عندما يسألك طفلك . . ماذا تفعل

سجل فى : 10/11/2008

كلما تطور الزمان أصبحت الأسئلة أكثر تعقيدا وتحتاج إجابات أكثر منطقية من السابق.. مثل «هو

ربنا مش عايش فوق طيب ليه الجامع بيت ربنا ؟».. «ربنا عنده كام سنة ؟».. «هو ليه ربنا مش

بيموت الإسرائيليين إذا كان مش بيحبهم ؟».. « هو يعني ايه ربنا عنده عرش ؟

بابا هو ربنا عايش فين ؟
هو مين ربنا؟
ماما احنا ليه ما بنشوفش ربنا؟
هو ربنا ليه ايدين ورجلين زينا ؟
الأبلة قالتلي النهاردة إن ربنا عايش فوق في السما بس الحمدلله إن مالوش رجلين عشان هو كبير ولو داس علينا هنموت كلنا

يا مستر هو ربنا بياكل ويشرب زي الناس ؟ ولو ما بياكلش عايش ازاي ؟

«هو ربنا إنسان زينا؟
هو ربنا أقوي ولا سوبر مان؟

مئات الأسئلة تخطر علي أذهان الأطفال وكلها تبحث عن إجابة حتي تتضح معالم معرفتهم بالله

طبعا الاطفال اللى من النوع دا قليلين اليومين دول
بس انا عاوزك تقوليلى او تقولى لو ربنا رزقك بطفل
عايز يعرف معلومات عن ربنا وسألك الاسئلة دى
هتوصلهاله ازاى دا مهما كان طفل ولازم تتخذ معاه اسلوب معين
موضوع مهم وأتمنى من الجميع المناقشة

تحياتى

عمرو

{.... توقيع elmnar_2007 ....}

سجل فى : 12/04/2007

لو عافه دينى كويس
ومتعلمه كويس
وعندى خبره اكيد هجاوب على اى سؤال

{.... توقيع nona ....}

سجل فى : 29/01/2008

هو يعنى بغض النظر عن النوع ده من الاسئله فى نوع تانى من الاسئله فى الحياه
واعتقد انه بيكون الاجابه عليه اصعب
يعنى عندى اخويا الصغير بيسالنى اسئله بصراحه مش ببقى عارفه ارد عليه عشان اقنعه احيانا السؤال بيكون كبير على حجم الطفل بس طبعا على اد ما اقدر برد عليه بامثله سهله الى حد ما

{.... توقيع SAMAR_M ....}

سجل فى : 24/01/2009

موضوع بجد مهم احييك عليه..
اكيد الوضع مع الأبناء بيكون حرج جداً وخصوصاً لو كانوا لسه صغيرين ودايماً يسألوا أسئله يصعب الاجابه عليها وهما فى سنهم ده..
فى الحاله دى لازم الاب او الام يكونوا حذرين جداً فى التعامل معاهم ويكونوا عندهم ثقافه كافيه علشان يقدروا يردوا عليهم ويجاوبوهم الاجابى المثلى..

فى الظروف دى ياعمرو انا معنديش الا خيار واحد..
وهو انى اقوللهم الحقيقه لكن بطريقه هما يفهموها ويحسوها..
ولازم اقوللهم ان ربنا سبحانه وتعالى كبير جداص منقدرش نوصفه لاننا مش شايفنه وهو مراقبنا..
فى المرحله دى هنتهز الفرصه وافهمه ديننا كويس قوى والقرآن الكريم بيتكلم عن ايه..
لان دى المرحله الوحيده اللى الطفل فيها بيكون عنده حب استطلاع عالى جدا وبيكون عاوز يعرف كل حاجه حواليه..

ان شاء الله تكون فتره موفقه..

موضوع جميل يا عمرو بجد بس قوللى انت هتعمل ايه؟ :410:

{.... توقيع يقيـــن ....}

سجل فى : 10/11/2008

متشكر جدا جدا جدا يا ميادة لمشاركتك الجميلة
واهلا بيكى فى اسرة تربية رياضية
واتمنى انك تكونى مبسوطة معانا فى المنتدى
اما بالنسبة لأنى هعمل ايه
أكيد مش هعمل اكتر من اللى قولتى عليه
وكل اللى بتمناه من الدنيا انى يكون عندى طفل
ربنا يكون هوا رقم واحد عنده وربنا يقدرنى وأأدى رسالتى بسلام
اسعدنى مرورك يا ميادة والله
واتمنى تواصلك الدائم لمتصفحى المتواضع

{.... توقيع elmnar_2007 ....}

سجل فى : 16/11/2008

اكيد هوصاله المعلومات دى من خلال معرفتى وعلاقتى بربنا ودينى
وتسلم ايدك ياعمرو على الموضوع الجميل ده

{.... توقيع manchy ....}

سجل فى : 21/01/2008

شوف يا مولانا
كل دى اسئله منطقيه مش بس الاطفال بيسالوها
عند كل الناس بتتردد فى ذهنهم
بس دى حاجات مستوى تفكيرها اعلى من مستوى تفكير العقل البشرى........ ازاى؟؟؟
دى عند ربنا سبحانه وتعالى بس
ولا يحق لبشر السؤال
اما لو طفلك سالك
فانت لو فى قلبك اليقين بالله
طفلك كمان من خلال الاجابات اليقين هيدخل قلبه تلقائى

يقينى بالله يقينى
والحمد لله على نعمة الاسلام

{.... توقيع thegangster elsayed ....}

سجل فى : 10/11/2008

اقتباس :

يسلملى مرورك يا مانشى

تحياتى لكى بكل ود

تسلم يا سيد

احترم رأيك

تحياتى ليك ولمرورك

نورت التوبيك يا نجم

{.... توقيع elmnar_2007 ....}

سجل فى : 21/01/2008

ربنا يخليك يا حبيبى

{.... توقيع thegangster elsayed ....}

سجل فى : 10/02/2009

موضوعك مهم جدا يا عمرو والاطفال عامة لازم يرد عليهم بقدر عقولهم وطبعا لازم تكون اجابات صحيحة لانها حتكون الاساس الى بتبنى علية طفلك وربنا يعيننا كلنا على المهمة دى

{.... توقيع حنان لله ....}

سجل فى : 10/11/2008

اقتباس :: موضوعك مهم جدا يا عمرو والاطفال عامة لازم يرد
عليهم بقدر عقولهم وطبعا لازم تكون اجابات صحيحة لانها حتكون الاساس الى
بتبنى علية طفلك وربنا يعيننا كلنا على المهمة دى

متشكر جدا لمرورك

نورتى التوبيك حنان

{.... توقيع elmnar_2007 ....}