قلب مجروح .... أه وألف أه

سجل فى : 30/10/2008

اعترافات قلب مجروح
الموضوع مفيش فيه اي نوع من الامل
لانه بيتكلم عن حالة موجوده في قلوب ناس كتير اوي
ويا ريت يا جماعه لو حد هايتعب
او يتشائم بلاش يكمل قراءة لاني مش عاوزه اشيل ذنب حد

انا عارفه ان الكلام ده يمكن يكون مش جديد
بس يمكن في ناس منكم حاسين بيه و مش لاقيين حد يقولوله عليه
وممكن ناس تانيه تقول ان ده رد فعل زياده عن اللزوم تجاه الحياة
بس دي اعترافات قلب
شاف كتير من الدنيا
ونفسه يتكلم و يقول اللي جواه.....
الناس بتقول ان اي قلب مجروح مع الزمن و الوقت بيتداوي و بيرجع زي ما كان
كأنه لسه قلب فاضي و جديد و لا شاف هم و لا شاف حزن
وانا مش قادره اصدق الحكاية دي
لكن اللي اعرفه و متأكده منه ان القلب المجروح
مهما عدت سنين عمره ما هايرجع تاني زي ما كان
جروح القلب كتير اوي
ومش لازم جرح القلب يكون من حب راح
لأ
جرح القلب و كسرته بتكون من الناس و من الحب و من الحياة كله
احساس صعب اوي انك تبقي عايش بقلب مجروح
بتلاقي قلبك بيتقطع و انت واقف و مش قادر تعمل اي حاجه
عندك احاسيس كتير مش فاهمها و مش عارف مصدرها و مش عارف تهرب منها
احساس بالضعف
بالخوف
احساس بألم فظيع
ألم بيأن في قلبك ليل و نهار
قلبك بينزف
و بيتقطع قدام عنيك
و بيتوجع
وانت واقف مشلول مش عارف حتي تنقذ منه و لو جزء صغير
زي ما تكون محبوسة حاجه كبيرة اوي جواك
زي ماتكون متقيد بسلاسل عمرها ما هاتتشال من عليك
نفسك تصرخ
نفسك تتحرك في اي اتجاه تاني غير اللي انت ماشي فيه
نفسك تقول آااااااه
لكن الكلمة محبوسة في صدرك و مش قادر تطلعها
يااااااااه علي الحياة
ياااااه علي الناس اللي مش بتحس بيك
وعلي قسوة القلوب الللي حواليك
وحياتك اللي بتسوء يوم عن يوم
.............
وفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد
تبدا جواك حياة جميلة و حلم صغير عاوز يرتوي بالحب علشان يكبر
وزي ما الحب جه فجأة بيروح برضو فجأة
وتلاقي قلبك بعد ما ابتدي انه يحس بالحياة
ابتدي يموت من اول و جديد
والالم اللي كان قلبك متعود عليه بقي افظع و اقوي
لانه ألم من قلب كان قرب يموت و عرف معني الامل
و فقد الامل ده حتي قبل ما يشوف ملامحه
تحس الحياة بتموت جواك
مع انك عارف انك عايش و كل الناس حواليك عايشين
بس لما تبص لنفسك في المراية
بتلاقي حطام انسان
بتلاقي جسد من غير روح
بتلاقي احلام متكسرة
بتشوف قلب بينزف و نزيفه شديد
والامل اللي كان ممكن يحيي قلبك من جديد
او حتي يلملم جراحه..... راح
راح الامل
راح الحب
راح الحلم اللي كنت لسه هاتبدأ تحلمه
راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم
وتبص علي الناس اللي حواليك
تلاقيهم عايشين
بيضحكوا
بيحبوا
بيحلموا
وأنت واقف مكانك
مش قادر تنقذ قلبك اللي بيموت
بيموت؟؟؟؟؟؟
لأ انا قلبي مش بيموت
ده قلبي خلاص مات
أيوة فعلا قلبي مات
فين دقات قلبي؟!!
فين احساسي بابسط الاشياء في الكون؟!!
مفيش
مفيش احساس بأي شيء
مفيش متعه
مفيش سعاده
مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايشة لغاية ما ييجي اوانها و تسيب الدنيا هي كمان
يمكن ساعتها ارتاح
يمكن في الموت راحه للألم اللي مالي حياتي كلها
يمكن؟؟!!!!!
أحاول اسيب الدنيا و اموت
بس هاموت كافر يعني
لأ إلا ربي و ديني
انا خسرت احساسي وخسرت حبي و خسرت نظرة للحياة بعين سعيده
لكن مش هاخسر ربي و لا ديني
لا لان ربى و دينى هو الشياء الذى اعيش علشانه
طيب هاعيش ازاي ؟
مش لو اصلا كنت عايشه؟
هاقضي ايام و خلاص
بتعدي عليا ليلها زي نهارها
ألم و تعب و حسرة و ندم
يا ريت انا كنت زي باقي الناس
ادوس علي غيري برجلي و لا يهمني
يا ريت كنت يا قلبي قاسي
يا ريت كنت واحد تاني غير نفسي
في مكان غير المكان
في زمان غير الزمان
مع ناس غير الناس
يمكن كنت اقدر اعيش
يا ريت
يا ريت
يا ريت
................................
وبيفضل سؤال دايما جواك...
يا تري في قلب تاني ممكن يكون حاسس بنفس احساسي ده؟؟
والاجابة............................... مش موجوده
اسفه انى الكلام حزين
دي حالة عشت فيها فترة من عمري و شفتها في عيون ناس تانيه كتير اوي
مش قادرين انهم يتكلموا و يعبروا عن اللي جواهم
بس للاسف لاني عشت اللي هما عايشينه بقيت بقدر اشوف حزنهم في عيونهم و اقرا كل اللي جواهم من غير حتي ما يتكلموا....
وفي النهاية دي مجرد اعترافات لقلب مجروح
وده مجرد كلام نفس قلبي و قلب غيري يصرخ بيه
ويمكن مش قادرين نقوله و بنكتبه في ورق و نقطعه
انا مش استخدمت اللغة الفصحي لان دي مجرد تعبير عن احساس
و أسف اني طولت في الموضوع
ويا رب مش يكون حد منكم زعل مني
وفي النهاية ده مجرد رأي او وصف لاحساس يمكن يكون غلط او صح

