إنسان أنا والحب ده عنواني
إنسان اتولد في دنيا الامانى
باضحك ولو بكيت بارجع
انسي واضحك من تانى
ماهو أنا إنسان…لكن خيالي
طموح جرئ وساعات برئ
وساعات بانسى اللي ينساني


مااهو انا من الحب والوفا أديك
لكنى ازعل منك لو كنت انانى
حبيبي وصاحبي أديك عمري
وارويك دايما من بحر حناني
لكن تغدر بيا ياويلك م الوش التانى


ماهو انا إنسان …ومش مثالي
باخطأ ساعات ..ويفلت لساني
لكن باراجع نفسي وأعيد حسابي
وربى يغفر لي عالم بحالي
هو وحده يعلم سرى واعلانى


ماهو انا إنسان…ومش عدواني
وعمري ما أرد اللي يدق بابي
أحب الخير للغير والصفا خلاني
أنسى القسيه وعمري ما أقسى
لو حتى القاسي كان هو زماني


باعيش بأمل وبكرة يحلى زادي
ومهما طال الليل هيطلع فجر نادي
ماهو انا إنسان ..وباسأل سؤالى
انا كده زى الناس وإلا غير عادى؟!




تحياااااااااااااااااااااتى