يوميات مشرف فى المنتدى

سجل فى : 04/08/2008

تذكير بمساهمة فاتح الموضوع :

يوميات مشرف فى المنتدى

- - - - - - - - - - - - - - -

الموضوع عباره عن حلقات متجدده من يوميات المشرفين فى المنتدى

- - - - - - - - - - - - - - -

الحلقه الاولى

- - - - - - - - - - - - - - -

اول ما قام من النوم لقى الموبايل بتاعه بيرن

فلقى الادمن بتاع المنتدى بيتصل بيه

المشرف:اصطبحنا واصبح الملك لله ......صباح الخير يا فندم

الادمن: خير هييجى منين الخير ياسى زفت

انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف

المشرف : ليه بس يا فندم دا انا حتى مغسلتش وشى ودخلت على طول على المنتدى

الادمن : عموما ادخل شوف قسمك ودا اخر انذار ليك

وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى

الرسالة الأولى

السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف

الرسالة الثانية

مرحب مشرفنا ..... بقلك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ...

الرسالة الثالثة

ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

الرسالة الخامسة

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي مواضيعي

وانا مال اهلى انا محدش بيثبتلك مواضيعك متتحرقى انتى والمنتدى
دا رده طبعا

الرسالة السادسة

ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ...

الرسالة السابعة

مساك زي الفل يا سوبر ستار المنتدى ...
بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت

(ماهو دا اللى ناقص)

الرسالة الثامنة

يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

صحيح الى ميعرفش يقول عدس

الرسالة التاسعة

حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي

الرسالة العاشرة

(من المشرف العام)

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...

الرساله الحادى عشر

لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا

( ليه يعنى قالولك عليا فتحها عالم سمسم بوزع ايميلات )

بعدها الحمد لله المشرف اتجنن

مفيش حد سزعل يا شباب

منتظر ردودكم
وانتظروا باقى الحلقات

{.... توقيع triple_h ....}

سجل فى : 16/09/2008

انا مع الاغلبيه الجزء الاول
احسن بكتير
نيس توبيك ياtriple_h

{.... توقيع Emy_Meroo ....}

سجل فى : 04/08/2008

انا مع الاغلبيه الجزء الاول
احسن بكتير
نيس توبيك ياtriple_h

منورة ومبدعة بردك وفكرك ورايك

شكرا على المرور والرد الجميل

تابعو الحلقة الرابعة

كل سنة وانتم طيبين

{.... توقيع triple_h ....}

سجل فى : 04/08/2008

ها هى الحلقة الرباعة يا جماعة
هى جميلة جدا ودخلت فى الجد اووووووووووى

ومستنى ردودكم يارب تعجبكم

الحلقه الرابعه

ميزو : أنا كنت عايز أناقش معاكم فكرة كده

اسباى : خير اللهم اجعله خير

ميزو : هى قواعد الكتابة فى المنتدى حاليا كام صفحة

نهال : 25 صفحة تحتوى على 3000 بند

ميزو : أنا عايزكم تخلوها 100 صفحة تحتوى على ما لا يقل عن 50000 بند ...لو عرفتم تخلوها أكتر من كده يبقى أحسن

أحمد : مش كتير كده يا عم ... ده اللى مسجل جديد على ما يقراها تكون سنانه وقعت

سيد : ما هوه ده المطلوب ياعم ... مش عايزين حد يقراها ... وصلت الفكرة يازغللة

اسباى : فكرة بمليون جنيه ... الكبير كبير صحيح

تاليا : ما تفهمونا إيه العبارة ياخوانا

سمسم : يعنى اللى هيسجل جديد لازم يوقع إنه قرا قواعد الكتابة فى المنتدى ووافق عليها ... تمام

تاليا : تمام

سمسم : طبعا لما يلاقى 100 صفحة تحتوى على خمسين ألف بند هيروح موقع من غير ما يقرا حاجة...تمام

تاليا :لأ مش تمام .... مش فاهمه حاجه

سمسم : هو انتى ديما كده يا تاليا خلاص سلميلى بقى عالمترو....أى حد يكتب حاجة ما تعجبناش نروح لازقينه إنذار ونقول له إجرى يلا روح إقرا قواعد المنتدى قبل ما تكتب داهية فيك وفى أيامك السوده

أحمد : طب إفرض عضو غتيت ورخم قرا القواعد كلها قبل ما يوقع

اسباى : من لم يمت بالسيف مات بغيره .... مين يعادينا ... هيه هيه

سيد بيقول لأحمد: نبه على جميع المشرفين إن فى إجتماع هام الساعة 3 فى قسم المشرفين ....الإجتماع مغلق وسرى للغاية

