقي يا شادن كل دوة بيحصل معاية بس مكنتش اعرف انى بكدب غير دلوقتى
هههههههههههه
تسلم ايدك علي الافادة دة وبجد توبيك جامد
تقبلي مرورى

اخوكي

طـــــــــــ ــــــــــــارق

{.... توقيع طارق ....}

سجل فى : 11/07/2007

طبعا في ناس ماشاء الله محترفه في الكذب ... بانواعه .. الابيض .. والاسود

الاحتراف بيبقى على درجه عاليه

خصوصا بقى العيال الصغيره بتاعت الابتدائى دى

ياْلفلك ميت قصه وهوه واقف ينسيكى انتى كنتى بتقولى

ايه اصلا واسال مجرب

:pirat:

{.... توقيع rita ....}