كم واحد فينا يقدر يعمل زي الطفلة دى؟! صورة للعبرة يا محبط

سجل فى : 10/11/2008

السلام عليكم ورحمة الله وبركاته

[ندعوك للتسجيل في المنتدى أو التعريف بنفسك لمعاينة هذه الصورة]

الصورة دى شوفتها واستوقفتنى كتير

الأول بصيتلها عن طفولة ممكن تكون مشردة

أو ان الحاجه ممكن تخلى طفلة تتذل ( بالنسبة لسنها ده ) وتقعد القعده اللى قاعداها دى

لكن بعد كده فكرت فى حاجه تانيه

فى الشباب العاطل واللى مش لاقى شغل ... الشباب اللى اهله صرفو عليه وفى الاخر مش عايز يشتغل غير شغلانه تريجه يقعد مرتاح وخلاص ...

فى الشباب اللى اتعلم ومعاه شهادة ( اينعم مفيش شهادة تسوى فى البلد دى ) وبيضع علمه فى الكلام الفاضى ومش مدور على شغل ولا غيره ... بالنهار نايم وبالليل يا على القهوة مع اصحابه يا فاتح النت وخلاص على كده
ويقول انا بدور على شغل مناسب ...

[ندعوك للتسجيل في المنتدى أو التعريف بنفسك لمعاينة هذه الصورة]
طيب الطفلة دى فى سنها ده بتشتغل وتتعلم قاعده على الارض وفى اديها كراسة وقلم وبتذاكر اللى بتتعلمه
وقدامها حاجات تبيعها علشان تقدر تجيب تمن الكراسة والقلم وتقدر تاكل وتعيش

لكن هنا بنقول امتى نخلص من التعليم وقرفه ( فعلا تعليم واطى ويقرف ويعل ) ولما نخلص نقول بقى هنشتغل والاحلام الورديه تملانا ونقول هنشتغل وهنعمل ونرجع نصطدم بالواقع ان بلدنا مفيهاش شغل ونكون متأكدين جداااا ان محدش بيشتغل بشهادته وبرده بنقول وظيفة مناسبة ..

طيب الوظيفة المناسبة دى مناسبة لايه بالظبط؟

التعليم الواطى اللى نسيناه بقعدتنا على القهاوى ولا اللف مع اصحابنا ولا الشات على النت والجري ورا البنات

ولا وظيفة مناسبة للامكانيات والقدرات ... طيب مين اللى هيقدرك؟ ولا اللى هيقدرك ده هييجى لحد بيتكو يقول عندكو حد امكانياتو كذا وكذا؟!

صاحب الشغل مش بيقدر حد الا لو شاف امكانياته على ارض الواقع .. يعنى تدخل مكان وتشتغل وتثبت نفسك

محدش لاقى اللى يقدره سواء فى التعليم ولا الامكانيات.... طيب بحكم تجاربى فى الشغل ... مفيش اي شغل فى الحياة مش بتستفيد منه ومش بتتعلم منه حتى لو كانت امكانياتك وقدراتك اعلى منه بمراحل ... برده فى وجه استفادة ... وابسط وجه استفادة لو كلامى مش مقنع ... هو انك هتضيف خبرة عمل فى السيرة الذاتية بتاعتك C.V وهتفرق معاك ان اللى هيشوف انك اشتغلت حاجه هيقدر من خلالها يقول ان لك امكانيات وقدرات ....

دعوة للعمل المتاح حتى تأتى الفرصة المناسبة التى ينتظرها الجميع

اشتغل اللى موجود قدامك وشوف ودور على غيره احسن منه لحد ما توصل

ابدأ السلم من اوله ومتحاولش انك تنط لفوق علطول

اللى بيحاول ينط .... تخيل معايا المنظر لو سمحت ... واحد واقف على الأرض وقدامه سلم وعايز بنط على اعلى درجه فيه ... مش هيقدر ينط وهو واقف فى مكانه ... هـــــــــــيــــــرجــــــع ورا على اد ما يقدر وبعدين هـــــــــــيجـــرى لقدام علشان ينط فوق ... ويمكن لما ينط مينطش صح ويقع يتكسر يبقى ما نابه الا انه رجع وانكسر

