مبقتش فاهمه حاجه...؟

سجل فى : 30/10/2008

مبقتش فاهمه حاجه...؟
بتحبني ولا خلاص كرهتني..
مش كتر قسوتك مبقتش اصدقك حنيتك..
يا تري الظلم ده فيك..وكانت خدعاني عنيك..

مبقتش فاهمه حاجه...؟
عرفت فيك طيبه تملي الدنيا كلها..
وحنية قلب عمري في حياتي ما قابلتها..
وفي الاخر..شوفت منك حاجات عمري في حياتي ما صدقتها..

مبقتش فاهمه حاجه...؟
انت قاصد تجرح فيا..
ولا راجع ندمان عليا..
ولاجايز حنيت ليا..
بس انت حقيقي جرحت فيا..

مبقتش فاهمه حاجه...؟
ساعات اقول ده خلاص نسيني..
ولا عمره يوم هيفتكرني..
الاقي منك حاجات تقولي..
ده لسه فاكراك مش ناسيكي..
والدليل قدام عنيكي..

مبقتش فاهمه حاجه...؟
الدليل ده يبقي ليا...
ولا جايز يبقي ليها..
ماخلاص مبقتش لوحدي..
وشوفت بعنيه كلامه ليها..

مبقتش فاهمه حاجه...؟
بفتكرك في اليوم ميت مره..
والاقي كلامك كله حواليا..
وجرحك لسه معلم فيا..
وتقول معملتش فيا حاجه..
وكانه كان وهم وراح..
كان حلم حقيقي ومات..

مبقتش فاهمه حاجه...؟
جرحك ليا كبير في عنيا..
وده دليل علي حبي ليك ..اللي زرعته انت فيا..
لكنه باين صغير في عنيك..
وده دليل ان عمرك ما حسيت بيا..

مبقتش فاهمه حاجه...؟
نفسي حد يجاوبني ..
نفسي ابطل تفكير فيك..
مبقتش اشوف غير عنيك..
حتي في احلامي مشاركني فيها..
حرام والله اللي عملته فيا..

الحقيقه الوحيده اللي فهمتها واللي انت بنفسك اكدتها..ان مبدأ حياتي كان كله صح

{.... توقيع همسه؟ ....}

سجل فى : 06/08/2008

تسلم ايدك همســــــــــــــــــــــــــــــه

{.... توقيع شخص مجهول ....}

سجل فى : 30/10/2008

ميرسى كتير يا مجهول للمرور منور التوبيك فينك من زماااااااان

{.... توقيع همسه؟ ....}