اية اصعب فى دول ؟؟

سجل فى : 27/04/2007

تذكير بمساهمة فاتح الموضوع :

اية الاكتر صعوبة من وجهة نظرك فى

1_ الفراق

2-الجرح

3- الخيانة

4- الحب الحقيقى

5-الالم

دى مصتلحات انت من وجهة نظرك اية تعريفها

واية اصعب واحدة فيهم

smsm academy

{.... توقيع †Fâ7†ôôôôô ....}

سجل فى : 21/12/2007

eido8 كتب:: اعتقد ان الخيانه اصعب حاجه
لان فيه كل الحاجات التانيه اللي انت قولتها
فيه الم
وفيه جرح كمان
وفيه فراق علشان انت كده كده لازم هتبعد عن اللي خانك
وكمان انت عمرك ما هتحس بالخيانه اللي اذا كنت حبيت حب حقيقي

بصراحه رأي ايدووو جامد جداً

هوفعلا صح لأن الخيانه شامله لكل ده

وياريت نعرف رأيك ياسمسم

لأن لحد دلوقت أنت مقلتش رأيك Laughing

{.... توقيع fulla ....}

سجل فى : 29/01/2008

الخيانه اصعب حاجه ممكن الانسان يواجهها سواء من حبيب صديق اخ جار من نفسك

{.... توقيع SAMAR_M ....}

سجل فى : 27/04/2007

اولا ميرسي كتير ليكم علي الردود الجميله وان الموضوع نال نقاش جميل وحوار اجمل بين الاعضاء

ثانيا : معلشي علي تاخري لمده عنكم بس انا رجعت من تاني وان شاء الله الرجوع يكون طيب

ثالت حاجه بقي بالنسبه لرد فله علي رايي في الموضوع ده :

اية الاكتر صعوبة من وجهة نظرك فى

1_ الفراق

2-الجرح

3- الخيانة

4- الحب الحقيقى

5-الالم

انا عندي الخمسه اصعب من بعض ليه .....؟؟

لان كل صفه من الصفات دي بتيجي في وقت وحدث مختلف عن التاني

الصعب ايه بقي ....

ان لو اتجمعت اكتر من صفه في حدث ووقت واحد .............

علي ما اظن ان الصدمه مش هاتبقي سهله

اولا الفراق : ده بيبقي مكتوب علينا .. لو ماكانشي من حبيب يبقي من صديق او من اخ المهم انه يبقي عزيز

الفراق مش البعد عن العاطفه ولكن البعد عن العين وموجود في القلب

واصعب الفراق طبعا هو النتقال الي السماء العليا ونعمه بالله وربنا يصبرنا كلنا

ثانيا الجرح : بيبقي صعب لو اتجرحت من قريب منك اوى لانك هاتحس ان الدنيا كلها جرحتك مش الشخص ده بس

فالجرح بمثابه الجرح المعنوي اللي بنحس بيه وليس جرح خيالي وتعب نفسي بس

ثالثا الخيانه : دي بقت عامله زي العمله يعني لازم تستخدم علشان المصالح تمشي ومش لازم مع حبيب ممكن من صديق او قريب منك بس الصعب وقتها انك تتخان علي شيئ تافهه بالنسبه ليك وتبقي علي مرءى الجميع بشكل ملحوظ وسيئ جدا يدل علي اهانه الكرامه وجرح النفس

رابعا الحب الحقيقي : فعلا شيئ صعب جدا انك تحب بجد لانك في اي لحظه لقدر الله لو حصل بيع وشرا فيك علشان بتحب بجد بتبقي عامل زي الشيئ المستهلك مش ليك قيمه ولا لزمه وكل ده علشان حبيت بجد وحب حقيقي وصافي .. وما اظنش ان الحب الحقيقي موجود حاليا الا بنسبه 0.5 % لانه بقى من العمله النادره

خامسا الالم : طبعا صعب جدا جدا
الالم نتيجه لكل ما سبق اذا حدثفراق او خيانه او جرح او حب حقيقي ثم انتهت بالانفصال فده في الاخر يؤدي الي الالم