أحمد : بخصوص إيه

سيد : أنا عن نفسى معرفش يظهر إنه توب سيكرت .. ميزو حويط اوى ....مش عايز حد من الأعضاء يشم خبرعن الإجتماع

أحمد : رقبتى ياريس

فى منتدى المشرفين الساعه 3 بدأ اجتماع مغلق وسرى للغاية بحضور جميع المشرفين

ميزو : طبعا مستغربين أنا جمعتكم ليه النهارده ... الموضوع باختصار إن فيه معلومات وصلت للقيادة السياسية إن المنتدى فيه عدد كبير من الأعضاء بيكتبوا ضد الحكومة وضد الريس نفسه وتوريث الحكم...وصلتنى معلومات مؤكدة إن مبارك قرر يقوم بزيارة للمنتدى والتجول فيه بنفسه لمعرفة مدى صحة المعلومات دى...لازم نلم نفسنا بسرعة ونستعد للزيارة اللى غالبا حتكون الأسبوع اللى جاى

سيد : إحنا جاهزين يابوص ... لازم نبتدى نلم كل المواضيع اللى بتتكلم عن الريس ونحذفها

نهال : تمام ونخلى المواضيع اللى بتقول كلام كويس عنه

شيمــاء: مفيش مواضيع كويسة عنه غير الموضوع بتاع جرجاوى (نعم وألف نعم يامبارك)

ميزو : مين جرجاوى ده

شيماء : ده بيبيع جرجير....قصدى عضو جديد وله ولاء شديد لمبارك

ميزو : عظيم كلموه يكتب كام موضوع زى ده ووفروله كل الإمكانيات اللى هيحتاجها

نهال : إمكانيات زى إيه يعنى

ميزو : مساطر برايات اساتيك اقلام....كل حاجه

اسباى : عايزين نستعد للموضوع ده بكل جدية ياجماعة....زيارة الريس tity. topgoo شئ مش بسيط خصوصا فى الظروف الدولية الحالية....متنسوش إن مصر دلوقتى بلد نووية يعنى الأنظار عليها والسد العالى لو إنضرب الميه كلها هتروح على توشكى والناس هتستخبى فى مترو الأنفاق

ميزو : مالك يا اسباى إنت عيان

شيمـاء : لازم ياجماعة نحضر قصيدة نلقيها عند وصول السيد الرئيس

نهال : فكرة هايلة....فى مين شعراء عندنا

اسباى : سعودى المصرى....ياسلام...أعجوبة....ده لو قلت له صباح الخير يروح هفك قصيدة ستين بيت وما يخلصكش من إيده غير إنك تقول أنا جدع

يمانى : أظن عيب أوى يا سباى أبقى قاعد جنبك وتدور على شاعر يكتب القصيدة.....أنا ليا حق عرب عندك....وحياة طنط تاليا مهنسهالك

اسباى : بس إنت يا يمانى يعنى ولا مؤاخذة ما بتحبش الكاكى...واللى جاى ده كاكى واللى جابه كاكى واللى جاب اللى جابه كاكى

يمانى : معلش ياعم الضرورات تبيح المحظورات....قل لى إيه رأيك فى الحتة دى

يابلدنا يامهلبية

ياحلوة يامستوية

ومبارك خلاكى آية

حسنك مالوش نهاية

ميزو : معلش يا يمانى...اتفضل إنت روح إستريح شوية...فى مين تانى شعراء عندنا

سيد : فيه إسماعيل يس فى الأسطول... قصدى سين ...دى شاعره جامده جدا...أنا مبفهمش هى بيقول إيه بس هايله

نهال : أنا موافقه على سين لإلقاء قصيدة الترحيب بالريس....ندخل على النقطة اللى بعدها فى جدول الأعمال.....تنظيم موكب الريس

أحمد : أنا رأيى إن موكب الريس يدخل من باب السياسة الداخلية وموكب شوزان قصدى سوزان وجمال من باب الأسرة والطفل وأحمد نظيف من باب المطبخ

تاليا : مش هنرش المنتدى يابوص

ميزو : إيه المناسبة

تاليا : مش جايز الريس يكون فى جيوبه جراد وأول مايدخل ينطرهم علينا

ميزو : إنتى مين يابنتى ...إنتى بقالك كتير معانا هنا

سمسم : فعلا الإحتياط واجب...أول ماييجى ندلق عليه جردل فنيك

ميزو بيتكلم مع سيد : أول ما الزيارة دى تتم على خير الطقم ده كله لازم يتغير

سيد : هنجيب مين بس يابوص

ميزو: أى حد إن شالله المخبول اسلام

نهال : بمناسبة اسلام ... ده هنسيبه كده والريس جاى ؟؟؟....أنا رأيى إننا نطرده مؤقتا لحد ما الزيارة تخلص وبعدين نرده بدل ما يعملنا قلق

