رســـاله إلى الجميع..

سجل فى : 24/01/2009

[size=21]
الاعضاء والمشرفين والاداريين الاعزاء..
طيب الله مساءكم..

احب اعرفكم بنفسى قبل ما ابدأ فى اى شئ..
انا يقيـــن..
21 سنه..
مازلت أدرس..
عضوه بجمعية رســاله الخيريــه..

حبيت أتكلم شويه عن رســاله انا بأديها ويجب علينا كلنا اننا نأديها ونكون ايد واحد فيها..
الرســاله هى..(جمعيــه رســاله..)

عمرو..اتكلم شويه عن بعض نشاطات الجمعيه ونوه لكم عنها..
عمرو أيضاً عضو نشط من أعضاء جمعية رساله الخيريه..
ربنا يجازيه كل خير..

طبعا الجمعيه مشهوره والجميع عارفها لكن منكرش ان فى ناس كتير متعرفش ايه هى اهداف الجمعيه..حتى انا مكنتش اعرف عنها حاجه قبل ما ادخلها..

هقول نبذه بسيطه عن الجمعيه..
الجمعيه دى زى منا قلت هى جمعيه خيريه..يعنى بتقدم جميع المساعدات للمحتاجين..
للأطفال والكبار للى مش قادر والمريض والمسن..
ليها اكتر من فرع فى جمهوية مصر العربيه قد يصل الى 40 فرع..

وزى منا قلت بتقدم جميع المساعدات..
انا واحده من الناس مش لازم اقدم مساعده ماليه..ممكن تكون عندى أزمه..

منا ممكن اساعد بحاجه تانيه..زى مثلا الملابس اللى بدأت تكون قديمه عندى ومش محتاجاها..
او مثلا ازور المرضى والاطفال فى المستشفى او ازور دار المسنين او ازور دار الايتام..او ارسم البسمه على طفل من ذوى الاحتياجات الخاصه..

فى ناس فى الجمعيه بتتبرع بمجهودها..يعنى مثلا لو فى حد عنده مهاره فى التريكو او الحياكه..بيتبرع بمجهوده..الجمعيه بتخصص لهم الماتريال
وهما يشتغلوا وده يبقى تبرع..

الجمعيه بتعمل حفلات للأطفال المعاقين كل فتره..يكفى قوى اننا نحضر الحفله دى ونسعد طفل معاق ونرسم البسمه على وجهه..

ممكن اشترك انا واصحابى ونشترى العاب بسيطه..هى اه بسيطه لكن بالنسبه للطفل ده مش بسيطه..بالنسباله دى حاجه كبيره..

فى رمضان..الجمعيه بتعمل موائد رحمن..هما يجيبوا المواد الخام..
وكل عضو فينا قادر ياخد المواد الخام دى يتبرع بوقته يطبخها ويقدمها للإفطار..

طبعا فى ناس بتتبرع بالدم..

فى ناس بتتبرع بفلوسها..وفى رجال اعمال كتير جدا اعضاء فى الجمعيه دى..

الجمعيه بتعمل قوافل للزيارات..القوافل دى علشان نكتشف العائلات والاسر المحتاجه ونقيم عليهم بحث..
ونقدم لهم المساعدات اللازمه..طبعا للبحث اللى معانا..

انتوا عارفين فى ايه كمان..؟
فى اعداد مهوله من السوبر ماركت والصيدليات بيتبرعوا بالمكسب الخاص بيهم على كل مشترى من المشتروات..
وده حصل بالفعل معانا كتييييير جدا وبيعطونا الحاجه يمكن كمان بنصف الثمن..

ده غير ان فى دكاتره بتتبرع بوقتهم..(عمل انسانى..)

