اصعب سؤال فى الحب

سجل فى : 27/04/2007

اصعب سؤال فى الحب

السؤال ده بيحصل كل يوم فى كل بيت وكل مكان...

سؤال الافلام جاوبت عليه بطريقتها...

لكن لو جالك السؤال ده فى الواقع...يا ترى هتعمل ايه.

لو لقيت الانسان اللى بتحلم بيه وتتمناه من وانت صغير

الانسان اللى يحرك احاسيسك * ومشاعرك * وكل شى جميل جواك

الانسان اللى تشوف فيه طفولتك وشبابك ومستقبلك وكل ايامك

الانسان اللى يحبك انت بس ويحترمك ويقدر مشاعرك وكل زرة حب جواك ويكون الانسان ده كمان هو فى نفس

الوقت..انت بالنسبة له كل حاجة..وانك الانسان اللى حلم بيه واتمناه من طفولته وقال ليك من قلبه ومن صدق...انا

بحبك...بحبك انت بس ومش عايز من الدنيا اى حاجة الا انت بس .. انت دنيتى اللى هعيش فيها..وليها..حبيبى انا

ليك... ومش عايز اكتر من انك تقولى من قلبك انك ليا واتعاهدتم طبعا على الحب فى الحياة وما بعد الحياة...وان

مش هيفرقكم شى فى يوم الا الموت وبعد كده جه الانسان ده عشان يتقدم ليكى او تتقدم ليها عشان تكتمل الفرحة ..

والحياة اللى مش هتبقى حياة الا وانتم الاتنين مع بعض ولانه ما يقدرش يعيش لحظة واحدة وانت مش معاه ....

لكن ..... الاهل رفضو الموضوع لاسباب تافهة...مثلا (الانسان احنا مش شايفينه لايق ليكى او مستواها الاجتماعى

مش مناسب ... دة مش من مستوانا ... بكرة يجيلك احسن منه ... دة قدامه كتير عشان يوصل للمستوى اللى نتمناه

فى عريسك احنا غرضنا مصلحتك ... طيب زيادة عن اللزوم )

وطبعا الانسان دة جه على كرامته فى حجات كتير عشان خاطرك

لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة ابنهم او بنتهم ؟

لغاية ما قال ليك فى يوم...حبيبى...انا اتمنيتك انتى من الدنيا كلها...وضحيت بحجات كتيرة وده لانى حبيتك انت بس

ومن قلبى .....واختارتك انت عن الدنيا كلها . . . . . .

ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح بس هقول ايه هى الاجابة المنطقية يا ترى

يا ترى اى بنت فى الموقف دى هتقول ايه؟؟؟

ويا ترى راى الشباب فى الموقف ده ايه ؟؟؟

smsm academy

{.... توقيع †Fâ7†ôôôôô ....}

سجل فى : 30/05/2007

بجد هو احساس موقف صعب قوى وغبى وبجد لو انا مش عارفة ممكن يحصلى اية سعتها !!

بس لو هو حطينى فى اختيار بينة وبين اهلى ؟؟؟

اكيد هختار اهلى لانة لو مكنش ليا خير فى اهلى عمرى ما هيبقى ليا خير فية هو نفسة وبعد كدة حياتى معاة مش هتبقى الحياة اللى انا منتظراة منة

فانا اكيد هختار اهلى

{.... توقيع 5o5a ....}

سجل فى : 31/08/2007

انا بقي الولد اعتقد اني هختارها هي طبعا بس لو اتاكدت من حبها ليا

وعلاقتي باهلي ده هترجع تاني بعد فترة معينة اكيد لو يتعودوا ع الموضوع

بس علشان انا الراجل لازم هختارها هي طبعا ومش هتخلي عنها

جميل الموضوع اوي ياسمسم والاختيار فعلا في صعب اوي

{.... توقيع eido8 ....}

سجل فى : 03/09/2007

الاختيار صعب بالنسبالى بس انا مع خوخه فى رايها

بس لو هو حطينى فى اختيار بينة وبين اهلى ؟؟؟

فانا اكيد هختار اهلى

وشكرا ليك ياسمسم على مواضيعك الهايلة دى

{.... توقيع elflestiny ....}

سجل فى : 27/04/2007

ميرسي علي ردودكم الجميله

واراءكم الاجمل

ونشوف راي بقيه الاعضاء

smsm academy

{.... توقيع †Fâ7†ôôôôô ....}

سجل فى : 12/04/2007

موضوع هايل اوى
وبجد موقف صعب موت ان واحده تتحط فيه
وانا لو فيه للاسف مش هعرف اتصرف
دول اهلى اللى عشت في وسطهم وحبتهم من قلبي
وده حبيبي اللى ادانى حياته وحبينا بعض وساعدني ووقف جمبي في حاجات كتير
ازاى اختار بين حاجتين انا من غيرهم مقدرش اعيش
وساعتها ممكن يجرالى حاجه
الاختيار صعب اوى

{.... توقيع nona ....}

سجل فى : 26/09/2007

الموضوع مش محتاج اجابه

بالنسبه ليه كولد اكيد مش هاخسر اهلي علشان اي واحده

واكيد كمان هما مش هايرفضو من غير سبب

اكيد هما اكتر خبره مني ولو شايفين انها كويسه هايوافقو

انما بالنسبه للبنت فاكيد لازم تسمع كلام اهلها

لان لو حصلها مشكله مع حبيبها دا اوا جوزها

هاتلاقي مين تروحله لما تكون خسرت اهلها؟؟؟؟؟؟؟؟؟

{.... توقيع mo3taz ....}

سجل فى : 01/04/2007

انا مع خوخه والفلسطينى ومعتز فى رايهم لان الانسان لو مش ليه خير فى اهله مش هيبقى ليه خير فى حد وان كمان لو فى يوم من الايام حصلت مشكله وحب يرد على حد مش هيلاقى حد من اهلها يرد عليه وفى الحاله دى مش هيبقى فى كبير او عيله حد يرجعله وهتبقى ملطشه ومش هتلاقى هى حد ترجعله زى ما معتز قال .

سؤال جميل منك يا اسلام

وتسلم ايديك يا جميل .

{.... توقيع zizi ....}

سجل فى : 27/04/2007

ميرسي علي الردود الجميله والاراء الاجمل

smsm academy

{.... توقيع †Fâ7†ôôôôô ....}

سجل فى : 06/11/2007

موضوع حلو اوى بس لو فى مقانه بينه وبين اهلى
بدون كلام هختار اهلى
تسلم ايدك على الموضوع

{.... توقيع فروحه ....}

سجل فى : 27/04/2007

ميرسي علي الرد الجميل

smsm academy

{.... توقيع †Fâ7†ôôôôô ....}

سجل فى : 01/09/2007

مفيش كلام طبعا ..هختار اهلى لانهم همه اللى عملونى وهمه الى ربونى وخلونى فى اللى انا فيه دلوقتى
بس هو فى حلول تانيه كتير
يعنى مش ممكن انى اسيبها على ول بتبقى فى محاولات تانيه كتير انى ممكن اقنع اهلها او اهلى سواء مين اللى فيهم مش موافق بكذا طريقه
بس لو الموضوع اتقفل اكيد هختار اهلى

{.... توقيع joky ....}

سجل فى : 27/04/2007

ميرسي يا جوووووووووووووكي علي ردك المفيد ده

ونورت الموضوع

smsm academy

{.... توقيع †Fâ7†ôôôôô ....}