أريد حلا

سجل فى : 10/11/2008

بسم الله الرحمن الرحيم
السلام عليكم ورحمة الله وبركاته

هل عندك مشكلة
هل ضاق صدرك
زهقان
حزين
مهموم
تعبان
هل انت فى حيرة لأن أصدقائك يبتعدون عنك ؟
هل تتخبط رغم أنك ملتزم ؟
هل تشعر أنك وحيد ؟
هل أنت ممن لا يثقون فى أنفسهم ؟
هل .. هل .. هل نتسائل كثيرا
ولكن لا نجد أجابة
منذ أن بدأ الموقع وهذه الساحة تمتلىء بالمواضيع وننسى او نتناسى ماهو عنوانها
مشاكل الشباب والفتيات
لن يعبر عن مشاكلكم إلا الواقع
ومن هنا كانت فكرة موضوعى هذا
فضفضوا لنا وأعتبرونا أخوة وأخوات لكم
ربما نخفف عنكم وربما تخففون عن بعضكم البعض . ربما ليس عندك مشكلة لكن مشاركتك لتبدى رأيك فى مأزق وقع فيه أخ او أخت لك سيكون له أثر فى حياتك .
لأننا أحيانا نتعلم ونحن نتكلم . نطرح المشكلات ونفحص القضايا ونبحث عن الحل .
نمد أيدينا أليك ونرتفع ونحن نرفعك لعل الله يرزقنا الصواب جميعا بإدخال السرور على بعضنا البعض .
هى مساحة ود أرجو أن نستغلها بطريقة صحيحة دون أن نفشى السر .
ولمزيد من الخصوصية صنعنا أيميلا لترسل عليه مشكلتك ومن خلالها سنعرض مشكلتك فى المنتدى لعدم تعرضك لأى نوع من الحرج .
هذا هو الايميل oredhalan@yahoo.com

أعاننا الله على حل ما جائنا من مشاكل
ومن الله التوفيق .

اتمنى من الجميع عدم أضافة اى مشكلة هنا
اى مشكلة ممكن أرسالها على الميل
وشكرا

{.... توقيع elmnar_2007 ....}

سجل فى : 22/12/2007

نايس موضوع

{.... توقيع bota_samer ....}

سجل فى : 10/11/2008

مرورك اسعدنى يا بوتا
وان شاء الله هبدأ فى عرض المشاكل اللى وصلتنى عالميل
بس فى شوية تجهيزات بجهزها وهبدأ ان شاء الله
شكر ليكى كتير

{.... توقيع elmnar_2007 ....}

سجل فى : 10/12/2008

تعرف انى فكرت فى نفس الموضوع
بجد موضوع رااااااااائع يا ريت تقولى ازاى ابطل اسمع اغانى
انا مدمنة اغانى

{.... توقيع عروس النيل ....}

سجل فى : 24/01/2009

جميل عمرو ربنا ان شاء الله يعينك ويقويك..
واحنا معاك عموماً..

{.... توقيع يقيـــن ....}

سجل فى : 10/11/2008

بسم الله الرحمن الرحيم

ازيكم يا شباب أتمنى تكونوا بخير

النهاردة معانا اول مشكلة فى أريد حلا

وأتمنى من الله ان يرزقنا الصواب جميعا

المشكلة بلسان الفتاه

انا من اربع سنين عرفت واحد قربنا بس مش من الدرجة الاولى وبمرور الوقت حسيت انى بتعلق بية جدا ودة من اهتمامة الزايد بية
وكنا على طول بنسال على بعض
وبعدين انا فى شحص اتقدملى وكان كويس جداااااااا
وبعدها انقطعت اخبارة وعرفت ان هو سافر وساب كل حاجة
ولقيتة بعدها بشهر ونصف بيكلمنى من خارج مصر علشان يطمن عليا
قولتلة لية سافرت وسبت الكلية قالى علشان اعمل الى انتى فاضلتى غيرى عليا وبعدين ابقى اخد الشهادة
بس للاسف انا معرفتش اسمر مع خطيبى وانفصلنا
وهو عرف وبدا يقرب منى تانى وعرفت الظروف الصعبة الى معاة برة وكنت معاة فى كل حاجة