ميزو : ونرده ليه....مشيه خالص

سمسم : مالوش لزوم نعمل طرد أو ندى إنذارات اليومين دول.... بالنسبة لاسلام هوه كان كاتب قصة مؤرفة أنا حذفتها...رجعوهاله خلوه يتلهى فيها لحد ما الزيارة تنتهى وبعدها إرموه هو وقصته فى الشارع

مش عايز حد يزعـــل

بجد حلوة حلوة اوى وجميلة ويارب تعجبكم

كل سنة وانتم طيبين

{.... توقيع triple_h ....}

سجل فى : 25/10/2007

[center][/center] noooooooo
comment

{.... توقيع love0story ....}

**{..زائر..}** زائر

فعلا نو كومنت

{.... توقيع زائر ....}

سجل فى : 04/08/2008

شكرا على المرور والرد بالانجليزى والعربى

بس ممكن اعرف ليييييييييييييييييييييييييييييييية
نووووووووووووو كومنت

وعيد سعيد علينا وعليك

{.... توقيع triple_h ....}

سجل فى : 04/08/2008

بتهربى لييييييييييييييييييييييييييييييه يا كونتيسة
العيد جه والحاجة مجتشى

وكل سنة وانتم طيبين

وعيد سعيد علينا وعليكم

{.... توقيع triple_h ....}

المـديـر العـــام · سجل فى : 25/10/2007

لالا اهى دى اجمد حلقه بعد الحلقه الاولى
بس ايه موضوع نو كومنت دا
انت خايف يا باتش انت ولف ستورى ولا ايه
لالا متخافوش دحنا جامدين اوى

اوعى وشك

وشكرا تربل باشا على الحلقه
تابع تميزك

{.... توقيع ابن الاسلام ....}

سجل فى : 25/10/2007

l

a ya man ana mosh 5aif wala 7aga
ana mosh b3rf agamel 7ad
we men r2y elmtowd3 da modo3 maetsbtsh
l2no mosh bekhateb na fe gam3a
da modo3 yt7aka le3el so3.er 2bl ma ynam

{.... توقيع love0story ....}

سجل فى : 04/08/2008

اوعى وشك

وشكرا تربل باشا على الحلقه
تابع تميزك

حسام باشا شكرا على ردك وانا عايزك تولعها
خليها حريقة
حريقة ولع ولع ولع

وبعدين نكلم بليل يا
love0story

هههههههههههههههههههههههههههههههههههه

شكرا على تعليقك وردك الجميل
واجمل حاجة انك مش بتجامل حد

خليك كدة يا باتشان
نو كومنت
اوعى تفتح او تقول رايك

عيد سعيد علينا وعليك

{.... توقيع triple_h ....}

سجل فى : 16/09/2008

thanx for u

{.... توقيع Emy_Meroo ....}

سجل فى : 04/08/2008

thanx for u

شكرا لمرورك وردك ومتابعة الموضوعات

منورة يا
Emy_Meroo

{.... توقيع triple_h ....}

سجل فى : 04/08/2008

فينك يا كونتيسة
الحاجة فين

الحلقة الرابعه وصلت وانتى لسة موصلتيشى

المنتدى طلبك هنا وفى لعبة الصراحة

ارجوا السرعة

{.... توقيع triple_h ....}

سجل فى : 04/08/2008

بمناسبة الدراسة والعيد
عديتى عليكم
الحلقة الخامسة بس يا رب تعجبكم

يالا بينا نبدا

الحلقه الخامســه

ميزو مخاطبا سيد : متنساش تجيب الديجيتال كاميرا العهدة بتاعة المنتدى اللى بنصور بيها الأعضاء الجداد وش وقفا وهما بيسجلوا عندنا هنا أول مرة يوم الزيارة علشان تاخدولى كام صورة مع العيلة المالكة

سيد : أمرك يابوص....نتكلم دلوقتى عن التنظيم ... أقترح إننا كلنا نلبس بدل اسموكن سودا وبابيون أحمر

أحمد : بس شكلنا كده حنبقى زى السفرجية ياكنج .... أنا بقول يعنى بلاش نلتزم كلنا بنفس اللبس ... يعنى اللى عايز ييجى ببدلة ييجى... اللى عايز ييجى بجينز وتى شيرت ييجى... وكده يعنى

اسباى : فكرة حلوة يابو حميد التى شيرت دى....إحنا نلبس كلنا تى شيرت واحد عليه صورة ميزو كرمز للمنتدى وبنطلونات شورت زى بتاعة الكشافة وجزم اديدز وشرابات طويلة لغاية الركبة ونشغل فى الخلفية أغنية شادية دى اللى بتقول (غاب القمر يابن عمى يلا روحنى...دى النسمة أخر الليل بتفوت وتجرحنى) علشان الناس يعنى تعرف إن أنا وميزو ولاد عم