{.... توقيع همسه؟ ....}

سجل فى : 06/08/2008

همسه
استاذنك مش هكمل
موضوع صعب

{.... توقيع شخص مجهول ....}

سجل فى : 30/10/2008

ولا يهمك يا مجهول كفايه انك بس نورت الموضوع

{.... توقيع همسه؟ ....}

سجل فى : 22/12/2007

ياااااه علي الناس اللي مش بتحس بيك
وعلي قسوة القلوب الللي حواليك
وحياتك اللي بتسوء يوم عن يوم

انا حبيت اكمل الموضوع كلة لان حسيت انى انا اللى بتكلم وهو دا اللى عاوزة اقولو بس مقدرتش

بجد برافو على الموضوع دة

{.... توقيع bota_samer ....}

سجل فى : 04/09/2008

.............
وفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد

موضوع جميل
وانا عضو جديد

ونيس توبيك يا همسه

{.... توقيع elameedtito ....}

سجل فى : 30/10/2008

ميرسى لبوتا وelameedtito على المرور

{.... توقيع همسه؟ ....}

سجل فى : 04/08/2008

مفيش
مفيش احساس بأي شيء
مفيش متعه
مفيش سعاده
مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه

نيس توبيك يا همسه

ومن اجمل الكلمات واحلى المواضيعع اللى انا استمتعت بيها

استعدى وخدى يوم راحة قبل المحكمة

هتموووووووووووووووووووووووووووتى انتى وسيمبا

{.... توقيع triple_h ....}

سجل فى : 30/10/2008

ميرسى ليك يا ترابيل وانا مش هسمحك علشان دخلتنى المحكمه

{.... توقيع همسه؟ ....}

سجل فى : 04/08/2008

هههههههههههههههههههههههههههه
ههههههههههههههههههههههههههههههههههههه

بس سيمبا مختفى

شكلك هتشيلى المحكمة لوحدك

استعدى

قلب مجروح .... أه وألف أه Tei0qclsjeop_th

قلب مجروح .... أه وألف أه Tei0qclsjeop_th

{.... توقيع triple_h ....}

سجل فى : 30/05/2007

في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي بجداناحسيت وكاني اناللي بتكلم مش اللي كاتب بجدعبر عن احساسنااللي عايزين نقولة

{.... توقيع فلورندا ....}

سجل فى : 30/10/2008

ميرسى يا فلورنداعلى المرور

{.... توقيع همسه؟ ....}