انا مش عاوزه اطول عليكم يا جماعه..
لكن اللى انا عاوزه اقوله..ان الناس دى بجد محتاجه لينا جدا جدا..
بأقل حاجه احنا ممكن نهون عليهم حاجات كتيره قوى..
انا نفسى تشعروا بالمتعه اللى احنا حاسين بيها..
لما بنزور ناس زينا زيهم..
هما محتاجين..لكن متنسوش حاجه مهمه احنا كمان محتاجين رحمة ربنا علينا..زى ماهو محتاج احنا كمان فى امس الحاجه اليه انه يدعى لنا دعوه جميله من قلبه..لابنا سبحانه وتعالى يتقبلها ويغفرلنا جميعاً..

بما ان فى حساسيه بين الشباب والفتيات..
انا هحط ايميلى وايميل عمرو..للاستفسار عن الجمعيه والعنوان لو عاوزين تشتركوا..وكمان لو هنعمل جروبات للزياره..

البنات لو عاوزينى تشتركوا فى الجمعيه..برجاء اضافتى وانا هعمل اللازم ان شاء الله..

miada_smile@yahoo.com

الشباب بالطبع هيكونوا مع عمرو..
وده ايميله..

elmnar_2007@yahoo.com

ولزيارة موقع الجمعيه..
http://www.resala.org/

اتمنى يا جماعه نكون ايد واحده فى الموضوع ده..
واى استفسار برده انا وعمرو موجودين..

ومتأسفه جدااااا على الاطاله..

[/size]

{.... توقيع يقيـــن ....}

سجل فى : 04/08/2008

ان شاء الله معاكى بس لما اخلص عرض

موضوع جميل
تسلم يا يقين

{.... توقيع triple_h ....}

سجل فى : 10/11/2008

تسلم ايديك يا ميادة والله

بجد مش عارف اقولك ايه

نبذة مختصرة جميلة جدا عن الجمعية

طبعا مهما قولتى الجمعية دى بتعمل ايه مش هتوفى جزء

من اللى هيا بتعمله لأن نشاطاتها كتير جدا

واللى انا وانتى بنعمل مايتذكرش ونفسى كل الشباب تبقى معانا

محهود هايل منك يا ميادة بحييكى من كل قلبى وربنا يوفقك

{.... توقيع elmnar_2007 ....}

سجل فى : 24/01/2009

triple_h كتب:: ان شاء الله معاكى بس لما اخلص عرض

موضوع جميل
تسلم يا يقين

اشكرك جداً ترابل على مرورك..
وان شاء الله تخلص عرض بالتوفيق ان شاء الله
..

{.... توقيع يقيـــن ....}

سجل فى : 24/01/2009

elmnar_2007 كتب:: تسلم ايديك يا ميادة والله

بجد مش عارف اقولك ايه

نبذة مختصرة جميلة جدا عن الجمعية

طبعا مهما قولتى الجمعية دى بتعمل ايه مش هتوفى جزء

من اللى هيا بتعمله لأن نشاطاتها كتير جدا

واللى انا وانتى بنعمل مايتذكرش ونفسى كل الشباب تبقى معانا

محهود هايل منك يا ميادة بحييكى من كل قلبى وربنا يوفقك

اللى احنا بنعمله ده ياعمرو يعتبر ولا حاجه زى منتا قلت وانا معاك فى ده..
ادينا بنحاول..واتمنى كل الاعضاء كمان يحاولوا..
وبالتوفيق ياعمرو ان شاء الله..

{.... توقيع يقيـــن ....}

سجل فى : 24/01/2009

أشكرك يا عمرو للتثبيت ألف شكر..