سمسم : ياعم شورتات إيه بس وغاب القمر إيه .... أهم حاجة نلبس كلنا نضارات سودا ونحط سماعات فى ودانا ونقعد نتلفت حوالينا وورانا ونبص لبعض كل شوية نظرات قبيحة ومريبة فى نفس الوقت... زى ما الحرس الخصوصى بتوع الريس بيعملوا ...ولازم نبقى على إتصال مع بعض باللاسلكى أثناء الزيارة.....مهم جدا اللاسلكى ده علشان ننبه بعض لو عضو من إياهم حاول التسلل أثناء الزيارة

سيد : لازم نحبس الأعضاء أثناء الزيارة اللى إحنا متأكدين من عدم ولائهم للريس ... المشكلة إننا لو عملنا كده مش حيتبقى غير تلاته أربعة ومش حنعرف نجيب أعضاء نوقفهم قدام أبواب المنتدى علشان يهتفوا ويرحبوا بالموكب

شيماء : مش مشكلة ... نجيب كومبرس على إنهم الأعضاء... كمان هيلزمنا حتتين سلاح.....لازم أوصل البلد عندنا أشترى كام فردة واجيب أنفار

تاليا : واجب برضه نشترى شوية بالونات وبمب والعاب هوا .... نسينا كمان نعمل قسم جديد فى المنتدى نسميه ( المستقبل) علشان السيد جمال مبارك يفتتحه.....ولازم كمان نحط شريط سوليفان على كل باب من أبواب المنتدى علشان الرئيس وحرمة وابنهم مبارك وسوزان وجمال يقصوهم....لازم ياجماعة كل واحد يقص له شريط على الأقل....ولو إتبقت شرايط بعد كده أقصهم أنا

تعالت أصوات المشرفين إحتجاجا على رغبة تاليا بأن تقص ما تبقى من شرائط

اسباى : وليه مقصهمش أنا

أحمد : محدش حيقص غيرى

اسباى : طب يمين على يمينك محد هيقص إلا أنا....ثم تنتابه نوبة من البكاء الشديد وتدور الدنيا به وتظهر أمام عينيه دوامات كأنه يتذكر أيام الطفولة والماضى المنيل بنيله ....يتمدد اسباى على الأرض ويتجمع المشرفين من حوله...

تقوم ضـى بعمل تدليك سريع للقلب لحد مافاق وبدأ يروى لهم قصته مع الإشراف

اسباى : زمان وانا عمرى 7 سنين كنت بروح مع أبويا الدكان كل يوم جمعة بعد الصلاة ...كان عندنا محل أقمشة فى الدرب الأحمر ..... كانت متعتى إنى أشوف العامل اللى فى المحل وهوه بيقص القماش للزباين....كان عنده مقص كبير قوى طوله يجى نص متر ... مره سهيته وخدت المقص وخبيته فى جيب القميص بتاعى لكن أبويا شافه ونزل فيا ضرب بالإقلام والشلاليت وإنضم له كل العمال فى الدكان لحد ما سخسخت.....من ساعتها وأنا أى حاجة بشوفها ببقى عايز أقص منها

أحمد : أمال لو حكيتلكم حكايتى حتقول إيه

ميزو : طيب .. ندخل فى البند اللى بعده والخاص بالمأكولات والمشروبات التي ينبغي ان نوفرها للسيد الرئيس واللى جايين معاه ، ممكن أسمع أرائكم ؟

اسباى : بـــس أنا جتلي فكرة جهنمية ، منها نعمل حاجة تشرفنا قدام الناس دي ومنها نوفر

سيد : قول يا أخ اسباى إحنا سامعين

اسباى : أنا انزل السوق أشترى كرومباية على 2 ك بتنجان أبيض وحزمة ملوخية خضرا و 4 ك لحمة ضاني ونخلى المشرفات يعملوا حلتين محشي و ملوخية وناكل كلنا ونهيص والريس برضه ياكل ويهيص ... والله الأكلة دي أنا فكرت فيها وتوصلت ليها من شكل أحمد نظيف

سيد : ممكن يا اخ اسباى تطلع بره شويه وهانندهلك لما نخلص

اسباى : حاضر .. بس ليه يا كنج ؟

ميزو : يا اخ اسباى بنقولك ريس ووزرا ومرات الريس وولاد الريس ... تقولنا محشي ، يا اخي عيب كده .. ده كان إستهلال لابد منه .. هـــــا يا سادة انا عايز مشاركين لا متفرجين

سمسم : بس وجدتها ... إحنا نعمل علب وجبات وكل وجبة فيها سندوتشن جبنة رومي وحتت جاتوة