وفى يوم لقيتة بيقولى ان هو بيحبنى بس مينفعش علشان ظروفة صعبة
ولسة قدامة كتير
بس انا قولتلة انا معاك تحت اى ظروف وهتسحمل ان شاء اللة وانا صبرت معاة وبرفض كل الناس الى بيتقدمولى علشانة ولما طلبت منة انة يقولى بس انة عايزنى معاة رفض وقالى انة مش عايز يعزبنى معاة

وانا قولتلة انا معاك بس قولها وبعدين فى ظروف حصلت ومرضتش اغصب علية بس انا كنت معاة على طول وبعد الظروف ما خلاص بدات تتغير وقولتلة ممكن اعرف بقى انت عايزنى معاك ولا لا
قالى انا عمرى ما هقولك استنينى و قولتلة يعنى اية قالى يعنى لو حد كويس اتقدملك وافقى علية انا مش هقولك استنينى
ممكن اعرف دة حب ولا كان كدب وياترى انا استنى ولا لا

أسئلتى ليها

انتى حسيتى دا لوحدك ولا هوا اعترفلك بحبه ؟؟

هو بعد ما احنا بدانا بعرف بعض اكتر بدا يجى عندما البيت على طول
اعترفلى بعدما سافر وانا فسحت خطبتى
بس انا كنت حساة منة قبل كدة

يعنى اعترافه كان قبل الفسخ ولا بعده ؟؟

لا بعد ما فسخت الخطوبة

طيب والوضع الحالى ؟؟

من اسبوع انا طلبت منة انة يقولى انة عايزنى معاة ولا لا بس هو رفض وقالى ياريت تفكرى بعقلك مش بقلبك

المشكلة بين أيديكم واتمنى من الجميع أبداء رأيه فيها
يهمنى كثرة وجهات النظر
تحياتى للجميع وأتمنى الأفادة

{.... توقيع elmnar_2007 ....}

سجل فى : 16/11/2008

لا طبعا ده مش اسمه حب ده لعب عيال هو كان عايز يحس ان فى واحدة معاه كدا وخلاص ولما لقى ان الموضوع بالنسبة ليها جد قالها مينفعش وبعدين هى المفروض متتنازلش عن كرامتها اكتر من كدا يعنى ايه تقوله عاوزنى ولا لا ؟ هو لو كان عايزك كان قالك ومكانش سابك كدا وقالك شوفى غيرى وانا لو منك انسى الموضوع تماما وافكر فى اللى شارينى مش الل بيبعنى مهما كانت الظروف اللى هو فيها لو بيحبك هيقولك خليكى معايا وانا اسفة انى بقول كدا بس ده رايى واختلاف الراى لايسفد للود قضية وربنا يوفقك وياريت نعرف هى حلت المشكلة دى ازاى ياعمرو

{.... توقيع manchy ....}

سجل فى : 10/11/2008

اوكى يا مانشى انا معايا الحل

بس لما اسمع أراء الاعضاء

{.... توقيع elmnar_2007 ....}

سجل فى : 12/04/2007

هو ممكن يكون ظروفه صعبه \
ومش عارف هو قدامه قد ايه وقت علشان يجهز نفسه
فخايف يمر الوقت وميوصلش للى عاوزه
وتكون هيا كبرت ووقفت حالها
فعلشان كده هو قالها لو اتقدملك حد كويس وافقي عليه
لانه مش انانى وعاوزلها احسن حاجه حتى لو هيا مش معاه