وفى حل تانى ... انك تطلع على السلم درجة درجة لحد ما توصل أخره وفى الحالة دى مش محتاج ترجع ورا وصعب انك تنكسر

[ندعوك للتسجيل في المنتدى أو التعريف بنفسك لمعاينة هذه الصورة]
اخيرا عندى فضول اعرف الطفلة دى هتوصل لحد فين لأنها بدأت تطلع على السلم من وهي طفلة مش لما كبرت وبقت فى سن الشباب واخدت خبرة الناس الكبار قبل ما يكتسبها الكبار نفسهم

فى امان الله

{.... توقيع elmnar_2007 ....}

سجل فى : 22/12/2007

واللهى وجعتلى قلبى وميرسى على الموضوع

{.... توقيع bota_samer ....}

سجل فى : 16/04/2007

فعلا موضوع جامد

المسالة عايزة تفكير

{.... توقيع dr_sport ....}

سجل فى : 04/08/2008

صورتك معبرة عم موضوعك

وبجد انت تنفع تشتغل صحفى

بتجبلنا حاجات جامدة من الشارع وبتبقى حقيقة

ربنا يخليك يا مااااااااااااااااااااااااااااااااان وميحرمنيشى من مواضيعك الانسانية

تقبل مرورى يا ماااااااااااااااااااااااااااااااااااااااااااااااان؟

بس على فكرة والله انا لسه قارئ رسالتك امبارح؟
ارجوا المعزرة

[ندعوك للتسجيل في المنتدى أو التعريف بنفسك لمعاينة هذه الصورة]

{.... توقيع triple_h ....}

سجل فى : 04/08/2007

فعلا موضوع جامد

{.... توقيع snow white ....}

المؤسس و المـديـر العـــام · سجل فى : 10/01/2007

موضوع هايل عمرو
و بجد انتا بتلمس مشكله جامده جدا
بس هل بعد ما عرضت المشكله تقدر تطلع ليها حل
و لا كالعاد كل المشاكل فى بلادنا ملهاش حل
و بقرر شكرى ليك
و تقبل مرورى

{.... توقيع AdM!N ....}

سجل فى : 10/11/2008

اقتباس :

واللهى وجعتلى قلبى وميرسى على الموضوع

متشكر جدا

نايس مرورك

{.... توقيع elmnar_2007 ....}

سجل فى : 10/11/2008

اقتباس :

ترابل

بجد اسعدنى مرورك يا مان

وبالنسبة للرسالة ولا يهمك

انا مش بزعل بسرعة كدا

وعلى العموم انا ضيفت الميل

وشكرا لمرورك مرة تانية

{.... توقيع elmnar_2007 ....}

سجل فى : 10/11/2008

اقتباس :: فعلا موضوع جامد

شكرا لمرورك

اتمنى التواصل

{.... توقيع elmnar_2007 ....}

سجل فى : 10/11/2008

اقتباس :: موضوع هايل عمرو
و بجد انتا بتلمس مشكله جامده جدا
بس هل بعد ما عرضت المشكله تقدر تطلع ليها حل
و لا كالعاد كل المشاكل فى بلادنا ملهاش حل
و بقرر شكرى ليك
و تقبل مرورى

شكرا يا ادمين

يارب دايما مواضيعى تكون عند حسن ظن الجميع

تحياتى ليك بكل ود

{.... توقيع elmnar_2007 ....}

سجل فى : 13/01/2009

واللة موضوع جميل يارب البت دى ربنا يكرمها

تعرف انها فعلا رغم صغر سنها

احسن منن ناس كتير عيشين

شكرا على الموضوع الرائع

{.... توقيع شادن ....}

سجل فى : 12/04/2007

موضوع هايل
بس يوجع القلب
ويحسسنا ان عندنا برود اعصاب ولا مبالاه

ربنا يوفق اللى زيها للخير

وشكرا للموضوع

{.... توقيع nona ....}