ضــى : إيه نظام الأفراح البلدي ده ؟ عايزين أفكار محترمة يا أخوانا

شيمــاء : انا بأقترح المنيو الآتية : المين كورس يبقى بيكاتا بالشامبينيون مع كريب جورجيت وتشكين آلاموند والحلو يبقى باقيا بالمسطردة

سيد : يا شيمــاء الناس اللي جايه دول مصريين ولازم نعمل لهم حاجة يفهموها عشان ياكلوها ... خلص الكلام

ضـــى : ميزو .. ميزو .. ممكن أقول رأيي ؟

ميزو : أيوه وماله من حقك

ضـى : زي مانتوا عارفين أنا عندي مزرعة في الكيلو 36 وانا مربيه هناك كام دكر بط على فرختين عتاقي ، فأنا بأقترح إننا ندبح البط ده جنب الفراخ مع شوية برتقان بصرة من بتوع المزرعة ونمشي الليلة

سمسم : والله شكلكوا هاتكسفونا مع المحشي والبط والكلام ده والريس هايجيب هايغلق المنتدى بسببكم ، يا جماعة الناس اللي جايه فيهم ناس كبيرة في السن يعني بالتأكيد عندهم السكر والضغط والكوليسترول والكلام ده .. عايزين حاجات خفيفة وصحية وعلى رأي المثل " صحي ومفيد "

سيد : شكرا يا سادة .. بعد ما أستمعنا إلى جميع الآراء بشكل ديمقراطي ديماجوجي .. احب أقوللكم إن انا وميزو إتفقنا من الاول إننا نتصل بمطعم مكسيم عشان يبعت لنا وجبات جاهزة وتبقى حاجة محترمة قدام الريس ...

اسباى : يحيا العدل هي دي الديمقراطية ... الله ينور عليك بس عدم اللامؤخذه إنتوا كنتوا جايبنا ليه وسمعتوا أرئنا ليه ؟

سيد : ممكن تسكت ؟

اسباى : حاضر ياعم .. حاضر ياخويا .. مكسيم مكسيم .. أهو برضه أحسن من مطعم أخر ساعة اللي جنب الجامعة العمالية

شيماء: بس يا سيد ماتنساش تزيد الوجبات عشان الاعضاء

سيد : اعضاء مين يا شيماء اللي هايكلوا من مكسيم ؟ يا ست الكل دول هانجيب لهم ساندوتشات فول وطعميه وحتتين طرشي وأقلب .. قال نأكلهم من مكسيم قال .. والله عال .. ناقص تقولي كمان ييجوا يسلموا على الريس ويتصوروا معاه

ميزو : ننتقل للبند اللي بعده ... المشروبات ... ولو سمحتوا اللي هاشاور عليه هو بس اللي يتكلم مش عايزين فضايح ... أيوه أتفضل يا اخ أحمد مع إنك مش مسموحلك بالكلام إلا بعد ما تقضي 6 شهور إشراف شاق مع الشغل .. لكن زي بعضه إنطلاقا من تعميق تجربة الديمقراطية وكــنفحة من عطفي ونبذة من حبي وشلحة من حناني هاسيبك تتكلم ......بس إوعى تعك

أحمد : ربنا يخليك لنا يا بوص ده أحنا من غيرك ولا حاجة وناقصنا كام مليون حاجة

اسباى : هايشتغل بقى في الاغاني الحمضانة بتاعت شادية ومصر اليوم في عيد وهاينكش لنا القصة بتاعته .. الشغل ده أنا عارفه

ميزو : مش انا قولت ماحدش يتكلم إلا اللي أشاور عليه .. قول يا أحمد قول يا حبيبي

أحمد : إحنا نجيب قزازتين نبيذ احمر يا كينج وكل واحد ياخد له بؤ عشان يفتح نفسه وياكل بمزاج

ميزو : خيبك الله !!!!!! خسئت وخسئت أفكارك ... خمر ؟.. منكر ؟ إنت عايز الناس تسكر وتقوم تدور الضرب في بعض .. وبعدين إحنا مستمحلينهم وهما فايقين لما نستحملهم وهما سكرانين ... بلاش كلام فارغ .. إتقى الله يا اخي .. ده أنا لسه راجع من العمره ... اعوذ بالله .. اعوذ بالله

أحمد : إيه يا ميزو منكر إيه وخمر إيه ؟ بالراحة علينا شوية .. انا قصدي عصير عنب وأنا اللي هاعصره بإيدي كمان

سيد : خلاص خلاص .. انا قررت انا وميزو أساسا إننا نقدملهم يانسون

تاليا : برافو عليك .. أنا بحب جدا الحاجات النيتشورال اللي زي دي

اسباى : ممكن اتكلم بقى ولا أروح ؟ أنا معاك يا كينج في فكرة اليانسون والمهدئات دي .. ربنا يهدهم يارب