{.... توقيع nona ....}

سجل فى : 26/10/2007

ع فكره ده قمه الحب
هو اللى مسافر ده شكله بيحب البنت دى اوى علشان كده عاوز يشوفها سعيده مش مهم معاه او مع غيره
هو عاوزاها تكون سعيده ومرتاحه وخلاص
وهو اكيد بيقولها الكلام ده علشان شايف ان ظروفه وحشه وبكلامه ده هيخلى البنت تبعد عنه وتكرهه
علشان البنت مش تحس بتانيب الضمير انها سبته من نفسها
فهو فضل يطلع نفسه هو اللى وحش يعنى
البنت لو شايفه ان هى بتحبه فعلا بجد هتقف جمبه ومش هتتخلى عنه ولا هتسيبه
انما لو مش بتحبه يبقى خلاص تشوف مصلحتها

{.... توقيع beauty ....}

**{..زائر..}** زائر

عندك نقطه غلطت يا بيوتي

البنت لو شايفه ان هى بتحبه فعلا بجد هتقف جمبه ومش هتتخلى عنه ولا هتسيبه
انما لو مش بتحبه يبقى خلاص تشوف مصلحتها

هيا اه بتحبه بس ممكن هوا مش عاوزها وبيبرر موقفه انه ادامه وقت كبير علي ما يكون نفسه
وكمان سافر من غير ما يقولها
هوا بيحاول يبعد عنها عشان هيا متظلمشي نفسها معاه
ولا هوا عاوز يظلمها

واذا كان فعلا بيحبها كان هيجي البيت ويربط كلام علي الاقل
انا من رأي انسي الموضوع دا وعيشي حياتك
وسبيها لله
لان كل شئ اسمه ونصيبوا
وكتبلنا كلنا نهايتنا ايه
بس صلي واستخيري ربنا

وقوللنا الحل ايه
بس انا بقولك دوسي علي قلبك عشان متتعبيش

{.... توقيع زائر ....}

سجل فى : 21/01/2008

قال ايه بيسالونى عنك يا نور عيونى
معقول اكون بحبك اكتر من نفسى ليه
حقيقى حيرونى فى الرد وغلبونى
عندى الاسباب كتيره وهقول ايه ولا اييييييييييييييييييييييهههههههههه

{.... توقيع thegangster elsayed ....}

سجل فى : 07/01/2009

بجد موضوع جامد جداااااااااااااااااااااااااا راىى فيه انه تحفه واكيد اكيد هشارك فى الموضوع دا

{.... توقيع دموع القمر ....}

سجل فى : 21/01/2008

ودك مهنينى قربك مخلينى انسان لقى نفسه بعد توهانه

{.... توقيع thegangster elsayed ....}

سجل فى : 26/01/2009

موضوع جميل جدا

ومشكور اخى على المجهود

الاكثر من رائح

تحياتى لك

{.... توقيع mido_2u ....}

سجل فى : 03/09/2007

توبيك جامد دى اول حاجة الحاجة التانية انا ليا رأى نعمل عضوية جديده اسمها " عندى مشكلة " ويكون الاعضاء كلهم عارفينها وعارفين الباسوورد واللى عنده مشكلة يدخل بيها يكتب مشكاتة ويخرج تانى تقريبا كده افضل من الايميل راى يعنى وشكرا ليك ياعمرو على المجهود

بالنسبة للمشكلة اللى فاتت

انا بقولها لو انتى بتحبية الواضح برده انو بيحبك بس يمكن مش عارف يعبرلك او ظروفة هى اللى مش مساعداه بس انا بقولك متتخليش عنة ومش تسيبية كمان وربنا يوفقك وشكرا

{.... توقيع elflestiny ....}

سجل فى : 06/05/2007

بصى انا هقولك على رائى الشخصى

هوا الانسان ده ممكن يكون بيحبك فعلا بس ظروفه صعبه وصعبه جدا كمان
اللى تخليه حتى مش عايز يقولك انه عايزاك معاه ودى حاجه تخلينا نفكر انه على الاقل انسان محترم لانه مش راضى يوعد
ويعيشك فى وهم وفى الاخر يسيبك عادى

