نقاش جرىء جدا جدا

سجل فى : 10/11/2008

السلام عليكم ورحمة الله وبركاتة

ازيكم يا احلى اعضاء

اولا انا فكرت كتير جدا قبل ما احط التوبيك دة
وبصراحة انا ما حطتوش الا للضرورة القصوة
اهم حاجة الموضوع للنقاش الصريح
وارجوا ان محدش يزعل منى
وانا فضلت انه يكون هنا أفضل
من انه يكون فى قسم النقاش

التوبيك بيدور حول اسئلة كتير
انا هقسمة على مراحل معينة

المرحلة الاولى

اسئلة متعلقة بالموضوع
س 1 : حبيت او حبيتى قبل كدة ؟
س 2 : لو كنت حبيت قبل كدة استفدت اية منة ؟
وبصراحة هو دة السؤال اللى انا عامل التوبيك علشانة

اولا بالنسبة للشباب
انا دائما بشوف الاولاد بيجروا ورا البنات
الولد اللى يعنى على قد حالة تلاقية ليل نهار شغال وطالع عينة
والقرشين اللى يجمعهم طول السنة يروح يجيب ليها هدية فى عيد الحب وفى الاعياد والمناسبات
وكذلك الشاب الغنى ايضا يصرف ببذخ ويسرف فى سيبل ان يوقع احدى الفتيات فى حبة وغرامة
وفى الاخر بعد دة كلة

ممكن تقولى انت استفدت اية من الموضوع دة
تعب عمرك وشقاك ضاع فى كلمتين هى قالتهم
اة بحبك وبموت فيك ؟
طيب انت لو بتحبها لية مش بتتقدم ليها ؟
طيب لية ممكن تزعل مع واحد صاحبك لمجرد بنت ؟ ...مع العلم انك مش بتحبها للدرجة اياها
طب واستفدت اية
بالنسبة ليك وانت طالب لية سبت المحاضرة او الدرس وفكرت فى كلمة قالتها لك
او فكرت فيها علشان هى زعلانة منك ؟
مش دى خسارة بالنسبة لك ؟

ممكن اعرف حاجة واحدة هو الحب دة احسن ولا حب العبادة عندك ؟ اكيد هتقولى حب العبادة
طيب لية بتزعق لوالدك لما بيطفى الاغانى علشان الاذان بيأذن او القرأن شغال وتقولة مش شايفنى عايش مع الاغنية ؟

اية هو اللى احسن ؟
يا من اصبحت عاقا لوالديك بسبب الحب ؟ لية كدة

ياللى صرفت تعب ابوك وشقاة علشان خاطر الكلمتين دووووووووووول
استفدت اية ؟

بالنسبة للفتيات

ممكن اعرف انتى لية بتعملى كدة ؟

لية تسمحى ان اى مخلوق يقول عنك كلمة مش كويسة ؟

لية تخلى انسان يمكن اقل منك فى العلم والمنزلة المادية يقول كلمة عليكى مش كويسة ؟

لية ممكن تخاصمى اهلك وتزعلى مع والدتك علشان خاطر بتحبى الاخ دة ؟

طيب لو هو بيحبك لية مش بيتقدم لك ويتزوجك على سنة الله ورسولة ؟

ممكن اعرف استفدتى اية من الحب ؟

كسبتى اية غير كلام الناس والملامة ؟

لو الاخ دة سابك واتقدم لك واحد وسأل عنك وعرف اللى حصل قبل كدة هيكون موقفك ساعتها اية ؟

معلشى فى الحوار دة
بس بصراحة هو دة اللى بيدور فى عقلى
وبصراحة انا شايف ان الشاب لو حب البنت وهى حبتة يبقى يتقدم ليها دة لو نيتة صافية
هتقولى الحالة المادية
هقولك اشمعنا دلوقتى طيب ما القرشين اللى انت صرفتهم عليها فى الاعياد دول كانو ممكن يساعدوك فى بناء بيتك
بدل ما تصرف وفى الاخر دة كلة يضيع علشان
كلمة او موقف واحد منك
ولا هى هترجع لك الهدايا تانى ؟

ممكن اعرف كسبت وكسبتى اية غير انك عصيت الله ورسولة ؟

طيب لية تقبلة على بنت اخ ليك فى الاسلام
وما تقبلوش على اختك ؟

طيب وبعدين اخرتة اية ؟

معرفشى والله
مع احترامى للجميع
ارجو ان تشاركونى الرأى
لانى بصراحة الموضوع دة مبنى على قصة حصلت
وبصراحة انا مش لاقى اى اجابة للاسئلة دى
غير كلمة واحدة
صاحب القصة قولت لة لية كدة رد على بكلمة وقالى
نقاش جرىء جدا جدا Eh_s(21)