ياربت تعجبكم
ومستنى ردودكم

{.... توقيع triple_h ....}

سجل فى : 04/11/2007

جااااامده جدا
بس هما كام حلقه علشان اعرف بس

{.... توقيع tigerman ....}

**{..زائر..}** زائر

شغال شويه الحلقه الخامسه بالنسبه للباقي
نايس يا مان

{.... توقيع زائر ....}

سجل فى : 04/08/2008

جااااامده جدا

شكرا على المتابعة والرد الجميل

واجابة عن سؤالك
هما 8 حلقات

شغال شويه الحلقه الخامسه بالنسبه للباقي
نايس يا مان

شكرا على مرورك يا باتشان
ويارب باقى الحلقات تعجبك

{.... توقيع triple_h ....}

سجل فى : 09/04/2007

هههههههههههههههههههههههههههههههههههه
دة انت فاااااااااااااااااااااااااااضى

جـــــــــــــــــــــــــــــــامد

وانسى بقى

What a Face

{.... توقيع kontesaa ....}

المـديـر العـــام · سجل فى : 25/10/2007

شكرا يا تربل الحلقه دى جميله
تسلملنا اديك ومنتظرين الباقى

{.... توقيع ابن الاسلام ....}

سجل فى : 04/08/2008

هههههههههههههههههههههههههههههههههههه
دة انت فاااااااااااااااااااااااااااضى

جـــــــــــــــــــــــــــــــامد

وانسى بقى

What a Face

منورة يا كونتيسة

والفاضى يعمل قاضى

شكرا يا تربل الحلقه دى جميله
تسلملنا اديك ومنتظرين الباقى

تسلم يا حسام باشا
وبجد منورنا ومشرفنا ومدلعنا

{.... توقيع triple_h ....}

سجل فى : 06/08/2008

شغلك عاجبنى يا برنس
نــــــــــــــــــــــــــــــ ـــــــــــــــــــــايس توبيك

{.... توقيع شخص مجهول ....}

سجل فى : 04/08/2008

تسلم يا حبيب قلبى وانتظروا الحلقة السادسة

فيها مفاجات

{.... توقيع triple_h ....}

سجل فى : 04/08/2008

الحلقه السادســــه

ميزو : الفاضلة ضـــى أثارت نقطة مهمة وهى ركن المكتبة ... إزاى ماعندناش مكتبة فى المنتدى طول السنين اللى فاتت دى ... إنتم عارفين إن سوزان مبارك أول ما هتوصل هتسأل على أى مكتبة علشان تفتتحها ... لازم نعمل ركن للمكتبة بسرعة فى المنتدى يكون ملحق بيها بوفيه واستراحة ودورة ميه

تاتا : المكان موجود... فيه مساحة فاضية فى المنتدى الادبى كنا عاملينها خرابة بنحبس فيها الأعضاء المشاغبين ... ممكن نجيب كام بولدوزر يساويها بالأرض ونبنى مكانها مكتبة ... بس المشكلة هنملى المكتبة كتب منين ... محتاجين تمويل...خلص الكلام

اسباى : ولا تمويل ولا حاجة ... إحنا نستعير كتب من الأعضاء لحد ما الزيارة تنتهى ... فيه أعضاء كتير مثقفين هنا فى المنتدى عندكم ياسو ...يمانى ... سين دى لوحدها موسوعة ... بتقرا كتير جداً ... ده حتى فى ناس بيقولوا إنها إتعمت من كتر القرايا وبتتعالج حالياً فى مستوصف ... بيحطولوها مرهم كل ساعتين فى عينيها ورابطينهم لها بشاش... يعنى مش هيحتاج الكتب دلوقتى فى حاجة

أحمد : ما عميتش ولا حاجة يابنى ... أنا رحت زورتها فى المستوصف إمبارح وقربت من عينيها لمبة 400 وات سمعتها بتقول أح أح وده معناه إنها شايفه الضوء

اسباى : مش شرط تكون شافت ...... ممكن تكون سوخونية اللمبة حرقت لها الشبكية فانت إفتكرتها إنها شايفه

شيمـــاء : يعنى إيه شبكية ياعمو؟!