{.... توقيع يقيـــن ....}

سجل فى : 10/11/2008

العفو يا ميادة

موضوعك مهم ويستحق التثبيت

وشكرا لمجهودك الملحوظ فى المنتدى

تحياتى وبالتوفيق دائما بأذن الله

scratch

{.... توقيع elmnar_2007 ....}

سجل فى : 26/10/2007

جزاكى الله كل خير يا مياده
وان شاء الله تلاقى اعضاء كتير معاكى

{.... توقيع beauty ....}

سجل فى : 26/01/2009

موضوع جميل ومهم

وتسلم ايديكى يا يقين

عالموضوع الخيرى دا

وتقبلى مرورى البسيط

تخياتى ميدو

{.... توقيع mido_2u ....}

سجل فى : 31/10/2008

ربنا يجعله في ميزان حسناتك يا مياده انتي وعمرو ودي فكرة حلوة اوي

وزي ما قولتي احنا محتاجين رحمة ربنا بينا لان النعمة بتزول وربنا هو اللي عالم ايه اللي هيحصل

علشان كدا انا لو ينفع اشترك في الجمعيه دي ياريت اكون عضوة فيها بس انا مش هقدر اعمل اي حاجه فيها

غير لما اخلص امتحاناتي الاول لان العرض اخد الوقت كله وملحقتش اذاكر

ربنـــــــــا يوفقكـــــــــوا

{.... توقيع جيرسي ....}

سجل فى : 29/12/2008

انا معاكى انشاء الله يا يقين .....بس زاى ما قالت جيرسى لما نخلص امتحانات وانشاء الله نكون معكم بمفاعلة قوية

{.... توقيع جنة الاسلاام ....}

سجل فى : 24/01/2009

beauty كتب:: جزاكى الله كل خير يا مياده
وان شاء الله تلاقى اعضاء كتير معاكى

ان شاء الله يا بيوتى ربنا يتقبل منك..
ونكون ايد واحده فى الموضوع ده..
واشكرك جدا لانضمامك فى الجمعيه..[size=18][/size]

{.... توقيع يقيـــن ....}

سجل فى : 24/01/2009

mido_2u كتب:: موضوع جميل ومهم

وتسلم ايديكى يا يقين

عالموضوع الخيرى دا

وتقبلى مرورى البسيط

تخياتى ميدو

انا متقبله مرورك اكيد يا ميدو من غير اى حاجه..
وربنا يعينك ويعيننا على فعل الخير..

{.... توقيع يقيـــن ....}

سجل فى : 24/01/2009

جيرسي كتب:: ربنا يجعله في ميزان حسناتك يا مياده انتي وعمرو ودي فكرة حلوة اوي

وزي ما قولتي احنا محتاجين رحمة ربنا بينا لان النعمة بتزول وربنا هو اللي عالم ايه اللي هيحصل

علشان كدا انا لو ينفع اشترك في الجمعيه دي ياريت اكون عضوة فيها بس انا مش هقدر اعمل اي حاجه فيها

غير لما اخلص امتحاناتي الاول لان العرض اخد الوقت كله وملحقتش اذاكر

ربنـــــــــا يوفقكـــــــــوا

ان شاء الله يا جيرسى ربنا يتقبل منك دعواتك دى..
فعلا احنا محتاجين رحمة ربنا علينا بل فى امس الحاجه اليها..
وياستى تيجى فى اى وقت الجمعيه بترحب فى اى وقت يا جرسى واكيد احنا مش عاوزين نضغطك..
ونتمنى الجمعيه متأثرش على مستواكى داخل الجامعه..

{.... توقيع يقيـــن ....}

سجل فى : 24/01/2009

جنة الاسلاام كتب:: انا معاكى انشاء الله يا يقين .....بس زاى ما قالت جيرسى لما نخلص امتحانات وانشاء الله نكون معكم بمفاعلة قوية

طبعا يا جنه تيجوا الجمعيه وتشاركوا فيها فى اى وقت..زى ماتحبوا وزى ما الظروف الوقت يسمحوا ليكم..
وزى ماقلت لجيرسى الجمعيه مش علشان تأثر على مستواكم الجامعى..
بالعكس الموضوع بيكون حسب ظروفكم انتم هل هتقدروا فى الوقت الفاضى وللا لأ..

أشكرك لانضمامك جنه..