فى حاجه تانيه بقى
ممكن اوى يكون مش بيحبك اصلا وزى ما تقولى بيعدى غربته انه بيتكلم معاكى ويعنى ممكن نوع من انواع التسليه
وعشان كده مرضيش يوعدك بحاجه عشان لما يفكر يبعد يقولك انا موعدكيش بحاجه
وباى حال من الاحوال
ابعدى عنه
لانه لو بيحبك هيبقى انسان سلبى ومعندوش اراده
عشان مش متمسك بيكى
وبعدين استخدمى عقلك مش قلبك
ده مش كلام واحد بيحب ومتمسك بالانسانه اللى بيحبها
ده لو بيحبك رغم كل ظروفه هيحارب الكون عشان مش تبقى لحد تانى
مش يقولك لو حد كويس اتقدملك وافقى
انتى تحمدى ربنا انه بعيد
عشان انتى كده ممكن تنسيه حاولى وابعدى عنه
وربنا هيكرمك خير ان شاء الله

ده مجرد راى شخصى وطبعا لو اتعارض مع راى اى حد فاختلاف الراى لا يفسد للود قضيه
ربنا يوفقك

{.... توقيع tea water_3 ....}

سجل فى : 31/10/2008

اولا فكرة التوبيك هايله يا عمرو وتستحق عليها الف مليون كلمة شكر

ثانيا البنت دي وقعت نفسها في مشاااااااكل من غير ما تاخد بالها لانها بانت قدام الولد دا انها بتبيع

علشان تشتري وياعالم اللي اشتريته دا هيستمر معاها وللا لآ هو اكيد فكر وقال طب لما هي سابت خطيبها علشاني

ممكن تسيبني علشان خاطر اي حد تاني ودا بدليل انه قالها تفكر بعقلها مش بقلبها ودا اكبر دليل انه شايفها غلطانه

وياريت ميكونش رأي مضايقها دا لو هي موجوده بيننا بس انا مبحبش الظلم

وياريت نعرف هي ازاي حلت مشكلتها دي

{.... توقيع جيرسي ....}

سجل فى : 21/01/2008

لالالالالالالالالالالالا
انا متعارض معاكى يا جيرسى تماما
اولا اقراى الموضوع كويس
ثانيا ماهو كان فى بينهم علاقه بشكل ما فبل مايسافر
ثالثا ودا الاهم ان كل مشكله وليها ملابساتها وظروفها احنا ممكن نكون مش عارفينها او هى متقدرش تقولها

{.... توقيع thegangster elsayed ....}

سجل فى : 30/10/2008

اولا ميرسى جدا ياعمرو على فكره التوبيك لانها بجد فكره جميله

ثانيا بالنسبه لصاحبه المشكله انا من وجه نطرى انها تبعد عنه وهو لو بيحبها هيعمل اى حاجه علشان يبقى معاها

{.... توقيع همسه؟ ....}

سجل فى : 31/10/2008

thegangster elsayed كتب:: لالالالالالالالالالالالا
انا متعارض معاكى يا جيرسى تماما
اولا اقراى الموضوع كويس
ثانيا ماهو كان فى بينهم علاقه بشكل ما فبل مايسافر
ثالثا ودا الاهم ان كل مشكله وليها ملابساتها وظروفها احنا ممكن نكون مش عارفينها او هى متقدرش تقولها