( الحب يا عمروالحب ) نقاش جرىء جدا جدا Eh_s(21)

ارجو انكم تساعدونى فى فهم تلك الحقيقة الغير موجودة
شكرا ليكم جميعا

{.... توقيع elmnar_2007 ....}

سجل فى : 04/08/2008

( الحب يا عمروالحب ) نقاش جرىء جدا جدا Eh_s(21)

ارجو انكم تساعدونى فى فهم تلك الحقيقة الغير موجودة
شكرا ليكم جميعا

انت اخترت موضوع جامد جدا جدا جدا جدا
بس للاسف
مفيش ح يشارك فيه
انت قلت كلام صعب جدا جدا جدا

بس ياريت يا عمرو تقولى انت ايه رايك

بشكرك جدا جدا جدا جدا جدا على اتصالك وعلى انك بتطمن على
شكرا يا عمرو

{.... توقيع triple_h ....}

سجل فى : 26/10/2007

ع فكره انت كلامك صح جدااااااااا

وايه اساسا الحب ده
دى كلمه بتتقال وخلاص لغرض التسليه اوى لاى غرض

فى حب بجد
اللى هو حب العبده زى ما قولت وحب الاهل والاصدقاء
مش حب الولد والبنت ده

بجد موضوع جميل جدااااااااا

{.... توقيع beauty ....}

سجل فى : 22/12/2007

الحمد لله من تانى شهر عرفتة فية وحبينا بعض اتخطبنا واتعرفنا اكتر على بعض بعد الخطوبة بس مقدرش انكر اننا كنا بنحب بعض قبل الخطوبة ودلوقتى وبصراحة بنحب بعض اكتر يمكن علشان الموضوع بقى فالنور وكل المشاكل اللى كنا هنقابلها واحنا مش مخطوبين منعناها وخلينا يبقى الموضوع ادام الناس

{.... توقيع bota_samer ....}

سجل فى : 10/11/2008

انا هاقولك رأييى يا ترابل

مع العلم ان اختلاف الرأى لا يخلف فى الود قضية

انا مقتنع ان لو هيبقى فى صداقه بين الجنسين ماينفعش تبقى

[size=21]زى صداقه بنت مع بنت او ولد مع ولد

يعنى لما بنت تحكى لك اسرارها دى خصوصيه انا شايفها زياده

بصراحه... وسمعت ناس كتير بتعملها وفى بنات فعلا مش

بيرتاحوا غير مع اولاد معينيين ويحكوا معاهم همومهم

بس حتى لو الولد حاسس الموضوع عادى ومش مؤثر

عليه ..مانقدرش نضمن عواطف البنت !! لانها لما بتلاقى الاهتمام

ده والخصوصيه دى غصب عنها مهما طال الوقت انا شايف انها

فى النهايه لازم هتوصل لمرحلة التعود ع الانسان ده ومنها

هتدخل فى حب وتبقى مشكله كبيره وازمه نفسيه لان البنت طبعا

ماتقدرش تفرض ع الولد يغير وجهه نظره اللى كانوا متفقين

عليها حتى لو مش بالكلام بس من خلال انها شايفه الولد ( انهم

بيتعاملوا اخوات) .. ساعتها يبقى كان ليه التخصيص فى الكلام؟؟

عايز اقول حاجه حتى لو كانت فى بدايه كلامهم بيكون عن ربنا بس لو

دخلوا فى الخصوصيات ساعاتها البنات بالذات

بتفقد سيطرتها على عواطفها خاصه انها غير مستقره (فى فترة المراهقه )

يبقى دى حاجه ماتقدرش تجزم بعدم حدوثها بل دى نسبه كبيره بتكون ان

الغريزه بتغلبهم ..مع الوقت والشيطان اللى مش قاعد ساكت

لازم زى مااقنعهم بان الموضوع عادى جدااا وانهم بيتكلموا عن

ربنا يعنى بيفيدوا بعض هيقدر يطور الامور من غير مايشعروا

لانه يعرف ازاى يبنج ؟؟ ده دكتور تخدير

وشكرا جدا يا ترابل على انك اعطيتنى الفرصة دى

وانا اسف جدا عالاطالة

تحياتى للجميع

{.... توقيع elmnar_2007 ....}