هو في رجالة اصلا

سجل فى : 08/01/2009

هو فى رجاله اصلآ "

.. بسم الله ما شاء الله الكلمه ده بقت موضه اليومين دول عند كل البنات

كل ما تسأل واحده يا حلوه متجوزتيش ليه وليه ما وافقتيش على

العريس اللى اتقدملك . تقولك ما ارتحتش بعد ما تطلع فيه القطط الفطسانه

ترزع جملة

" هو فى رجاله اصلآ "

وسعوا
شويه كده عزيزاتى الانسات مصر مليانه رجاله ايوه والبنات اقل من الرجاله
... مصر مفيهاش بنات واللى مش مصدق يجى ورايا للسطور اللى تحت

بتعرفى تطبخى يا حلوه ؟..

اعتقد ان معظم الشباب المتجوز حديثآ بيعانى من المشكله دى لان الست هانم

ملهاش علاقه بالمطبخ لانها كانت مشغوله فى السنين اللى فاتت من عمرها

بال make up والمرايه وسماع عمرو دياب لتكون النتيجه بعد الجواز مصيبة لما تدخل المطبخ

رز شايط .. ومكرونه محروقه .. وفرخه مغسوله بالرابسو

ياريت المسأله تنتهى عن كده .. لأ .. دا فيه غرامات ماديه مش بس الخساير اللى حصلت فى المطبخ

لكن كمان فلوس اكل التيك اواى اللى هايجى من بره والميزانيه تضرب

يعنى اتجوزتك يا حبيبى علشان يا عينى تخرب بيتك , واوعوا تفتكروا ان الضعف العام

اللى بيعانى منه الطفل المصرى بسبب الفقر بس , صدقونى السبب الرئيسى

ان الامهات الشابات مبيعرفوش يعملوا اكله عدله لا للراجل ولا للبيبى

طيب ..
تعرفى يا حلوه تعملى ميزانيه

الحق يتقال ان معظم بنات اليومين دول شطار فى عمل ميزانيه لل make up

وسى ديهات عمرو دياب واليسا وتامر حسنى والبرفانات وممكن تكون رومانسيه قوى

فتربيلها فى البيت قطه .. والقطه عايزه اكل او سلحفاه والسلحفاه سخنت عايزه دكتور

وتلاقيها مهتمه بالورد .. يعنى يعيش الورد والسلحفاه والقطه ويموت الراجل من الجوع

" انت مش مهتم بيه " شعار خراب البيت على ايد الاموره الشابه يبدأ من هنا

والمصيبة بقى " انت ما بتحبنيش زى الاول " ..

ومن هذه الجمل الشاب المسكين يحاول ان يثبت للهانم انه مهتم بيها وانه بيحبها

سينما يالا .. مصيف يادوب نلحق .. الشهر اللى جاى يومين فى شرم وبسبب الاثبات ده

غالبآ ما بيتفصل من شغله المسكين .. ولو ما حاولش يرضى الحلوه تلاقيها رافعه عليه

قضية خلع , الله يرحمك ياست امينه يا اميره يابنت الامرا ويرحم ايامك اللى كنتى بترضى

فيها بأى حاجه وعمرك ما قولتى مش مهتم بيه .

ثم فين البنت النهارده اللى تقدر تستحمل ظروف الشاب ؟.. وتقدر تحافظ على اسرار الراجل

من غير ماتنشرها ويلاقيها تانى يوم عند صاحبتها مديحه وانتيمتها رشا وزميلتها نهله

ثم ايه حكاية " استقلالى ومشاعرى .. واحساسى .. وشخصيتى "

فين ايام امهاتنا وجداتنا اللى كانت الواحده منهم ستر وغطا على راجلها ..

تعرف تحافظ على بيتها وتربى ولادها .. وتخفف على جوزها مشاكل شغله وتوفر له

الراحه والهدوء وتستناه بالميه السخنه والملح ... مش عايزين ميه سخنه بس عايزين زوجه عدله

بذمتكم .. الشاب مننا يتجوز مين ؟.. ويروح ليه لواحده تحرق دمه .. شبكه وشقه

والفستان بتاعى .. اصل انا عايزه فرحى يتحكى بيه

دا لو دفع فيها 50 جنيه وهى بالمواصفات اللى فاتت دى تبقى واقفه عليه بخساره

اعزائى الانسات حلال فيكم العنوسه .. ومبروك عليكم اللقب وزيادة العدد .

:pirat:

{.... توقيع مني ....}

سجل فى : 04/03/2009

علي فكرة يا منى موضوعك فوق الهايل وجميل جدا

عايز اقولك حاجة

البلد دي فيها رجالة كتير جدا جدا جدا
ولو حد هنا دخل الجيش هيعرف هما مين الرجالة
ويعرف البلد دي رجالتها بتعمل اية

سمحينى يا منى للاطالة عليكي

تقبلي مرورى

طــــــــــــــــ ـــــــــــــــارق

{.... توقيع طارق ....}

سجل فى : 10/12/2008

ههههههههههههههههههههههههههههههه
انتى معانا ولا معاهم يا منى
والله فى بنات جدعه جدااااااااااااااااااااا وتعرف تتحمل مسؤليه ازاى وتعيش فى اى ظروف
زى مفى رجاله بجد بمعنى الكلمه
بس الدنيا زى مفيها الحلو فيها الوحش

{.... توقيع عروس النيل ....}

سجل فى : 08/02/2009

ايه يا حجه منى ما تصلى على النبى انتى مع مين
ههههههههههههههههه
نيس توبيك يا منى :: Basketball

{.... توقيع @جنية بس اطاوطة@ ....}

سجل فى : 21/01/2008

ههههههه
الرجاله ماتوا فى الحرب مش باقى الا اشلاء
لالالالالالالا
الرجاله موجوده
تلاقى اعظم شيفات فى العالم رجاله
واعظم مصممين ازياء فى العالم برضو رجال

{.... توقيع thegangster elsayed ....}

سجل فى : 08/01/2009

انا مع الحق مش اكتر وفعنلا هو في رجالة اصلا

{.... توقيع مني ....}

سجل فى : 21/01/2008

ياستى ربنا يكرمك
بكره تقعى فى واحد
مش هيخليلك فى الليالى نجوم وتخطى فى كل خطوه هموم
وجالك يوووووووووووووووم

{.... توقيع thegangster elsayed ....}

سجل فى : 23/02/2009

لا ياستى البنات الجدعه موجوده
وبعدين رجالت مين بتوع الموبيل والاستايل سيبك دول رجاله
شوفتى رجاله عندك فى الكليه
ولا شفتى بنات عملين رجاله
ههههههههههههههههههههههههههه

{.... توقيع moody ....}

سجل فى : 04/03/2009

اللة عليك يا مودى

{.... توقيع طارق ....}

سجل فى : 23/02/2009

صح كدا اصل بتقولى رجاله
هما مش ماتوا
هما خلصوا

{.... توقيع moody ....}

سجل فى : 26/10/2007

هههههههههههههههههههههههههههههه
هو فعلا فين الرجاله
هههههههههههههههه
نيس توبيك يا منى
:SSS:

{.... توقيع beauty ....}

سجل فى : 08/01/2009

ااة
عندك
حق
ماتوا وذهبوا ولم يعودوا

{.... توقيع مني ....}