انا قريت الموضوع وقولت وجهة نظري ويارب هي تحل مشكلتها في اقرب وقت

وبعدين اللي بيحب بيتمسك بحبيبه لآخر لحظه مش يروح ويسافر

ولما ترجع هي ليه يقولها فكري لالالالالالالا مش شغال خالص

{.... توقيع جيرسي ....}

سجل فى : 22/12/2007

انا من رايى ان دة مش اسمة حب خالص
لانة اولا لو كان بيحبها مكنش هيوافق انها تتخطب لغيرة
وتانى حاجة مفيش حد بيحب حد وبيبقى اخر من يعلم يعنى مش بعد ماسافر يتصل يقولها انا سافرت
ثالث حاجة انو هو لو بيحبها كان قلها انا معاكى فالسهل والصعب
رابع حاجة وانا عاوزة اقولهلها انك متزعليش على حاجة وانشاء اللهى ربنا هيرزقك باللى احسن منة

{.... توقيع bota_samer ....}

سجل فى : 25/12/2008

اولا انا اسف جدا انى اتاخرت فى الرد ...لانى كنت مشغول شويه اكيد انته عارف ظروف الكليه اليوميين دول
فارجوا انك تسامحنى ...
ثانيا . فعلا انته عندك حق فى كل كلمه انته كتبتها كتير جدا من الاعضاء نسوا او تناسوا فايدة القسم دة وووظيفته الاساسيه واولهم انا ولا فخر ههههههه بس بجد اشكرك جدا لانك بموضوعك دة نبهتنى ونبهت بقيه الاعضاء الى مكنوش واخديين بالهم من وظيفه القسم دة ...فجزاك الله كل خير...
وانتظر المزيد والمزيد من ابداعاتك باذن الله...
بالتوفيق اخوك احمد @

{.... توقيع captinahmed2009 ....}

سجل فى : 10/11/2008

متشكر جدا ليك يا احمد ولمرورك

بجد اسعدتنى كتير وعزرك مقبول

وان شاء الله عاوز اسمع رأيك فى المشاكل اللى جاية

تحياتى ليك

{.... توقيع elmnar_2007 ....}

سجل فى : 10/11/2008

ازيكم يا شباب اتمنى تكونوا بخير

النهاردة معانا المشكلة التانية

وهيا معقدة شوية بالنسبة لصاحبة المشكلة

هعرضها ومحتاج أرائكم وخبرتكم

المشكلة بلسان الفتاة

الحكاية وما فيها انى بحب واحد وهو عايش برة هو واهلة وفجاة حصلت ظروف ونزلو مصر وبباهم اتوفى

وحبيبى دة لية اخ بس مخة عيالى شوية فجاة راح ارتبط بواحدة سلوكها مش تمام وفجاة لقيناة كتب

كتابة عليها من غير ما ياخد راى حد لان العيلة كلها كانت مغلطاة

والبنت دى كانت الناس بتقول على سلوكها كلام مش كويس ربنا يحفظنا يعنى
المهم انا حبيبى سافر ومامتة واهلة كلهم هناك
بقى اخوة بس هنا هو والبنت اللى اتجوزها

فجاة اخوة دة قال انو عاوز يسفر مراتو تولد هناك وبالتالى هتعد مع حبيبى ومامتة فالبيت

وبما انى عارفة سلوك البنت دى فاكيد مش هامن على خطيبى معاها

اسئلتى ليها

انتى متضايقة عشان البنت اللى رايحة لخطيبك ؟؟
اة طبعا علشان هيا مش كويسة وكدا

انتى مش واثقة فى خطيبك ؟؟
انا واثقة جدا جدا فية

سألتنى

انت لو اعد معاك واحدة مش تمام فبيت واحد وهى حاولت مرة واتنين وتلاتة تجر كلام وضحك وقلة ادبها هتعمل ايه ؟؟؟

فى عوامل كتير تخليه مايعملش كدا
اولا قوة ايمانه . . ثانيا حبه ليكى وخوفه منك وعلى مشاعرك

اتمنى تكون اسئلتى افادتكم
والموضوع بقى واضح امامكم

اتمنى اشوف الردود والحلول

تحياتى للجميع

{.... توقيع elmnar_2007 ....}