يفتح ميزو علبة دواء الضغط ويتناول حبة بعصبية ثم يقول ممكن نركز شوية ياجماعة

سيد : أنا عندى مجموعة كتب مش بطالة فى الأدب والشعر وكتب طبية ممكن أبعتها

اسبـاى: هايل...بس محتاجين كتب أطفال...إنتوا عارفين شوزان...لازم يكون فيه كتب أطفال

سيد : ممكن نهال تساعدنا فى الموضوع ده ... أنا هتصل بيها تبعت لنا شوية كتب من عندها

أحمد : انا ما عنديش أى كتب غير ميكى ... أنا رحت استلف من عند سوبرمان ملقتش

سمسم : ليه ياجماعة منبعتش حد الجبل يروح للمطاريد يستلف منهم شوية كتب...فيه منهم ناس كتيرمثقفين وأكيد عندهم كتب محترمة

اسباى : حد الله ما بينا وبينهم ... تغور الكتب اللى تيجى من ريحتهم...قلبى وربى غضبانين عليهم إلى يوم القيامة

شيمــاء: مين المطاريد دول ياعمو؟!

سيد : ادخلى نامى إنتى علشان عندك مدرسة الصبح

شيمــاء : طب تصبحوا على خير

سيد : يعنى كويس كده لما تفتحوا عينين البت على الحاجات دى

سمسم : يظهر مفيش حل غير إنى أوصل الجبل أقابل المطاريد

ميـــزو : نيجي لأهم واخطر نقطة لابد من الإتفاق عليها ووضع أُطر وآلية تنفيذ لها .. حيث إن مستقبل مقهى الرياضيين كله يتوقف عليها

اسبأى : خير قلقتني

ميزو : أظن كلامي واضح يا سادة وماهوش رمادي ، نقول كمان .. أنا أعني يا أفاضل نقطة توزيع الادوار .. بمعنى كل واحد مننا هايعمل إيه أثناء زيارة الريس

سيد : أنا فهمتك يا بوص ، بص يا سيدي .. أنا طبعاً هالبس الحتة السموكن السودا اللي عندي واللي ما بطلعهاش غير في المناسبات وأضرب البيبيون المفتخرة على شوية جل على شعري والنظارة الريبان السودا وهابقى ولا الخديوي عباس حلمي في زمانه ... وإنت كمان تعمل زيي وتتصرف لك في أي حتة سموكن ولك مطلق الحرية تلبس بيبيون تلبس كرافتة او كوفية مش مهم .. وانا وإنت بس نبقى في إنتظار سيادة الريس

ميزو : عظيم عظيم ..

سيد : تاتا بقى هايقعد جنبنا على المنصة يلم الأسئلة اللي هاتتسأل للريس ويفرزها وينقحها والأسئلة اللي فيها قلق يرميها في الزبالة

ميزو: ممتاز إكسلنت .. أنا كمان بأقترح إن ضـــى تشرف بنفسها على الأكل عشان تتأكد إن كل حاجة ماشية حسب المعايير الطبية

تاتا : إنتوا نسيتوا حاجة مهمة ... الريس لما ييجي يفتتح المنتديات الجديدة بالتأكيد هايطلب يلقي نظرة على المنتديات المفتوحة عندنا واللي ممكن تودينا في داهية

ميزو : قصدك إيه ؟.. أفصح تكلم أيها الزميل الفاضل

تاتا : أنا قصدي منتدى السياسة .. والريس أساساً ما بيطقش السياسة وعشان كده مخلي الشعب ما بيفهمش غير في سياسة التوفيق اللي شعارها بيقول ( يا بخت من وفق راسين في الحلال )

سيد : اتفق تماماً معاك يا تاتا ، وعندك كمان منتدى مكافحة الجراد قصدي الفساد ده لوحده فيه 15 سنة سجن في معتقل المغول لكل واحد فينا

تاتا : وما ننساش المنتدى الاسلامى .. الريس ورجالته عندهم تعصب من كل ما هو إسلامي ... انا رأيي نقفله مؤقتاً ونحبس جواه كل الاعضاء ذوي التوجهات الإسلامية .. والله انا خايف عليهم من الريس

أحمد : يعني بإختصار نخليلة الحاجة الخفيفة واللي فيها فرفشة .... أنا فهمتكوا

شيماء : في كمان يا جماعة موضوع كلمة المنتدى التي يجب أن يلقيها أحد الزملاء بالنيابة عننا ... أنا سيبولي الموضوع ده هاحضر كلمة محترمة وأقولها قدام الريس

ميزو وهو بيجز على سنانة : يا شيماء لو سمحتى إستنى شوية .. كلمة إيه ؟ ده انتى قعدتك في السعودية وألمانيا نسيتى العربي .... خليكى إنتى لزيارات السادة الرؤساء الأجانب إبقى أتكلمى براحتك وما فيش حد هايفهمك مننا او منهم

أحمد : يبقى ما فيش غير ايمى3 ... نخليها تكتب كلمة مختصرة وبأقول تاني مختصرة والأختصار بتاعها ده أنا عارف ممكن يبقى 5 صفح وتملاهم شوية مصطلحات مكلكعة زي العودة لمائدة المفاوضات والسلام العادل والشامل ونزع جميع الأسلحة من العرب ومنطقة الشرق الاوسط ما عدا إسرائيل والحاجات دي ... الريس بيموت فالكلام ده وبينشكح قوي لما بيسمعه