الالم بيبقي عميق جدا وصعب علاجه لان الالم الذي يحذث نتيجه لاي سبب من الاسباب السابقه بمثابه الموت ببطئ

ودي وججه نظري

وانا اسف علي اني طولت عليكم يا جماعه

بجد اسف

ودي وجهه نظري وان شاء الله تفيده الجميع ونشوف مناقشه كمان علي وجهه نظري

{.... توقيع †Fâ7†ôôôôô ....}

سجل فى : 19/01/2007

ية الاكتر صعوبة من وجهة نظرك فى
1_ الفراق
2-الجرح
3- الخيانة
4- الحب الحقيقى
5-الالم
دى مصتلحات انت من وجهة نظرك اية تعريفها
واية اصعب واحدة فيهم

الموضوع جامد يا سم سم بس بص كل الحجات دى صعبه اوى لان الحب نهايته جرح والجرح صعب والحب برده صعب والحب فى نهايته فراق والحب برده ممكن فى الاخر يبقا خيانه والخيانه دى بتسبب الالم وفى النهايه ان الحب هو الاساس لكل الحجات الصعبه النتا كتبها

{.... توقيع ELzekred ....}

**{..زائر..}** زائر

اية الاكتر صعوبة من وجهة نظرك فى

1_ الفراق

2-الجرح

3- الخيانة

4- الحب الحقيقى

5-الالم

انا شابف ان اى انسان اتولد فى الدنيا دى
مش انسان كامل
كل انسان بيكون ليه صفات معينه لازم تاخد مجراها فى الدنيا
ليه انتا بتكون التبعت واتجرت والشخص التانى الباعك وهجرك
ليه بتكون انتا الانجرحت والانسان القصداك هوا الجرحك
ليه انتا البتتخان وهوا البيخونك
ليه انتا البتحبه بجد وهوا البيضحك عليك
وليه انتا البتحس بالالم وهوا البيعزبك ويالمك
ليه علشان انتا المفعول به بتشتكى
وعلشان هوا الفاعل مش فى دماغه
محدش سال السؤال ده قبل كده
لو انتا كنت الخاين مكنتش فكرت انك تقول انا خنت وبعت
لو هنقول ايه الصعب هنقول علشان مش احنا البعنا واحنا الخنا واحنا واحنا
مفيش حد بيشوف نفسه غلط
كله فاكر نفسه هوا الصح
لو فكرنا فى الصفات البتتعمل فينا دى
طب ليه مش بنفكر فى الحجات البنعملها احنا
احنا البنتمسك بالبنحبه ومش بنبيعه ونسيبه بسهوله
احنا البننجرح علشان غيرنا مينجرحش
احنا البنتخان علشان معلمتنا الطيبه
احنا البنحب بجد علشان كده بيتعمل فينا كل ده
وفى الاخر بندوق الالم والعذاب علشان كل ده
ونيجى فى الاخر نشتكى
ولو اشتكينا يبقا احنا محبناش بجد
يبقا احنا مستحملناش الالم ومستحملناش الفراق وووو
وهنعمل العكس ونفكر ازاى نبيع وازاى نعزب وازاى نبيع ونفارق وازاى وازاى
علشان ييجى غيرنا ويقول زينا
وبرده هيفكر ويعمل زى ما القبله عمل فيه
ويبقا هوا الفاعل وغيره المفعول به
وهكذا وهكذا
احنا فى الاول كنا حلوين
بنتغير وبنبقا وحشين والبعدنا بيتغير ويبقا اوحش
علشان كده مفيش جرح بيداوا
ومفيش اتنين اتفرقو بيرجعو لبعض
ومفيش انسان خان وكفر غلطته
ومفيش حد جرح وفكر يداوى الجرحه
وعمر القصه دى ما هتخلص علشان الناس نوعين فاعل ومفعول به
والفعل هوا البيتحكم فينا
طبعا كل القلته ده كلام اهبل
بس انا حاولت اوصل راى بس مش عارفحد فهم حاجه ولا لا

{.... توقيع زائر ....}