هل هذا الجيل فاشل

سجل فى : 19/04/2010

السلام عليكم ورحمة الله وبركاته

الكثير من أهالي هذه الأيام يعتبروننا جيل فاشل...
وانه الزمان تغير وليس مثل ما كان عليه

وأننا لا نقدر على تحمل أي مسؤولية..

وأنه زمن الاتكال على الغير..

تسمعهم يتحسرون على ايامهم الماضية..

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟

وهل هم دوما محقين فيما يذهبون إليه ؟

وهل يخلو عصرنا من كل شيء جميل لهذه الدرجة التي يرونها ؟؟؟

اريد ان اسمع ارائكم بعقلانيه دون تعصب لزماننا

هل فعلا نحن جيل فاشل ؟!!!

تحياااااااااااااااااااااااتى

{.... توقيع الجوكر ....}

سجل فى : 25/08/2009

بجد ياجوكر اه احنا جيل فاشل
ممكن تقولى انت بتعمل ايه فى حياتك انت عاوزه
او حققت ايه فى حياتك
او عملت ايه صح فى حياتك
من غير زعل

{.... توقيع knoz knooz ....}

سجل فى : 12/03/2010

ربنا يكرمك يا كنوز زى ما كرم جابر

بس انا راى اننا مش فاشله ولا حاجه لاننا لسه مجربناش اصلا علشان نفشل بس لما تتاح لينا الفرصه
يهئ لى اننا هننجح وهنبقى احسن من اى حد سبقنا

{.... توقيع shawrma ....}

سجل فى : 25/08/2009

ان شاء الله
ربنا يوفقكوا يارب
وأتمنى ليكو كل الخير

{.... توقيع knoz knooz ....}

سجل فى : 19/04/2010

ليه بس يا كنوز الحكم القاسى ده
على راى شاورما احنا لو جربنا هننجح
و مشكور يا شاورما على دفاعك الجمي عن جيلنا

و يسلم مرورك يا شورما

و تسلمى يا كنوز على المرور الجميل

{.... توقيع الجوكر ....}

سجل فى : 07/07/2008

والله احنا بنعمل العلينا
والمهم بكره هنبقى ايه وهنكون وصلنا لفين
وده المفروض نبدأ فيه من الوقتى

{.... توقيع fasfosa ....}

سجل فى : 22/09/2010

انا عندى رأي تانى يا باشا
هم تعون زمان بيقولو عنا جيل فاشل لانهم مش قادرين يفهمو جيلانا لان جيلهم اصلا رجعى وقديم
يعنى ليه بتاع الخضرة بيقول عنا جيل فاشل وكمان سواق التكس
اما الطبيب ودكتور الجامعة فبيقولولنا انت الشباب اساس المجتمع وبنات المستقبل
لان الدكتور والطبيب واللى زيهم متعلمين ,, ئادرين يفهمو جيلانا صح
وصوابعك مش واحد جيلان فيه كده وكده وجيلهم برضو فيه كده كده
واحنا لو فاشلين كان ما وصلنا للى احنا فيه على الاقل بنتناقش بالموضوع ده ومدركين لنفسنا كويس ولمكانتنا بالمجتمع وآرائ المجتمع المتناقضة عنا ...

لو احنا جيل فاشل طيب اللى بقولو كده يحاولو يتخيلو دنيتهم من غير جيلانا ويورونى إزا هيعيشو
( الجندي والطباخ ) من جيلنا ,, ده مثال جدا جدا بسيط تخيل مفيش جنود ولا طباخين ههههه
خلى الجيل القديم ده ياكل وكمان يحمي نفسه ههههه

يا عم احنا جيل زي العسل ومفيش كلام تانى
الله يسعدكم ويسعد حياتكم وايامكم يا احلى جيل بيكفيى اصلا انو انا من جيلكم اصلا ههههه

تحياتى

{.... توقيع emad ....}

سجل فى : 19/04/2010

نورت التوبيك يا عمده
و بصراخه رأى حلو جدا و مقبول

و ميرسى لمرورك يا فسفوسه

{.... توقيع الجوكر ....}

سجل فى : 16/09/2010

تسلم ايديك يا جوكر بس اكيد لو كل واحد بص لبكرة بعين التفاؤل اكيد
فى حاجات كتير هتتغير للاحسن

{.... توقيع love.hob21 ....}

سجل فى : 19/04/2010

ميرسى ليكى كتير

و كلامك كله حكم

و نورتى التوبيك

{.... توقيع الجوكر ....}

سجل فى : 16/09/2010

دا نورك مرسية

{.... توقيع love.hob21 ....}

سجل فى : 07/07/2008

لو احنا جيل فاشل صحيح
فالموظف المرتشى فاشل ورجل الاعمال الفاسد فاشل والعامل الكسول فاشل
انا بقيد رأى شورما ان احنا لسه موصلناش لمرحله الفشل
احنا فى مرحله مراهقه يمكن مرحله مشوشه لسه مبدأناش حياتنا
الجيل التالى هو يحكم علينا وليس السابق لان احنا المفروض نحكم ع الجيل السابق لانهم قدوه لينا
انا اقصد الجيل كله بعينه
ولو كان الاساس كويس فاكيد الفروع هتبقى احسن
احنا بنحارب اخطاء الجيل السابق ودى كلها عقبات ف طريقنا ومجرد ان احنا تحاول نتخطاها ونتغلب عليها اظن ده لوحده يعفينا من لقب فاشل
وطبعا صوابعنا مش زى بعضها
الفشل عامه مجرد مرض يمكن يكون مزمن ويمكن يكون مرض عابر سهل نتعالج منه

{.... توقيع fasfosa ....}

سجل فى : 19/04/2010

كلامك 100 100 يا فسفوسه

{.... توقيع الجوكر ....}