سمسم : على جثتي .. ايمى3 لأ ... الأخت دى بقالها فترة لها توجهات مش عجباني

تاتا : وسع يا جدع إنت وهو ... اما يا ميزو فكرتلك في فكرة ... اولاً هاستهال عليها نص شهر مكافأة .. وثانياً اتحدى إن ماكنش الريس ينفحنا فيها قد 100ألف دولار علاوة

ميزو : قول انا في عرضك .. أنا في حاجة ماسة إلى أي ألية تدفع السيد الرئيس وتخليه يرضى عننا

تاتا: انا طبعت المجلد بتاع " إسلامستان " وجلدته وزخرفته وبقى عامل زي الملازم اللي كنا بنصورها أيام الجامعة قبل الإمتحانات بيومين ... فممكن بمنتهى البساطة أقوم مغير بس العنوان من إسلامستان إلى " مباركستان "
وانا عارف إن مستحيل الريس هايقرأ الحشو اللي جوه لأنه مش فاضي .. هو بس هايشوف العنوان وهايزقطط .. إيه رأيك ؟

سيد : أبوس تلافيف نخاشيش دماغك . ... إنت عبقري إنت فلته .... روح يا شيخ إنت فعلاً تستاهل الدعوة اللي دعيتهالك قدام الكعبة في عمرتي اللي فاتت واللي كلفتني 1500 جنية

ميزو : برافو يا تاتا ..... جوووووووووود

تاتا : تربيتك يا باشا وكل ده من خيرك

سيد : أنا بقى بأقترح إن اللي يكتب الكلمة الإفتتاحية بنت اسكندريه ، ما شاء الله عليها ضلعية في قواعد اللغة العربية وفي أصول اللغة العربية .. ونخليها كمان هي اللي تلقي الكلمة بين يدي الرئيس ... بس نشتري لها فستان جديد على جزمة سودا وتعمل شعرها فينوكات وهاتبقى زي الفل .. والريس مش بعيد يتبناها زي البنت أمال ماهر اللي بتغني

أحمد : برافو .. أنا معجب كمان ببنت أسكندريه هي طالما بتبعد عن المربى والمخلل بتعمل شغل عالي قوي ( طبعا أحمد بيتكلم من ورا قلبه)

تاتا : بس في نقطة انا أقتل نفسي عليكم لو ما نفذنهاش ...

ميزو : إيه خير إتكلم أنا أبتديت أُعجب بيك بعد ما عدلت أفكارك المسمومة بتاعت المحشي والملوخية

سيد : استنى بس يا تاتا بص يا ميزو .. أنا عارف إن الريس أهلاوي .. فلو جه ولقى عندنا في منتدى الرياضة مواضيع عن الزمالك وأعضاء زملكاوية عمالين بيبعبعوا في الكلام .. ممكن الراجل يأذينا .. لذا بأقترح إننا نقوم بعملية سحل مؤقت للزملكاوية وعلى رأسهم شيماااااااااااااااااااااااااااااء وتاليااااااااااااااا ..... ونجيب الاهلاويه اللى فى المنتدى وعلى رأسهم نهال ونمسكهم أعلام حمرا ونلبسهم فانلات حمرا وندهن وشهم احمر ونحفظهم كام شعار من بتوع بص شوف الأهلي بيعمل إيه .. وصالح سليم يا مدرسة .. والحاجات دي ويقفوا على منتدى الرياضة وأول ما يلمحوا الريس جاي من بعيد يدوها علطول

اسباى : قشطة يا سيد ...... ده الريس كده عمره ما هاينسى الزيارة دي

سمسم : بس أنا عرفت إن جمال بيه له ميول زملكاوية وممكن يزعل

سيد : يا سمسم ...... طالما الريس موجود يبقى عاش الملك ... لما جمال يبقى يترستأ على الكرسي يبقى يحلها ربنا بقى وعلطول نقوم عاكسين الأية ... فنسحل الأهلاوية .. ونلمع الزملكاوية ... ده شغل كبير اوى عليكى

ياربت تعجبكم ومستنوا ردودكم

وجبتلكم الحلقة علشان مفيش حد يزعل

يارب اشوف ردود كويسة

فله عليكم

{.... توقيع triple_h ....}

سجل فى : 06/10/2008

هههههههههههههههههههههههههههههههه
حلقات جميلة اوى يا ترابيل
والحمد لله انا مش معاهم
ههههههههههههههههههههههههههههههههههههه

نايس توبيـــــــــــــــــــــك

{.... توقيع دلوعة التربية الرياضية ....}

سجل فى : 06/08/2008

{.... توقيع شخص مجهول ....}